Марк 12:32 - Библи

³² Хуули заадаг багша Иисүүстэ хэлэбэ: – Багша аа, Бурхан ори ганса юм, Тэрээнһээ ондоо Бурхан үгы гэжэ хэлэхэдээ Та тон зүб хэлэнэт.

Шэнэ Хэлсээн

³² Хуули заадаг багша Иисуста хэлэбэ: «Багша аа, Бурхан ори ганса юм, тэрээнһээ ондоо Бурхан үгы гэжэ хэлэхэдээ ши тон зүб хэлэнэш.

Марк 12:32 Referencias Cruzadas

Исай 44:8

Бү айгты, бү һүрдэгты! Эртэ урда сагһаа мүнөө болотор юун болохыень Би таанадта уридшалан айладажа мэдүүлээ һэм. Таанад гэршэнэрнит. Намһаа ондоо Бурхан бии юм гү?! Ондоо Хабсагай байхагүй! Би мэдэхэгүйб!

Исай 45:14

Эзэн иигэжэ айладхана: Израиль, Египедэй болон Эфиопиин баялиг таанадай болохо, Сэбаагай үндэр бэетэй зон танай богоол болохо, хойноһоотнай гэнжэлүүлэгдэн ябаха. Тэдэ танда унан мүргэжэ, «Үнэхөөр Бурхан таанадтай хамта байна. Ондоо бэшэ Бурхан байхагүй» гэлдэхэ.

Исай 45:18

Огторгойе бүтээһэн, газарые байгуулһан, бии болгоһон, һуурииень табиһан, хооһон байхын тула бэшэ, амидархын тула бүтээһэн, байгуулһан Эзэн иигэжэ айладажа байна: Би болбол Эзэн гээшэб. Намһаа ондоо Бурхан байхагүй!

Исай 46:9

Үни эртын, урданай зүйл һанагты. Минии ори ганса Бурхан байһые баталан дэмжэгты, Намтай адли хэншье байхагүй.

Марк 12:29

Иисүүс харюусаба: – Эгээн шухала захяа заабари иимэ: «Израилиин арад, манай Эзэн Бурхан ори ганса Эзэн юм.

Марк 12:33

Тиин Эзэн Бурхандаа бүхы зүрхэ сэдьхэлээрээ, бүхы амин һүлдөөрөө, бүхы ухаан бодолоороо, байһан хүсэ шадалаараа дуратай бай; дүтынгөө хүндэ өөртөөл адли дуратай бай гэхэдээ Та баһал тон зүб хэлэнэт. Эдэ захяа заабаринууд маанадай үргэхэ аргатай бүхы түгэс шатаалта үргэлнүүдһээ, бүхы тахил бэлэгүүдһээ шухала юм.

Хуули дабталга 4:35

Эзэн Бурхан ганса, Тэрээнһээ ондоо Бурхан үгы гэжэ таанадай лаб ойлгохын тула эдэ бүгэдые хараха арга таанадта үршөөгдөө.

Хуули дабталга 4:39

Зай, Эзэн гээшэ тэнгэри болон газар дээрэ Бурхан, тэрээнһээ ондоо Бурхан байхагүй гэжэ мүнөө мэдэжэ, ой ухаандаа бүхөөр хадуун абагты.

Хуули дабталга 5:7

Намһаа ондоо бурхан шамда байха ёһогүй.

Хуули дабталга 6:4

Израилиин арад зон, соносогты! Манай Эзэн Бурхан ори ганса Эзэн юм.