Марк 12:33 - Библи

³³ Тиин Эзэн Бурхандаа бүхы зүрхэ сэдьхэлээрээ, бүхы амин һүлдөөрөө, бүхы ухаан бодолоороо, байһан хүсэ шадалаараа дуратай бай; дүтынгөө хүндэ өөртөөл адли дуратай бай гэхэдээ Та баһал тон зүб хэлэнэт. Эдэ захяа заабаринууд маанадай үргэхэ аргатай бүхы түгэс шатаалта үргэлнүүдһээ, бүхы тахил бэлэгүүдһээ шухала юм.

Шэнэ Хэлсээн

³³ Тиин Эзэн Бурхандаа бүхы зүрхэ сэдьхэлээрээ, бүхы һүнэһэ һүлдөөрөө, бүхы ухаан бодолоороо, байһан хүсэ шадалаараа дуратай бай; бусад зондо өөртөөл адли дуратай бай гэхэдээ ши баһал тон зүб хэлэнэш. Эдэ захяа заабаринууд маанадай үргэхэ аргатай бүхы тахилнуудһаа, бүхы үргэл бэлэгүүдһээ шухала юм».

Марк 12:33 Referencias Cruzadas

Һургаал 21:3

Үнэн сэхэ ба шударга үйлэ Эзэндэ үргэһэн үргэлһөө үлүүгээр сэгнэгдэдэг.

Һошээ 6:6

Намда тахил тахихын орондо бусад зондо үршөөл хайратай байхатнай Намда хэрэгтэй. Намда түгэс шатаалта үргэл асархын орондо Намайе мэдэдэг зон байхатнай хэрэгтэй.

Матвей 12:7

Хэрбээ таанар: «Намда тахил тахихын орондо бусад зондо үршөөл хайратай байхыетнай хүсэнэб» гэжэ Нангин Бэшэг соо хэлэгдэһэн үгын үнэн удха мэдэжэ байбал, зэмэгүй зониие буруушаахагүй һэнта.

Матвей 9:13

Таанад ошожо, «Намда тахил тахихын орондо бусад зондо үршөөл хайратай байхыетнай хүсэнэб» гэжэ Нангин Бэшэг соо хэлэгдэһэн үгын удха мэдэжэ абагты. Би үнэн сэдьхэлтэниие бэшэ, харин нүгэл хэгшэдые дуудахаяа ерээ хүнби.

Хуули дабталга 6:5

Бүхы зүрхэ сэдьхэлээрээ, бүхы амин һүлдөөрөө, бүхы хүсэ шадалаараа Эзэн Бурхандаа дуратай байгты.

Еврейнүүдтэ 10:8

«Тахил, үргэлнүүдые, үргэлэй шэрээ дээрэ үргэгдэһэн түгэс шатаалта үргэлнүүдые, нүгэлнүүдээ арилгахын тула тахигдаһан тахилнуудыешье Та абаха дурагүй байгаат, тэдэниие һайшаагаагүйт», – гэжэ Тэрэ түрүүн айладаба. Эдэ бүхы тахилнуудые Хуулиин ёһоор үргэдэг байһаншье хадань, Тэрэ тиигэжэ айладаа.

1 Хаан түрэнүүд 15:22

Самуил: – Эзэнэй үгэ дуулахань Эзэндэ түгэс шатаалта үргэл, мүн үргэлнүүдые хэжэ баярлуулхаһаа дээрэ бэшэ гү? Ойлго, үгэ дуулаха гээшэ үргэл үргэхэһөө дээрэ. Айладхаһаарнь байха гээшэ хусын өөхэнһөө үлүү.