Марк 1:40 - Библи

⁴⁰ Иисүүстэ арһанай бузар үбшэнтэй хүн ерэжэ, үбдэглэн урдань унаад, Тэрэниие гуйба: – Хэрбээ Та хүсэбэл, намайе арюудхан эдэгээхэ аргатайт.

Шэнэ Хэлсээн

⁴⁰ Иисуста арһанай бузар үбшэнтэй хүн ерэжэ, үбдэг дээрээ байгаад, тэрэниие гуйна: «Хэрбээ ши хүсэбэл, намайе арюудхан эдэгээжэ шадахаш».

Марк 1:40 Referencias Cruzadas

Эхин 18:14

Эзэн Бурханай шадахагүй юумэн бии юм аал? Би хэлсэһэн болзортоо шамда дахинаа бусахаб, юһэн һарын үнгэрхэдэ, Сарра хүбүүтэй болоод байха.

2 Хаан түрэнүүд 3:29

Тэрэнэй шуһан Ёһаабай болон түрэл гаралайнь толгой дээрэ буухань болтогой! Венерическэ, һэлхэ үбшэнтэн, таяг тулаашад, һэлмээр сабшуулагшад, үлэн хооһон зон Ёһаабай уг удамһаа бү һалаг!

4 Хаан түрэнүүд 15:5

Эзэн Азаарияа хаанда үбшэн эльгээбэ. Саа үбшэн тэрэнэй бүхы бэеэр тараба. Тэрэ наһа баратараа саа үбшэндэ даруулаад, амяараа гэртэ Бэт-Хотшиитдо ажаһуугаа. Ётаам хүбүүниинь улас түрынгөө хэрэгүүдые эрхилжэ, арад зоноо ударидаба.

4 Хаан түрэнүүд 7:3

Эгээл энэ сагта элдин үбшэнтэй дүрбэн хүн хотын хаалта үүдэнэй дэргэдэ һуубад. Тэдэнэр бэе бэедээ: – Бидэнэр үхэлөө хүлеэжэ, юундэ эндэ һуунабибди?

2 Угай бэшэг 6:13

уридшалан тэрэ утаашаа-хүндэлөөшөө табан тохой утатай, дээшээ гурбан тохой үндэр гуулин табсан дархалуулжа, нангин үргөөгэй хорёогой тэгэн дунда, үргэлэй шэрээгэй хажууда табюулһан байгаа. Соломоон табсан дээрэ гараад, Израилиин улад зоной хараһаар байтар үбдэглэн һуужа, гараа дээшэнь һунгажа,

Матвей 17:14

Иисүүсэй шабинартайгаа улад зондо бусажа ерэхэдэнь, Тэрээндэ нэгэ хүн ойртоод, урдань үбдэг дээрээ һүгэдэн:

Марк 1:41

Иисүүс тэрэ хүниие хайрлаад, гараа һарбайжа тэрээндэ хүрөөд: – Эдэгээхэ хүсэлтэйб, арюун болыш даа, – гэбэ.

Марк 10:17

Иисүүсэй харгыда ябахада нэгэ хүн Тэрээндэ гүйжэ ерээд, үбдэг дээрээ һүгэдэн унажа: – Эрхим багша! Мүнхын амидаралда хүртэхын тула би юу хэхэ ёһотойбиб? – гэжэ һураба.

Лука 22:41

Тиигээд Иисүүс шэдэһэн шулуунай хүрэхэ зайда тэдэнһээ холодожо, үбдэглэн һуугаад, Бурхандаа мүргэбэ:

Хэрэгүүд 7:60

Тэрэ үбдэг дээрээ һэхэрэн һуугаад: – Эзэн аа, эдэнэй энэ нүгэлыень хүлисыт даа, – гэжэ шангаар хашхарба. Иигэжэ хэлээд, Стефан амяа табяа.

Эфесэйхиндэ 3:14

Эсэгэдээ би үбдэгөө бохиилгон мүргэнэб.