Малаахи 4:3 - Библи

³ Таанад нүгэлтэниие гэшхэн гарахат, Минии томилһон үдэр хүлэйтнай ула дорохи тоборог болохо» гэжэ Түмэн Сэрэгтэ Эзэн айладажа байна.

Малаахи 4:3 Referencias Cruzadas

Эхин 3:15

Би эхэнэр та хоёрые эбсэшэгүй дайсад болгохоб. Таанадай үри һадаһад хоорондоо дайсад болохо, тэрэнэй хүбүүд толгойеш бизалха, харин ши тэдэнэй хүлэй улые хадхадаг, хазадаг болохош.

2 Хаан түрэнүүд 22:39

Тэрэниие бута сохихоб, бэшэ бодохогүй, хүл доромни гэшхэгдэхэ.

2 Хаан түрэнүүд 22:43

Газарай шорой тооһон мэтээр тэдэниие һагшааб, гудамжын шорой мэтээр бажуугааб, дэбһээб.

Иоов 40:12

Һүүлынь хүдэлхэдөө, хуша модон мэтэ, хүлэйнь булшангууд шулуун мэтэ хатуу.

Псалманууд 147:6

Тэрэ мүндэрөө тоброог мэтэ сасадаг. Хэн Тэрэнэй жабарые даан зогсожо шадахаб?

Псалманууд 49:14

Би Дээдэ Бурхан мүн! Гансал Намда Талархалай үргэл үргэ болон Намда амалһанаа бэелүүл!

Псалманууд 91:13

Зүб шударга хүн пальма модондол сэсэглэнэ, Ливаанай хуша модондол ургана.

Исай 25:10

Эзэн энэ Сион уулые аршалха, гэбэшье һолоомын шабааһа шэбхэ руу гэшхэгдэдэг мэтэ Моһаабай улад зон байһан газартаа гэшхэгдэн һалаха.

Исай 26:6

Дарлагдажа байгаашад мүнөө болоходо өөһэдөө эдэ бүгэдые дэбһэжэ, ула дороо гэшхэнэ».

Гашуудал 1:15

Минии бүхы хүсэтэйшүүлые Эзэн доошонь унагаагаа, залуу хүбүүдым хюдахын тула дайсадые һайндэртэ мэтэ уряа. Иерусалим тортоггүй сэбэрхэн залуу басаган мэтэ бэлэйл, теэд тэрэниие даран шахадаг түхеэрэлгэдэ жэмэс дарадагтал Эзэн няса гэшхэбэ!

Эзэкээл 28:18

Аралжаа наймаа хэхэдээ оло дахин зониие мэхэлжэ, ши нангин ордонуудаа бузарлааш. Тиимэһээ Би хотыеш галдажа, дууһан шатаагааб. Хотыншни оршодог байһан газарай мүнөө гансал үнэһэн тобороог болоод байһые хүн бүхэн харана.

Даниил 7:18

Харин удаань хан түрэ Дээдын дээдэ Бурханай гэгээшүүлдэ үгтэхэ. Иигэжэ тэдэ хэтэ мүнхэдөө зонхилон байха.

Даниил 7:27

Дээдэ Бурханай гэгээшүүлэй арад түмэндэ хан түрэ, засаг түлөөлгэ, огторгой доро байгша бүхы хан түрэнүүдэй һүр жабхалан үгтэхэ. Тэрэнэй хааншалалга хэтэ мүнхэдөө оршохо, ямаршье засагтан тэрэнэй засаг мэдэржэ, хэлэһэн юумыень хэжэ байха.

Михей 5:8

Арадуудай, үндэһэ яһатанай дунда байгааша Яковай үри һадаһад ой тайгын, талын ан амитадай дунда байгааша арсалан мэтэ, дэбһэжэ, уража байха, хэншье тэрээнһээ абаржа шадахагүй.

Михей 7:10

Дайсамни энээниие хараад, эшэн улайха. «Эзэн Бурхантнай хаана гээшэб?» – гэжэ асуужа тэрэ байгаа бэлэйл. Гудамжануудаар гэшхэгдэдэг шабартал адляар тэрэнэй гэшхэгдэн, доромжолуулагдан байгаашые би харахаб.

Захарияа 10:5

Тэдэ гудамжын тооһондо дайсанаа дэбһэн гэшхэхэ шадалтай. Байлдаанда ороходоо, морито сэрэгые бута сохихо, юуб гэхэдэ, Эзэн тэдээнтэй суг хамта оролсохо.

Малаахи 3:17

«Өөрын эзэмшэлһэн орон байгуулхадам, тэдэ Минии байха болоно. Өөртэнь үйлэ бүтээдэг хүниие үршөөдэгтэй адли Би тэдэниие үршөөхэб» гэжэ Түмэн Сэрэгтэ Эзэн айладажа байна.

Римэйхиндэ 16:20

Маанадта амгалан байдал үршөөдэг Бурхан удангүй сатанае танай ула доро оруулан һүнөөхэ. Манай Эзэн Иисүүсэй үршөөл хайра таанадтай оршожо байхань болтогой!

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.

Гэршэлгэ 14:20

Хотын гадна оршоһон томо тогоон соо үзэмэй баглаа жэмэсүүдые низа тэһэ дэбһэбэ, тиихэдэнь тогооной халитар улаан шуһан урдажа, мориной хазаарта хүрэмөөр гурбан зуун хараа модоной зайда халин тарашаба.