Марк 15:21 - Библи

²¹ Харгыдаа тэдэнэр хээрэһээ гэртээ бусажа ябаһан Хэрээн нютагай Симон гэдэг хүнтэй уулзаба. Сэрэгшэд тэрэниие Иисүүсэй хэрээһэ үргэлөөд ябахыень баалаба. (Симон болбол Александр Рүүф хоёрой эсэгэ байгаа.)

Шэнэ Хэлсээн

²¹ Харгыдаа тэдэнэр хээрэһээ гэртээ бусажа ябаһан Кириней нютагай Симон гэдэг хүнтэй уулзаба. Сэрэгшэд тэрэниие Иисусай хэрээһэ үргэлөөд ябахыень баалаба. (Симон болбол Александр Руф хоёрой эсэгэ байгаа.)

Марк 15:21 Referencias Cruzadas

Матвей 27:32

Замдаа тэдэ Хэрээн нютагай Симон гэдэг хүнтэй тааралдаад, Иисүүсэй хэрээһэ үргэлөөд ябахыень баалаба.

Матвей 5:41

Хэрбээ нютагыешни эзэлһэн сэрэгшэд шамайе нэгэ модоной зайда юумыень шэрэжэ абаашахыешни хүсөөр баалабалнь, ши тэдэнэй юумэ хоёр модоной зайда абаашажа үгөөрэй.

Марк 15:20

Тиигэжэ сэрэгшэд Иисүүсые ханатараа баһаад, удаань үнөөхи улаан субыень тайлаба. Тиигээд Өөрынь хубсаһа үмдэхүүлээд, хэрээһэндэ хадахаяа абаашаа һэн.

Лука 14:27

Хэрээһээ үргэлөөд, Намтай ябалсаагүй хүн Минии шаби боложо шадахагүй.

Лука 23:26

Иисүүсые сэрэгшэдэй абаад ябахадань, замдань Хэрээн нютагай Симон гэжэ хүн хээрэ ажаллаад бусажа ябаа. Тэрээндэ хэрээһэ үргэлүүлээд, Иисүүсэй хойноһоо ябуулба.

Иоанн 19:17

«Хохимой» (еврей хэлээр «Голгофо») гэжэ нэрэтэй газар хүрэтэр Иисүүс хэрээһэеэ бэе дээрээ үргэлөөд ябаха ёһотой байгаа.

Хэрэгүүд 11:20

Тэдэнэй дунда Кипрһээ, Хэрээнһээ уг гарбалтай хүнүүд байһан тула тэдэнэр Антиох ошожо, Эзэн Иисүүс тухай Һайн Мэдээсэлые грегүүдтэшье номнобо.

Хэрэгүүд 13:1

Антиохой һүзэглэгшэдэй бүлгэмдэ зарим лүндэншэд, багшанар: Барнааба, Нигер гэһэн ара нэрэтэй Симеон, Хэрээн хотын Лукий, Саул, бага байхадаа хаанай хүбүүн Иродтэй хүмүүжүүлэгдэһэн Мэнааһэм гэгшэд бии һэн.

Хэрэгүүд 2:10

Фригиин, Памфилиин, Египедэй болон Хэрээн хотын хажуудахи Ливиин оршон тойронхи нютагуудһаа, Римһээ уг гарбалтай

Хэрэгүүд 6:9

«Сүлөөлэгшэд» гэгдэдэг мүргэлэй гэрэй Хэрээн, Александриһаа уг гарбалтай хүнүүд, баһа Килики, Асиһаа уг гарбалтай хүнүүд Стефантай арсалдажа оробод.

Римэйхиндэ 16:13

Эзэнэй шэлэжэ абаһан Рүүфтэ, намда хүбүүндээл адли хандадаг тэрэнэй эжыдэ мэндыемни дамжуулаарайгты.