Марк 16:17 - Библи

¹⁷ Намда этигэһэн хүн бүхэн гайхамшагта үйлэ хэрэгүүдые бүтээхэ аргатай байха. Минии нэрээр тэдэ ада шүдхэрнүүдые намнажа гаргаха, танигдахагүй хэлэнүүдээр дуугарха.

Шэнэ Хэлсээн

¹⁷ Намда этигэһэн хүн бүхэн гайхамшагта үйлэ хэрэгүүдые бүтээхэ аргатай байха. Минии нэрээр тэдэ ада шүдхэрнүүдые намнажа гаргаха, танигдахагүй хэлэнүүдээр дуугарха.

Марк 16:17 Referencias Cruzadas

Марк 9:38

– Багша, Танай нэрээр ада шүдхэрнүүдые дарадаг хүниие бидэ хараабди. Тэрэ хүн маанадаар суг ябалсаагүй, тиимэһээ бидэ тэрэниие хорёобди, – гэжэ Иоанн хэлэбэ.

Лука 10:17

Далан хоёр түлөөлэгшэдынь хото хүдөөгөөр ябаһанаа ехэ баяртай бусажа ерээд: – Эзэн аа, Танай нэрэһээ захирхадамнай ада шүдхэрнүүдшье үгыемнай дуулана, – гэжэ хэлэбэд.

Иоанн 14:12

Би таанарта үнэниие хэлэнэб: Намда этигэдэг хүн Минии хэдэг лэ хэрэгүүдые бүтээхэ, бүришье ехэ юумэ хэжэ шадаха, юундэб гэбэл, Би Эсэгэдээ ошохомни.

Хэрэгүүд 10:46

Элдэб янзын хэлэнүүд дээрэ Бурханиие магтахые тэдэ дуулаба ха юм.

Хэрэгүүд 16:18

Тэрэ эхэнэр олон үдэрэй үргэлжэдэ иимэ маягаар һүхиржэ байгаа. Һүүлэй һүүлдэ Павел тэсэбэриеэ алдаад, гэдэргээ хаража, тэрэ һүлдэдэ хандан: – Иисүүс Христоосой нэрээр энэ эхэнэрһээ гара гэжэ шамда захирнаб, – гэбэ. Тэрэ һүлдэнь дары гаража талиигаа бэлэй.

Хэрэгүүд 19:6

Павелай арбан хоёр оршом шабинар дээрэ гараа табихадань, Арюун Һүлдэ буужа, тэдэ элдэб хэлэнүүд дээрэ дуугаржа, номножо эхилбэ.

Хэрэгүүд 2:33

Иисүүс Эсэгынгээ баруун талада дэгдүүлэн, найдуулһан Арюун Һүлдэдэнь хүртэбэ, тиигээд Тэрэ Һүлдөөрөө бидэниие нэбтэрүүлээ. Мүнөө таанад энээниие харанат, дууланат.

Хэрэгүүд 5:16

Иерусалимай оршон тойронхи хотонуудһаа зон олоороо үбшэн хүнүүдые, ада шүдхэртэ барюулһан зониие хүтэлжэ асардаг бэлэй. Тиин тэдэнь булта аргалуулан эдэгэшэдэг һэн.

Хэрэгүүд 8:7

Олон ада шүдхэрнүүдынь оог хашхараа табин гаража, олон саа үбшэнтэн болон дохолон хүнүүд эдэгэбэ.

Коринфынхидтэ 1-дэхи 12:10

Тиигээд нэгэ хүнүүдтэ гайхамшагта үйлэ хэрэгүүдые бүтээхэ хүсэ шадал үгэнэ, нүгөөдүүлдэ Бурханай мэдээсэл тайлбарилха абьяас хайрлана, үшөө нүгөөдүүлдэ али мэдээсэл үнэхөөрөө Бурханһааб, али Бурханһаа бэшэ гү гэжэ илгаруулха абьяас олгоно, зарим хүнүүдтэ элдэб янзын танигдахагүй хэлэнүүд дээрэ дуугарха бэлиг хайрлана, үшөө зариманда тэрэ хэлэһэн юумыень тайлбарилжа үгэхэ абьяас олгодог.

Коринфынхидтэ 1-дэхи 12:28

Һүзэглэгшэдэй бүлгэм соо Бурхан хүн бүхэниие байрадань байлгаба: анха түрүүн, элшэнэрые, хоёрдохи һуурида Бурханай мэдээсэл элирүүлэгшэдые, гурбадахи һуурида һургагшадые, тиигээд гайхамшагта үйлэ хэрэгүүдые бүтээдэг зониие, хойноһоонь үбшэн хүнүүдые аргалан эдэгээдэг, бусад зондо туһалдаг, бусадые ударидадаг, элдэб танигдахагүй хэлэн дээрэ дуугардаг абьяастай хүнүүдые табяа.

Коринфынхидтэ 1-дэхи 12:30

тон тиигэжэл хүн бүхэн үбшэнүүдһээ аргалха абьяастай байдаггүй, элдэб танигдахагүй хэлэнүүд дээрэ дуугардаггүй, тэрэ хэлэһэн юумэнүүдыень тайлбарилдаггүй.

Коринфынхидтэ 1-дэхи 13:1

Хэрбээ би хүнүүдэй гү, али Эльгээмэлнүүдэй хэлэн дээрэ дуугардаг аад, харин хайра дурагүй байгаа һаа, би ханхинаһан зэд, хонгирһон сан гээшэб.

Коринфынхидтэ 1-дэхи 14:2

Танигдахагүй хэлэнүүд дээрэ дуугаржа байһан хүнүүд бусад хүнүүдтэ бэшэ, харин Бурханда хандан дуугарна, тиимэһээ хэншье тэдэниие ойлгоногүй, тэдэ Арюун Һүлдын хүсөөр нюуса үнэн зүйлые айладхана.