Марк 12:6 - Библи

⁶ Һүүлэй һүүлдэ эзэн хүбүүемни тэдэ хүндэлхэ аабза гэжэ һанан, үзэмшэдтэ ори ганса инаг хайрата хүбүүгээ ябуулба.

Шэнэ Хэлсээн

⁶ Һүүлэй һүүлдэ эзэн хүбүүемни тэдэ хүндэлхэ аабза гэжэ һанан, үзэмшэдтэ ори ганса инаг хайрата хүбүүгээ ябуулба.

Марк 12:6 Referencias Cruzadas

Эхин 22:12

– Тэрээндээ гар бү хүрэ! – гэжэ Эльгээмэл айладаба. – Боли! Хайрата ганса хүбүүгээ Намда үргэхэһөө татагалзаагүй байһан дээрэһээш Намайе хүндэлдэг гэжэ Би мэдэбэб.

Эхин 22:2

Тиихэдэнь Бурхан айладхал буулгаба: – Ори ганса хайрата Исаак хүбүүгээ абаад, Мориһаа нютаг руу ошо. Тэндэ ошоходош, Би шамда нэгэ хада заажа үгэхэб. Тэрэ хада өөдэ гараад, хүбүүгээ Намда түгэс шатаалта үргэл болгон тахи.

Эхин 37:3

Үндэр наһатай болоһон хойнонь түрэһэн Иосифтоо Израиль бусад хүбүүдһээ үлүү дуратай бэлэй. Тиигээд тэрэ Иосифто үргэн хамсытай, ута хормойтой, гоё һайхан дэгэл бүтээжэ үмдэхүүлхэ болобо.

Эхин 44:20

«Үндэр наһатай эсэгэтэйбди, тэрэнэймнай үтэлһэн хойно гараһан нэгэ дүү хүбүүн бии. Тэрэ дүүгэймнай түрэһэн аха наһа баранхай. Тиигээд дүүгэймнай эхэһээ гансаараа үлэһэн болохолоорнь эсэгэмнай тэрээндээ угаа дуратай юм» гэжэ харюусаа бэлэйлди.

Псалманууд 2:12

Хүбүүень таалагты! Үгы һаатнай, Тэрэ уурлажа, харгы замдаа хосорхот. Юуб гэбэл, уур хилэнгынь гэнтэ аһаха-носохо юм. Абарал бэдэрэн, Тэрээндэ хандагша хүн бүхэн юрөөлтэй!

Псалманууд 2:7

Би, хаан, Эзэнэй зарлигые тунхаглахам. Эзэн намда иигэжэ айладаа: «Ши Минии хүбүүнши, Мүнөөдэр Би Эсэгэшни болооб.

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Матвей 11:27

Бүхы юумые Эсэгэмни Намда үгөө. Эсэгэһээ ондоо хэншье Хүбүүе мэдэхэгүй, мүн Хүбүүнһээ, баһа Хүбүүнэй дуулгаһан хүнүүдһээ ондоо хэншье Эсэгые мэдэхэгүй.

Матвей 17:5

Тиигэжэ хэлэжэ байтарнь ялагар үүлэнэй һүүдэр тэдэниие хушаба, үүлэнһээ: – Энэ Минии инаг хайрата Хүбүүмни юм, сэдьхэлэймни урма охин юм; үгыень дуулажа байгты, – гэһэн абяан дуулдаба.

Матвей 26:63

Теэд Иисүүс юумэ дуугарбагүй. Тиихэдэнь ахамад санаарта Тэрээндэ: – Амиды Бурханай урда тангариглан ши манда хэлэжэ үгэ, ши Бурханай табисуурта, Бурханай Хүбүүниинь гүш? – гэжэ хэлэбэ.

Матвей 3:17

– Энэ Минии хайрата Хүбүүмни гээшэ, сэдьхэлыемни баярлуулна, – гэһэн абяан огторгойһоо дуулдаба.

Марк 1:11

– Ши хайрата Хүбүүмниш, сэдьхэлыемни баярлуулнаш, – гэһэн абяан тэнгэриһээ дуулдаба.

Марк 12:5

Эзэнэй дахин ондоо зарасаяа эльгээхэдэ, тэрэнииень үзэмшэд алажархёо һэн. Сэсэрлигэй эзэн хойно хойноһоонь зарасанараа ябуулжал байгаа; харин үзэмшэд тэдэнэй зарим нэгыень зада сохиһоор, нүгөөдыень алаһаар лэ байгаа.

Марк 12:7

Теэд үзэмшэд: «Энэ хүбүүн эсэгынгээ эд зөөри залгамжалха. Энээниие алая, тиигэбэл бүхы зөөринь манай болохо», – гэжэ өөһэд хоорондоо хэлсэбэ.

Марк 9:7

Тиигэжэ байтарнь үүлэн бии боложо, тэдэниие хушаад, тэндэһээнь иимэ абяан дуулдаба: – Энэ Минии инаг хайрата Хүбүүмни юм, үгыень дуулажа байгты.

Лука 3:22

гулабхаагай дүрсэтэйгөөр Арюун Һүлдэ Тэрээндэ бууба. – Ши Минии хайрата Хүбүүмниш, сэдьхэлыемни баярлуулнаш, – гэһэн абяан огторгойһоо дуулдаба.

Лука 9:35

– Энэ Минии шэлэжэ абаһан Хүбүүн юм! Тэрэнэй үгөөр ябагты! – гэжэ абяан үүлэн сооһоо хэлэбэ.

Иоанн 1:14

Үгэ хадаа хүн боложо түрөөд, бидэнэй дунда амидаржа байгаа. Эсэгэ Бурханай ори ганса Хүбүүниинь үршөөл хайрын ба үнэн зүйлэй бэелэл байжа, бидэндэ һүр шадалаа харуулаа.

Иоанн 1:18

Бурханиие хэншье, хэзээдэшье хараагүй. Бурхантай нэгэн хамта, Эсэгэдээ ойро дүтэ ори ганса Хүбүүниинь лэ Бурханиие юртэмсэ дэлхэйдэ харуулаа.

Иоанн 1:34

Би эдэ бүгэдые хараа һэм, тиин Энэ Бурханай Хүбүүн мүн гэжэ би гэршэлнэб.

Иоанн 1:49

– Рабби аа! Та ёһоороол Бурханай Хүбүүн, Израилиин Хаан байнат! – гэжэ Натанаил дуугарба.

Иоанн 3:35

Эсэгэ Бурхан болбол Хүбүүндээ дуратай байжа, бүхы юумэ Тэрээнэйнгээ мэдэлдэ үгөө.

Еврейнүүдтэ 1:6

Тиихэдэ Бурхан Өөрынгөө ууган Хүбүүе дэлхэй руу эльгээхэдээ: «Бурханай бүхы Эльгээмэлнүүд Тэрээндэ мүргэхэнь болтогой», – гэжэ хэлээ.

Иоаннай 1-дэхи хандалга 4:9

Бидэндэ дуратай байдагаа Бурхан иигэжэ харуулаа: Хүбүүгээрнь дамжан бидэнэй мүнхэдөө амиды ябахын тула Бурхан ори ганса Хүбүүгээ газар дэлхэйдэ эльгээгээ.

Иоаннай 3-дахи хандалга 1:1

Һүзэглэгшэ бүлгэмэй ахалагшаһаа – инаг дуратай Гайда! Би шамда үнэн сэдьхэлһээ дуратайб.