Марк 12:7 - Библи

⁷ Теэд үзэмшэд: «Энэ хүбүүн эсэгынгээ эд зөөри залгамжалха. Энээниие алая, тиигэбэл бүхы зөөринь манай болохо», – гэжэ өөһэд хоорондоо хэлсэбэ.

Шэнэ Хэлсээн

⁷ Теэд үзэмшэд: „Энэ хүбүүн эсэгынгээ эд зөөри залгамжалха. Энээниие алая, тиигэбэл бүхы зөөринь манай болохо“, – гэжэ өөһэд хоорондоо хэлсэбэ.

Марк 12:7 Referencias Cruzadas

Эхин 3:15

Би эхэнэр та хоёрые эбсэшэгүй дайсад болгохоб. Таанадай үри һадаһад хоорондоо дайсад болохо, тэрэнэй хүбүүд толгойеш бизалха, харин ши тэдэнэй хүлэй улые хадхадаг, хазадаг болохош.

Эхин 37:20

– Тэрэниие барижа алаад, шэргэһэн худаг руу хаяя. Тиигээд тэрэниие арьяатан барижа эдеэ гэжэ хэлэхэбди. Эгээл тиигээд тэрэнэй зүүдэн хэр үнэн дээрээ бэелэгшэ ааб гэжэ харахабди!

Исай 49:7

Үндэһэ яһатанда үзэн ядуулдаг, баһуулдаг, зонхилогшодой зараса байгша хүндэ хандан, Израилиин Абарагша, Арюун Эзэн Бурханиинь иигэжэ айладхана: «Хаашуул шамайе хаража, хүндэлжэ байһанаа гэршэлэн, хүл дээрээ бодохо, ударидагшад шамда доро дохихо. Минии, Эзэнэй, түлөө эдэ бүгэдые тэдэ хэнэ, Минии, Израилиин арюун Бурханай, түлөө!»

Матвей 2:16

Сэсэшүүлдэ мэхэлүүлһэнээ мэдэрхэдээ, Ирод аргагүй ехээр сухалдаба. Тиигээд Бэтлэһээм хото болон тэрэниие оршон тойроһон нютагуудай хоёр наһанһаа доошо хүбүүдые алагты гэһэн захиралтатайгаар сэрэгшэдээ эльгээбэ. Үхибүүнэй наһа Ирод сэсэшүүлһээ мэдэжэ абаһан сагаар багсааһан байна.

Матвей 21:34

Жэмэс түүхэ сагай болоходо сэсэрлигэй эзэн үрэ жэмэсэй ургасаһаа минии хубиие абажа ерэгты гэжэ үзэмшэдтэ барлагуудаа эльгээбэ.

Марк 12:12

Иисүүсэй хэлэһэн һургаалта үгэнүүдые дуулаад, түрүү санаартан ба фарисейнүүд өөһэд тухайнь хэлэжэ байна гэжэ ойлгобо. Тиимэһээ Иисүүсые барижа хэһээхэеэ хүсэбэ, теэд улад зонһоо айжа, Тэрэниие хүрэбэгүй.

Марк 12:6

Һүүлэй һүүлдэ эзэн хүбүүемни тэдэ хүндэлхэ аабза гэжэ һанан, үзэмшэдтэ ори ганса инаг хайрата хүбүүгээ ябуулба.

Марк 12:8

Тиигээд тэрэ хүбүүень барижа алаад, бэеыень үзэмэй сэсэрлигһээ гаргажа хаяба.

Хэрэгүүд 2:23

Бурханай үни баталһан түсэбэй ёһоор танай гарта үгтэһэн Иисүүсые хуули эбдэгшэдэй гараар хэрээһэндэ хадажа алаат.

Хэрэгүүд 5:28

– Иисүүсэй нэрэ алдараар номнохыетнай бидэ хорёо бэшэ һэн гүбди? Харин таанад өөһэдынгөө һургаалые бүхы Иерусалимаар номноод, үшөө Иисүүсэй адхарһан шуһые манһаа нэхэхэ һанаатай байна гүт? – гэжэ һураба.

Хэрэгүүд 7:52

Танай үбгэ эсэгэнэртнай лүндэншэдэй хэниие хашан мүрдөөгүйб? Үнэн сэдьхэлтэнэй ерэхэ тухай урда айладхаһан хүнүүдые тэдэ алаа, харин таанад мүнөө тэрэ Үнэн сэдьхэлтэндэ урбажа, тэрэниие алабат.

Еврейнүүдтэ 1:2

Харин һүүлшын эдэ үдэрнүүдтэ Тэрэ Хүбүүгээрээ дамжуулан бидэндэ хэлэнэ. Бурхан Хүбүүнэйнгээ ашаар замбуулин дэлхэйе бүтээжэ, бүхы юумые залгамжалхаар Тэрэнээл һунгаа.