Малаахи 3:5 - Библи

⁵ Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Малаахи 3:5 Referencias Cruzadas

Эхин 20:11

Абраһаам харюусаба: – Энэ нютагай зон Бурханһаа айдаг гэжэ мэдэхэгүй ушарһаа би һамганайм түлөө намайе алаха гэжэ һанааб. Энэ нэгэ талаһаа.

Эхин 42:18

Гурбадахи хоногтоо Иосиф тэдэниие дуудаад, иигэжэ хэлэбэ: – Эзэн Бурханһаа айдаг ушарһаа би хүниие алахагүйб. Амиды мэндэ ябаха дуратай һаа, минии хэлэһыемни бүтээгты!

Нэхэмьяа 5:15

Минии урдахид арад зондо хүндэ хүшэр ашаан мэтэ һэн, засаг баряашад дүшэн шээкэл мүнгэнһөө гадуур өөһэдтөө амтан эдеэ хоолоор, жэмэсэй архяар тэдхэмжэ эридэг байгаа. Тэдэнэй зарамалнууд хүн зониие зобоодог һэн. Би Бурханаа ехээр хүндэлдэг ушарһаа иимэ ааша гаргаагүйб.

Иоов 31:12

Намайе хэтын зоболоной галда хаяхань зүб. Тиигээд минии гэһэн юумэн һэегүй усадхагдаг.

Иоов 7:2

Зараса богоол бүхэли үдэртөө ойгоштороо халуун наранда хүдэлхэдөө, оройн һүүдэр тухай уйдан бододог. Хүндэ ажалаа арайшье дүүргээд, хүлһэеэ горидон хүлеэдэг.

Псалманууд 36:1

[Давидай зохёоһон.] א Алээп Муу юумэ үйлэдэгшэдтэ бү атаарха, буруу юумэ хэгшэдһээ боложо бү һанаа зобо.

Псалманууд 81:8

Бурхан, бодыт! Дэлхэйе шүүбэрилыт! Бүхы арадууд – Танай эзэмшэл мүн.

Псалманууд 98:9

Эзэн Бурханииемнай үргэмжэлэгты! Нангин хада дээрэнь һүгэдэн мүргэгты! Юуб гэбэл, Эзэн Бурхамнай арюун нангин юм.

Египедһээ гаралга 1:17

Теэд хүйһэ хүндэдэг хүгшэд Бурханһаа айжа, Египедэй фараоной хэлэһые дүүргэдэггүй, нялхануудта гар хүрэдэггүй байба.

Египедһээ гаралга 18:21

Угсаатан соогоо хүндэтэй зониие – Бурханһаа түбэгшөөдэг, үнэн сэхэ, эдилгэ абадаггүй хүнүүдые – шэлэжэ, мянганай, зуунай, табинай, арбанай дарганар болгожо таби.

Египедһээ гаралга 20:7

Эзэн Бурханайнгаа нэрые дэмы бү дурда. Тэрэнэй нэрэ дэмы нэрлэдэг хэнииешье Эзэн хэһээлтэгүй орхихогүй.

Египедһээ гаралга 22:20

Мал амитантай хурисагшын ами хороохо ёһотой.

Һургаал 16:6

Этигэл ба үнэн гэмые сагаадхадаг. Эзэнһээ бэшэрэл хорон мууһаа холодуулна.

Һургаал 8:13

Эзэнһээ бэшэрэл хадаа хорото мууе үзэн ядаха ябадал юм. Бардамлал, ехэрхүү зан, хорото зам ба худалша амые би үзэн яданаб.

Исай 57:3

Харин таанад, нүгэл хэгшэ зон, наашаа дүтэлэгтылши! Таанад эльбэ жэльбэшэнһээ, һальхай ябадалтайшуулһаа, янхан эхэнэрнүүдһээ дээрэ бэшэт!

Ерэмияа 23:10

Эзэндэ үнэн сэхэ бэшэ зоноор энэ газар дүүрэшоо. Тэдэнэй зорилгонь – муу муухай үйлэ хэрэгүүд, худал хуурмагаар тэдэ засаг түлөөлгэнүүдые абана.

Ерэмияа 27:10

Тэдэ таанадые мэхэлнэ, орон нютагһаа танай холодуулагдахые хүсэнэ. Би та бүгэдые үлдэн гаргахаб, тиигээд таанад үхэхэт.

Ерэмияа 27:9

«Таанад Вавилооной хаанай мэдэлдэ бү орогты» гэжэ хэлэдэг лүндэншэдөө, үзэлшэдөө, зүүдэ тайлбарилагшадаа, эди шэдитэнээ, эльбэтэйшүүлээ бү дуулагты.

Ерэмияа 29:23

Жэгшүүрилтэй муухай юумэ тэдэ Израиль соо хээ: хадамтай эхэнэрнүүдтэй забхайралдаа, Эзэнэй нэрэһээ худал юумэ тунхаглаа. Харин Эзэн иимэ юумэ хэлэхыень тэдээндэ захираагүй бэлэй. Тэдэнэй хэһэн юумые Эзэн мэдэнэ, Тэрэ – урдаһаань тулаха гэршэ.

Ерэмияа 42:5

Тиихэдэм тэдэ намда иигэжэ хэлэбэ: – Эзэн Бурханайнгаа захиралтые дүүргээгүй һаамнай, Эзэн манай урдаһаа гэршэ болон байг лэ.

Ерэмияа 5:2

Эзэн амиды гэжэ таанад хэды дахин хэлээшье хадаа хуурмаг тангариг үргэнэт.

Ерэмияа 5:29

Тиимэһээ Би, Эзэн, тэдэниие хэһээхэб, иимэ арад зонһоо үһөөгөө абахаб.

Левит 19:13

Хажуудахи хүнөө бү гомодхоо, юумэ бү тоно. Зараһан хүнэйнгөө түлбэри үглөөдэр болотор бү удааруула.

Левит 20:10

Хэн хадамтай һамгантай унтанаб, хэн танилайнгаа һамгантай унтанаб, тэдэ урбагшад хоюулан алуулха ёһотой.

Левит 20:27

Үхэһэн хүниие дуудажа, зүбшэжэ байһан, эльбэ жэльбэ хэрэглэһэн эхэнэр, эрэшье хүниие шулуугаар сохижо алаха хэрэгтэй. Өөһэдөө тэдэ зэмэтэй.

Левит 20:6

Хэрбээ хэн нэгэнэй үхэһэн хүниие дуудадаг хүндэ, эльбэ шэжэ хэдэг хүндэ хандаа һаань, Би тэрээндэ уурлажа усадхахаб, арад зонойнгоо дундаһаа тэрэ үгы болохо.

Михей 1:2

Бүхы арадууд, шагныта! Дэлхэй дээрэ байгаашад, бултадаа анхарыт! Таанадай урдаһаа Эзэн гэршэ болохонь! Тэрэ огторгойдохи Өөрын нангин ордонһоо таанадые гэмнэхэнь!

Аввакуум 1:12

Эзэмни, Та эртэ урда сагһаа хойшо Бурхан бэлэйт. Та минии нангин болон мүнхэ Бурхан мүн. Эзэмни, Хамгаалагшамни, Та маанадые хэһээхыень тэдэниие асараат.

Захарияа 11:12

Би тэдээндэ хэлэбэб: «Таанар зохихо гэжэ һанаа һаа, Намда хүлһэ түлэгты. Хэрэггүй гэжэ һанаа һаатнай, хэрэггүй юм ааб даа». Тиихэдэм гушан хэсэг сагаан мүнгэ түлэбэ.

Малаахи 1:6

Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта.

Малаахи 2:14

«Юундэ Эзэн манай үргэл абанагүйб?» гэжэ асуужа болохот. Юундэб гэхэдэ, Эзэн шинии нүгэл хэлгын гэршэ болоно. Өөрынгөө һамгые мэхэлхыеш хараһан байна. Ши залуудаа тэрэ һамга абаа һэнши. Тэрэ шинии хани халуун нүхэр байгаа, хожомынь заяата эхэнэршни болоо. Эзэн тэрээнэй гэршэ болоно.

Малаахи 2:17

Таанар өөрын үгөөр Эзэниие ядараагаат. «Муу юумэ үйлэдэһэн хүн бүхэн Эзэнэй мэлмыдэ һайн, Тэрэ тэдэниие өөгшөөдэг» гэжэ гү, али «Үнэн шударга ёһын Бурхан хаана байнаб?» гэжэ хэлэжэ байхадаа, Эзэнэй уур хүргэнэт.

Лука 23:40

Харин нүгөөдэхинь тэрэ нүхэрөө зэмэлэн: – Өөрөө саазалуулжа байһан аад, иигэжэ дуугархаяа Бурханһаа айнагүй аалши?

Римэйхиндэ 3:8

үшөө «Нүгэлтэ юумэ үйлэдэжэ байя, тиигэбэл тэрэмнай һайн үрэ дүнтэй байха», – гэлдэнэт гэжэ зарим зон маанадые зэмэлнэ. Зүгөөр Бурхан тэдэниие үнэн зүб зарга шүүбэридэ оруулха.

Хуули дабталга 15:13

Сүлөөдэ табихадаа, тэрэниие хооһоор бү эльгээгээрэй.

Хуули дабталга 18:10

Хүбүүгээ гү, али басагаяа гал дээрэ шатаажа үргэхэ ёһогүйт. Ерээдүйе айладагша, тааха шэдитэн, юумэ харадаг хүн, эльбэ жэльбэтэй нэгэн таанадай дунда бү байг,

Хуули дабталга 24:17

Ерүүл хүниие, үншэн хэнзые гажа буруу бү шүүбэрилэ. Зээлеэр абаһан юумэнэйнь түлөө барюулга болгон бэлбэһэн эхэнэрэй хубсаһа бү аба.

Хуули дабталга 27:19

«Ерүүл зоной, үншэн хэнзын, үбгэеэ гээһэн эхэнэрэй эрхэнүүдые эбдэһэн хүн хараалай ехэ хараал шэнгээхэ!» Бүхы арад зон харюусаха: «Болтогой!»

Хуули дабталга 5:11

Эзэн Бурханайнгаа нэрые дэмы бү дурда. Тэрэнэй нэрэ дэмы нэрлэдэг хэнииешье Эзэн хэһээлтэгүй орхихогүй.

Фессалоникиинхидтэ 1-дэхи 4:6

Тиимэһээ таанадай хэншье Христоосто һүзэглэгшэ ондоо хүндэ муу юумэ хэхэ, мэхэлэн барашхаа ёһогүй. Тиимэ юумэ хэһэн зониие Эзэн хэһээхэ гэжэ бидэ уридшье хэлээ һэмди, мүнөөшье хатуугаар һэргылнэбди.

Еврейнүүдтэ 13:4

Гэр бүлэ алишье талаһаа үнэн сэхэ байг, үбгэн һамган хоёр бэе бэедээ шударга байг. Бурхан забхай ба ташаяаралдадаг зониие гэмнэхэ.

Яковай хандалга 5:12

Аха дүүнэрни, гол шухала юумэ хэлэхэмни: тэнгэреэршье, газар дэлхэйгээршье, ондоошье юумээр бү тангариглагты. Харин гэмнүүлхэгүйн тула «тиимэ» гээ һаа, зүбшөөгты, «үгы» гээ һаа, үгы гэһээрээ байгты.

Яковай хандалга 5:4

Таряалан дээрэтнай ажаллаһан хүдэлмэришэдтэ хүлһыень түлэхэеэ таанад арсабат, харин мүнөө тэдэнэй түлэгдөөгүй салингынь таанадые зэмэлэн хашхарна. Һүр жабхаланта Эзэн ургасыетнай хадаһан хүдэлмэришэдэй гэгэхые дуулаа.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.

Гэршэлгэ 22:15

Теэд нохосууд, эди шэдитэн, зальхай забхай ябадалтан, алуурша этэгээдүүд, онгонуудта шүтэгшэд, худал хуурмаг ябадалда дуратайшуул, тиимэ юумэ хэгшэд – хотын гадаа тээ үлэхэ.