Марк 1:8 - Библи

⁸ Би таанадые уһаар арюудханаб, харин Тэрэ таанадые Арюун Һүлдөөр арюудхаха юм, – гээд Иоанн номнодог бэлэй.

Шэнэ Хэлсээн

⁸ Би таанадые уһаар арюудханаб, харин тэрэ таанадые Нангин Һүлдөөр арюудхаха юм», – гээд Иоанн номнодог бэлэй.

Марк 1:8 Referencias Cruzadas

Һургаал 1:23

Анхарагты, минии зэмэлэл шагнагты, би таанарта сэсэн ухаанай һүр һүлдэһөө дуһаан хүртөөхэм, тиин хэлэхэ үгэеэ хэлэхэм.

Исай 32:15

Гэбэшье Бурхан бидэндэ дээрэһээ Һүлдөө дахин эльгээхэ. Тиихэдэнь зэлүүд хооһон газар үрэжэл шэмэтэй болохо, таряалангуудаар баян ургаса ургаха.

Исай 44:3

Ангаһан-хатаһан газарта Би уһа адхахаб, хуурай газар дээгүүр гол горхо урдахуулхаб. Би таанадай үри ашанар дээрэ Өөрын Һүлдэ адхажа, уг удамдатнай Өөрын юрөөл хүртөөхэб.

Ёһээл 2:28

Би Өөрын Һүлдөөрөө хүн бүхэниие нэбтэрүүлхэб. Таанадай хүбүүд басагад зүн бэлиг мэдэдэг болохо, үбгэд хүгшэдтнай зүүдэ зүүдэлхэ, залуушуултнай үзэгдэл үзэжэ захалха.

Матвей 3:11

Нүгэлөө гэмшэһыетнай баталан би таанадые уһаар арюудханаб, теэд минии хойноһоо Заларан Ерэгшэ таанадые Арюун Һүлдэ гал хоёроор арюудхаха. Тэрэ намда орходоо агууехэ. Би Тэрэнэй гуталыеньшье абажа ябаха эрхэгүйб.

Марк 1:7

– Хойноһоомни ерэхэ Хүн намда орходоо аргагүй ехэ һүр жабхалантай юм. Би бүгтыгөөд, Тэрэнэй гуталайнь ооһорыешье тайлаха эрхэгүйб.

Марк 1:9

Уданшьегүй тэдэ үдэрнүүдтэ Галилей можын Назарет хотоһоо Иисүүсэй ерэхэдэнь, Иоанн Тэрэниие Иордан голдо шунгуулан уһаар арюудхаба.

Лука 3:16

Тиихэдэнь Иоанн бултанда хандажа хэлэбэ: – Би таанарые уһаар арюудханаб. Харин намтай жэшээлхэгүй дээгүүр Хүн иишэ ерэнэ. Би Тэрэнэй гуталайнь ооһорыешье тайлаха эрхэгүйб. Тэрэ ерэхэдээ таанадые Арюун Һүлдэ гал хоёроор арюудхаха.

Иоанн 1:26

– Би уһаар лэ арюудханаб. Теэд хэн гээшэб гэжэ таанарай мэдэхэгүй Хүн танай дунда бии.

Иоанн 1:33

Би Тэрэниие мэдэхэгүй байгааб, теэд Бурхан уһаар лэ арюудхахыемни намайе эльгээхэдээ иигэжэ хэлэһэн юм: «Арюун Һүлдэ хэнэй дээрэ буужа тогтохые харанаш, Тэрэл хүнүүдые Арюун Һүлдөөр арюудхаха».

Хэрэгүүд 1:5

Иоанн уһаар арюудхаа, харин таанад һаядаа Арюун Һүлдөөр арюудхадаг болохот.

Хэрэгүүд 10:45

Тиимэһээ Арюун Һүлдын бусад арадта үгтэһэн ябадалда Пётртой ерэһэн еврей һүзэглэгшэд ехэ гайхалдаба.

Хэрэгүүд 2:17

«Иимэл юумэн һүүлшын үдэрнүүдтэ болохо гэжэ Бурхан хэлэнэ: Би Өөрын Һүлдөөрөө хүн бүхэниие нэбтэрүүлхэб, таанадай хүбүүд басагад зүн бэлигээр мэдэдэг болохо, залуушуултнай үзэгдэл үзэжэ захалха, үбгэд хүгшэдтнай зүүдэ зүүдэлхэ.

Хэрэгүүд 2:4

Тиихэдэнь булта Арюун Һүлдөөр дүүрэн, Һүлдын хүсөөр элдэб хэлэнүүд дээрэ дуугаралдаба.

Коринфынхидтэ 1-дэхи 12:13

Бидэшье булта иудейнүүд гүбди, али бусад арадууд гү, барлагууд гүбди, али эрхэ сүлөөтэй гү, нэгэл Һүлдөөр нэгэ бэе болон уһаар арюудхуулаабди, зүрхэ сэдьхэлдэмнай нэгэл Һүлдэ үгтөө.