Малаахи 4:1 - Библи

¹ «Харагты, хэрэг шүүлгын үдэр ерэхэнь гээшэ, тэрэ халааһан зууха шэнги халуун байха. Омог бардам хүнүүд хуу хэһээгдэхэ, муу үйлэ хэгшэд һолоомон шэнги шатаха. Тэдэнһээ мүшэршье, үндэһэншье үлэхэгүй», – гэжэ Түмэн Сэрэгтэ Эзэн айладажа байна.

Малаахи 4:1 Referencias Cruzadas

Иоов 18:16

Тэрэ хүн үндэһэ мүшэрынь хатаһан модонтой адли боложо, түрэһэн нютагтань тэрэниие таниха хүн үгы болошодог.

Псалманууд 37:9

Би һуларааб, угаа доройтооб, сэдьхэлэй шаналалһаа боложо ёолоноб.

Египедһээ гаралга 15:7

Алдар солынтнай жабхалан эсэргүүсэгшэдэй һүр һүлдые һүнөөгөө. Урдаһаатнай бодогшод уур хилэнгэйтнай галда хагдандал шатажа һалаа.

Исай 40:24

Һая таригдаһан, мэнэ һая газарта үндэһэлһэн ургамалдал адли тэдэ удамаршад. Эзэнэй тэдээн руу һалхи эльгээхэдэ, хатажа, һолоомо мэтээр һалхинда тэдэ хиидэнэ.

Исай 41:2

Хэн хойто зүгһөө баатарые эльгээгээб? Хэн үнэн зүбые тэрээнтэй хамта, ошоһон лэ газартань байгуулнаб? Үндэһэ яһатаниие, хаашуулые диилэхэ хүсэ хэн тэрээндэ үгэнэб? Тэрэ һэлмээрээ тэдэниие тооһон мэтэ, һурша номоороо һалхинда хиидэһэн хагда үбһэн мэтэ болгобо.

Исай 47:14

Тэдэ һолоомо мэтэ боложо, галда дүрөө! Өөһэдыгөөшье абаржа шадаагүй! Дулаасаха согшье, хажуудань һууха галшье үлөөгүй.

Исай 5:24

Тиимэһээ тэдэнэй үндэһэн һолоомын болон хатаһан үбһэнэй гал дүлэндэ шатаһандал адли хосорхо, тэдэнэй сэсэг хатажа, хумхаа тооһон болохо, юундэб гэхэдэ, тэдэ Түмэн Сэрэгтэ Эзэнэй Хуули буруушаагаа, Израилиин арюун Бурханай үгэнүүдые тоогоогүй.

Исай 9:18

Зоной муу муухай ябадал гал мэтэ соробхилжо, үүргэнэ болон хадхуурта һөөгүүдые шатаана. Энэ хадаа ойн шэрэнгэ хүрэтэр носожо, дээшээ утаан бахана мэтэ хөөрэнэ.

Исай 9:19

Түмэн Сэрэгтэ Эзэнэй уур хилэн газар дэлхэйгээр хаа-хаанагүй бушаганаха, зониие шатаан һалгааха, хэншье хэнииешье хайрлахагүй.

Эзэкээл 20:38

Минии урдаһаа һөөргэдэгшэдые Би таанад сооһоо илгажа, баряанда байгша орон нютагһаань гаргаашье хадаа Израилиин газар руу оруулхагүйб. Тиихэдэм таанад Намайе Эзэн Бурхан гээд мэдэрхэт.

Эзэкээл 21:32

Таанад галда түлеэн боложо, өөрын орон нютагтаа хосорхот. Хэншье таанад тушаа бэшэ дурсахагүй, мартагдахат. Энэ болбол Би, Эзэн Бурхан, айладхана мүн!»

Эзэкээл 24:11

Тиигээд хооһорһон тогоогоо аһажа байһан нүүрһэн дээрэ табигты, тиихэдэ тэрэ халаха. Иигэжэ жэбэнь үгы боложо, тогоон сэбэр арюун болохо.

Эзэкээл 34:17

Эзэн Бурхан хонидынь болохо Израилиин арад түмэндэ иигэжэ айладхана: – Таанад Минии һүрэг гээшэт. Би Өөрөө һүрэгэйнгөө хонидой дунда, хонидой ба тэхэ ямаануудай дунда зарга шүүбэри шиидхэхэб. Алинтнай тэнхээ тамир һайтайб гэжэ мэдэхын тула ехэ наринаар хойноһоотнай адаглан байхаб.

Эзэкээл 7:10

Хилэнсэгтэ үдэр ерэхэнь! Хүсэрхэлгэ дэлгэрхэнь! Бардамлаха саг мандахань!

Ёһээл 2:1

Сиондо бүреэгээ үлеэжэ, Минии нангин уулада түгшүүрил зарлагты. Эзэнэй үдэр ерэжэ байһан тула хамаг зон шэшэрэгты. Үнэхөөр тэрэ үдэр дүтэлөө.

Ёһээл 2:31

Эзэнэй агууехэ алдарта үдэрэй ерэхын урда тээ наран балартаха, һара шуһан улаан болохо.

Амоос 2:9

Харин Би тэдэнэй түлөө эмоор угсаатаниие усадхаа бэлэйб. Хуша модон мэтэ тэдэнэр үндэршье һаань, сарса модон мэтэ хүсэтэй байгаашье һаань, Би тэдэниие оройһоонь эхилээд, үндэһэн хүрэтэрынь усадхааб.

Авдии 1:18

Удаань Яковай удам гал боложо, Иосифой удам дүлэн болохо, Эсаавай удам һолоомо шэнгеэр соробхилхо. Эсаавай уг удамһаа нэгэшье хүнэй амиды үлэхэгүй болотор тэдэниие галда шатааха», – гэжэ Эзэн айладаа.

Наум 1:10

Орёосолдоһон адаалхай һөөг ба хуурай һолоомо мэтэ таанар архиншадтал шатан үхэхэт!

Цэпаанияа 1:14

Эзэнэй агууехэ үдэр ойртоо! Ойртоод, угаа хурдан ерэжэ байна. Эзэнэй үдэрэй абяан лэ! Баатар сэрэгшэшье тэндэ сурхирса уйлахал!

Цэпаанияа 1:18

Эзэнэй хилэнсэгтэ үдэрэй мандахада, алта мүнгэншье тэдэниие абаржа шадахагүй. Бүхы дэлхэй Тэрэнэй уур хилэнгэй гал дүлэн соо дууһан шатаха. Ушарынь гэбэл, дэлхэйн бүхы ажаһуугшадые Тэрэ гэнтэ дүрэлзэһэн уур хилэнгээр хюдаха юм!

Захарияа 14:1

Эзэнэй үдэр дүтэлжэ байна. Таанарһаа буляан абтаһан олзо хото соотнай хубаагдаха.

Малаахи 3:15

Мүнөө ехэрхүү бардам хүнүүдые үреэлдэ хүртэһэн гэжэ хэлэнэ. Муу үйлэ хэгшэд урда гарана. Тэдэ Бурханиие туршажа, нүгэл үйлэдэнэ, харин Бурхан тэдэниие хэһээнэгүй» гэдэг.

Малаахи 3:18

Тиихэдэ таанар дахяад Намда ерэхэт, һайн муугай, зүб буруугай хоорондохи илгаа, Бурханда һүгэдэдэг үнэн шударга хүнэй ба нүгэл үйлэдэгшын хоорондохи илгаа ойлгохот.

Малаахи 3:2

«Гэбэшье Тэрэнэй ерэхэ үдэр хэн тэсэжэ гарахаб? Тэрэнэй үзэгдэхэдэ хэн зогсожо шадахаб? Тэрэ арюудхагша гал мэтэ, сэбэрлэгшэ сабан шэнги юм.

Малаахи 3:3

Тэрэ мүнгэ хайлуулан сэбэрлэһэн мэтэ һуужа, Левиин хүбүүдые сэбэрлэхэ болоно. Тэрэ тэдэниие алта мүнгэн хайлуулһан шэнги үнэн шударга байдалда оруулжа, Эзэндэ тахил үргэхэ болоно.

Малаахи 4:5

Харагты, Эзэнэй агууехэ, һүрөөтэ үдэр ерэхэһээнь урид Би лүндэншэн Элияае таанарта эльгээнэб.

Матвей 3:12

Тэрэ таряагаа сэбэрлэхээр хүрзэеэ гартаа адхаад байна: таряагаа суглуулжа амбаартаа хадагалха, харин мэхиинэ һолоомыень залиршагүй галда шатааха.

Лука 19:43

Хожом нэгэтэ дайсадтнай добтолжо, хотыетнай тала талаһаань бүһэлэн, газар хүреэгөөр хүреэлхэ,

Лука 21:20

– Иерусалимай хариин сэрэгүүдээр хүреэлөөтэй байхые харахадаа, һандаржа һалаха сагынь ерээ гэжэ мэдээрэйгты.

Лука 6:23

Мүнөө таанарые үзэн ядагшадай үбгэ эсэгэнэрыньшье урдань лүндэншэдтэ баһал иимэ муугаар хандадаг байһан юм. Тиимэһээ таанадые тиигэжэ доромжолжо, дарамталжа байбалнь, ехэл баясагты, хүхижэ һүрэжэ байгты! Тэнгэридэ таанад агууехэ шагналда хүртэхэ бшуут!

Пётрой 2-дохи хандалга 3:7

Харин мүнөө оршожо байһан огторгой дэлхэй хоёр галда һүнөөлгэхын тула тэрэл Бурханай үгөөр хадагалагдана. Тэдэнэр Бурханиие буруушааһан хүнүүдэй шүүбэрилүүлжэ хосорхо Зарга шүүбэриин үдэрэй ерэтэр хадагалагдажа байха.