Марк 13:8 - Библи

⁸ Нэгэ арад нүгөө арадтаа добтолон орохо, хаан оронууд хоорондоо хёморолдон тэмсэхэ; эндэ тэндэ газар хүдэлхэ, үлэсхэлэн зоболон, үхэл тахал тохёолдохо. Зүгөөр эдэ бүхэн бэрхэшээл зоболонгуудай эхииень лэ табиха.

Шэнэ Хэлсээн

⁸ Нэгэ арад нүгөө арадтаа добтолон орохо, хаан оронууд хоорондоо хёморолдон тэмсэхэ; эндэ тэндэ газар хүдэлхэ, үлэсхэлэн зоболон, үхэл тахал тохёолдохо. Зүгөөр эдэ бүхэн бэрхэшээл зоболонгуудай эхииень лэ табиха.

Марк 13:8 Referencias Cruzadas

2 Угай бэшэг 15:6

Үндэһэ яһатан нүгөөдэ яһатаниие, хото нүгөө хотые мунсадаха, юуб гэбэл, Бурхан элдэб гай тодхор ушаруулан, тэдэниие хүлгөөн байха.

Псалманууд 48:6

Гэм буруу тойроод байхада, зобохо зүдэрхэ үдэртөө би юунһээ айхабиб?

Исай 19:2

Эзэн иигэжэ айладхана: «Египедэй зониие өөһэд өөһэдтэйнь мүргэлдүүлэн, урда урдаһаань тухирхаб. Тэдэ аха дүүгэйнгөө урдаһаа, хүршынгөө урдаһаа, хотонь хотын урдаһаа хаанта засаг барихын тула хоорондоо дайлалдаха.

Исай 29:6

Түмэн Сэрэгтэ Эзэн аянга буулган, газар хүдэлгэн, ехэ дуу шуугаар, хуй һалхяар, шуургаар, түймэрэй галаар таанадые абарха.

Исай 37:3

Хэзэкияа Исайда иимэ мэдээсэл дуулгахыень тэдээндэ даалгаа бэлэй: «Энэ үдэр болбол гай гасалангай, хэһээлтын, нэрэ хүндөө бууралгын үдэр. Нарайлхаяа байһан аад, түрэхэ арга шадалгүй эхэнэртэл адли байнабди.

Ерэмияа 13:21

Өөрэйншни һургаһан зониие шамда захирхыень дээрэшни Тэрэнэй табибал, ши юун гэхэбши? Түрэжэ байһан эхэнэр шэнги үбшэндэ баригдахалши.

Ерэмияа 22:23

Ливаанай үнэтэ хуша модоор бэеэ хүреэлэн амархан ажаһуугша таанад түрэжэ байһан эхэнэртэл адли хүндэ үбшэндэ нэрбүүлхэдээ, хэды шангаар ёолохо гээшэбта!

Ерэмияа 25:32

Израилиин Бурхан, Түмэн Сэрэгтэ Эзэн иигэжэ айладана: Гай тодхор нэгэ үндэһэ яһатанһаа нүгөөдэ үндэһэ яһатан хүрэтэр дамжан ябана, газар дэлхэйн аласһаа агууехэ шуурган хүдэлжэ эхилээ.

Ерэмияа 4:31

Би түрэхэ гэжэ үбдэжэ байһан эхэнэрэй оог хашхараанда адли дууе, түрүүшын үхибүүгээ түрэжэ байһан эхэнэрэй ёолоходол абяае, гараа һунгаад: «Аа, би гасаланда орооб! Намайе алахаяа тэдэ ерэнэ!» – гэжэ амияа абажа ядажа байһан Сионой үхинэй абяае соносооб.

Ерэмияа 49:24

Дамааскын улад зон аймхай, айһандаа тэдэ тэрьедээ, үхибүү түрэжэ байһан эхэнэртэл, үбдэжэ, зобожо байна.

Ерэмияа 50:43

Вавилооной хаан тэдээн тушаа һураг суу дуулажа, һал һуушаба. Түрэжэ байһан эхэнэртэл үбшэндэ, гай зоболондо тэрэ нэрбэгдэбэ.

Ерэмияа 6:24

Иерусалимай зон иигэжэ хэлэнэ: – Тэдээн тушаа һураг суу дуулажа, һал һуушабабди. Түрэжэ байһан эхэнэртэл үбшэндэ, гай зоболондо бидэ нэрбэгдэбэбди.

Хаггай 2:22

хан түрэнүүдые үгы хэхэнь, арадуудай хан түрэнүүдэй хүсэ шадалынь бууруулхань. Дайшалхы тэргэнүүдые хүмэрюулжэ, жолоошодыень унагаахань. Морин сэрэгшэд бэе бэеэ һэлмээр сабшан усадхаха.

Захарияа 14:13

Иимэ гай гамшаг дайсанай дунда һүжэрэн дэлгэрхэ. Мүн тэрээндэ адли аймшагтай үбшэн бүхы мори, лууста, тэмээн, элжэгэндэ тудажа сохихо. Тэрэ үдэртэ арад түмэндэ аргагүй ехэ сэдьхэлэй үймөөн һандарал Эзэнһээ буужа, нэгэниинь нүгөөдэдөө эсэргүү гараа далайха. Иудын арад Иерусалимда дайтаха. Тойронхи бүхы үндэһэтэнэй эд баялиг болохо алта мүнгэн, хубсаһа хунар ехээр суглуулагдаха.

Матвей 24:8

Зүгөөр эдэ бүхэн бэрхэшээл зоболонгуудай эхииень лэ табиха.

Марк 13:7

Мүн байлдаанууд тухай, дайн сэрэг тухай һураг дуулабал, бү айгаарайгты. Тиимэрхүү юумэнүүд болохо ёһотой. Зүгөөр энэнь үшөөл эсэс бэшэ байха.

Марк 13:9

Таанад өөһэдөө һэргэг байха ёһотойт. Таанадые зарга шүүбэриин газарта абаашажа тушааха, мүргэлэй гэр соо сохихо. Минии түлөө таанад захирагшадай, хаашуулай урда зогсоод, һүзэг тухайгаа хэлэхэт.

Хэрэгүүд 11:28

Агааб гэжэ нэрэтэй тэдэнэй нэгэн бодожо, бүхы газар дэлхэйдэ ехэ үлэсхэлэн болохо гэжэ Арюун Һүлдын ашаар уридшалан хэлэбэ. Тиимэ үлэсхэлэн Клавдий хаанай захирха үедэ болоо һэн.

Фессалоникиинхидтэ 1-дэхи 5:3

Хүнүүдэй «Амгалан тайбан, аюулгүй һуунабди» гэжэ байхада, тэдэниие гэнтэ һүйдхэхэ. Тэрэ һүйдхэл болбол түрэхөө байһан эхэнэрэй үбдэдэг мэтэ гэнтэ эхилхэ, тиимэһээ хүнүүд тэрээнһээ зайлажа шадахагүй.

Гэршэлгэ 6:4

Тиихэдэнь ондоо, гал улаан зээрдэ морин гараба. Мори унаһан тэрэ хүндэ газар дайда дээрэхи амгалан тайбан байдалые эбдэжэ, дэлхэйн зоной бэе бэеэ алалсалгын эрхэ засаг олгогдобо. Тэрээндэ томо гэгшын һэлмэ үгтөө.