Марк 14:65 - Библи

⁶⁵ Тиигээд зариманиинь Иисүүсые нёлбожо оробо, нюдыень боогоод, нюдаргаараа шаан: – Таниие хэн сохёоб, хэлэгты даа! – гэлдэбэ. Удаань харуулшад Тэрэнэй хасарые альгадаба.

Шэнэ Хэлсээн

⁶⁵ Тиигээд зариманиинь Иисусые нёлбожо оробо, нюдыень боогоод, нюдаргаараа шаан: «Шамайе хэн сохёоб, хэлэл даа!» – гэлдэбэ. Удаань харуулшад тэрэнэй хасарые альгадаба.

Марк 14:65 Referencias Cruzadas

2 Угай бэшэг 18:23

Хэнаанаагай хүбүүн Цэдэкиия гэгшэ дүтэлөөд, Михай гэгшын хасар альгадаад: – Эзэн намда бэшэ, гансал шамда айладана гэжэ нээрээ һанажа байна гүш? – гэбэ.

Эстээр 7:8

Сэсэрлиг соо нэгэ хэды саг байгаад, хаан дараса уужа байгааша үргөөдөө бусаба. Эстээр хатанай байгааша һандали дээрэ Һамаанай һунаад хэбтэхые тэрэ хараад: – Минии ордон соо, минии хажууда энэ бузар амитан хатаниием хүсөөрөө эдлэхэнь гү?! – гэжэ уурлан үгүүлбэ. Хаанай хэлэмсээр тайган түшэмэлнүүд Һамаанай толгойе бүтүүлэн бүглэбэ.

Иоов 30:10

Тэдэ намһаа бэшүүрхэжэ, нюур руумни нёлбохоһоо наана болоно.

Исай 50:6

Намайе сохигшодто нюргаа табижа үгөөб, доромжолходонь, тэдэниие болюулаагүйб, һахалыемни зулгаагша хүндэ хасараа табяад үгөөб, нёлбоходонь, нюураа халхалаагүйб.

Исай 52:14

Тэрэниие харахадаа, олон зон сошоо бэлэй: түһөө шарайнь угаа муухай, хүнэй нюурта адли бэшэ һэн, харахада, хүн бэшэ шэнги һэн.

Исай 53:3

Тэрэниие шоо үзэжэ, Тэрээнһээ зайлажа байгаабди. Уй гашуудал болон үбшэ хабшанай зоболон Тэрэ мэдээ. Бидэ Тэрээнһээ буруу хаража, шоо үзэжэ, хэншье бэшэ гэжэ тоодоггүй һэмди.

Михей 5:1

Сэрэгэй бүлэгүүдэй хото! Сэрэгээ суглуулан, дайлалдахада зохистойгоор таби! Дайсад бидэниие бүһэлөөл! Тэдэ Израилиин удамаршые хасар руунь һабаа модоор сохихо.

Тоололго 12:14

Эзэн Моисейдэ иигэжэ айладаба: – Эсэгэнь тэрээндэ уурлажа, нюуртань нёлбоо һаань, эшэгүүридэ тэрэ орохогүй байгаа гү? Долоон хоногто тэрэ хотон хүреэнһөө арилаг. Долоон хоногой үнгэрһэн хойно дахинаа тэрэ хотон хүреэндээ бусаг.

Матвей 27:30

Тиигээд Тэрээниие нёлбобо, таягынь абаад, тархи түрүүень сохибо.

Марк 10:34

Тэдэнь Тэрэниие баһаха, нёлбохо, сохихо, хожомынь алаха. Зүгөөр Хүбүүн гурбадахи үдэртөө амидырха.

Марк 15:19

Тиигээд сэрэгшэд Тэрэнэй тархи түрүүень таягаар сохижо, урдаһаань нёлбожо, мүн үбдэг дээрээ унан дохибо.

Иоанн 18:22

Иигэжэ хэлэхэдэнь, Иисүүсэй хажууда зогсожо байһан харуулшадай нэгэниинь Тэрэнэй нюурыень альгадаад: – Ахамад санаартын урдаһаа юундэ иигэжэ дуугарнабта! – гэжэ зандаран хэлэбэ.

Иоанн 19:3

Иисүүстэ дүтэлжэ ерээд: – «Еврейнүүдэй хаан» мандаха болтогой! – гэлдэн, Иисүүсэй нюур альгадабад.

Хэрэгүүд 23:2

Анания гэжэ нэрэтэй ахамад санаарта хажуудань байһан зондо нюур амыень альгадагты гэжэ захирба.

Еврейнүүдтэ 12:2

Һүзэг этигэлэймнай эхи татаһан, тэрэнииемнай түгэс түгэлдэр болгоһон Иисүүсые шэртэжэ байял. Ерээдүйдэ үзэгдэхэ баярай түлөө Тэрэ Өөрыгөө гутаалгахаяа айнгүй, хэрээһэндэ хадуулжа үхөөд, Бурханай баруун талада һуугаа.