Малаахи 3:3 - Библи

³ Тэрэ мүнгэ хайлуулан сэбэрлэһэн мэтэ һуужа, Левиин хүбүүдые сэбэрлэхэ болоно. Тэрэ тэдэниие алта мүнгэн хайлуулһан шэнги үнэн шударга байдалда оруулжа, Эзэндэ тахил үргэхэ болоно.

Малаахи 3:3 Referencias Cruzadas

Псалманууд 4:5

Уур сухалда абтаһаншье һаа, нүгэл шэбэл бү үйлэдэгты, Хэбтэжэ байхадаа, бодолгодо абтан, шэмээгүй байгты. [Хүгжэм]

Псалманууд 4:6

Үргэлнүүдые зүбөөр үргэгты, Эзэндэ этигэн байгты.

Псалманууд 50:14

Танаар абарагдаха баяр намда һэргээгыт, хүсэлэнтэ Һүлдөөр намайе тэдхыт.

Һургаал 17:3

Галай дүлөөр мүнгэ алта хайлуулан сэбэрлэдэг. Эзэн хүнүүдэй сэдьхэл туршадаг.

Һургаал 25:4

Сагаан мүнгые холисоһоонь илган сэбэрлэ, мүнгэшэ дарханай саб амһарта бүтэхэ.

Исай 1:25

Таанадай урдаһаа гараа һунгажа, холисоһоо түмэр сэбэрлэдэг мэтээр таанадые сэбэрлэжэ, бүхы холисыетнай зайсуулхаб.

Исай 48:10

Харыт, Би таанадые хайлуулааб, харин мүнгэ хайлуулдагтал адляар бэшэ, Би таанадые зоболонгой зууха соо шалгааб.

Исай 61:6

Харин таанад Эзэнэй санаартад, манай Бурханай зарасанар гэжэ нэрлэгдэн, бусад арадуудай баялиг эдлэн, тэдэнэй алдар соло таанадта хүртэхэ.

Ерэмияа 9:7

Тиимэ ушарһаа Түмэн Сэрэгтэ Эзэн иигэжэ тунхаглаа: Түмэрэй шанар мэдэхын тула хайлуулжа шалгадаг гээшэл. Тэрээндэл адляар Өөрынгөө арадые шалгахам. Бэшэ ондоо арга үгы.

Эзэкээл 20:38

Минии урдаһаа һөөргэдэгшэдые Би таанад сооһоо илгажа, баряанда байгша орон нютагһаань гаргаашье хадаа Израилиин газар руу оруулхагүйб. Тиихэдэм таанад Намайе Эзэн Бурхан гээд мэдэрхэт.

Даниил 11:35

Сэсэн мэргэшүүлэй заримань зоболон амасаха, иимэ аргаар тэдэ арюудхагдаха, сагааруулагдаха, Бурханай тогтооһон саг болотор энэ үргэлжэлхэ.

Даниил 12:10

Олон зон арюудхагдажа, сагааруулагдажа, туршалга гараха, харин хилэнсэгтэ зон муу муухай хэрэгүүдээ үргэлжэлүүлжэ, энээниие ойлгохогүй. Гансал сэсэн мэргэшүүл ойлгохо.

Һошээ 14:2

Израилиин улад зон, Эзэн Бурхандаа эрьеыт! Нүгэл шэбэлтнай таанадые бүдэрүүлэн унагаажа байна.

Захарияа 13:9

Үлэгшэ эдэ зон Минии туршалгада оролсохо. Мүнгэ хайлуулдаг гал дундуур тэдэниие гарган туршахаб. Алта тунгаадаг шэнги тэдэниие тунгаажа сэбэрлэхэб. Тиихэдэ тэдэ Намайе дуудаха. Би харюудань «Энэ Минии арад түмэн», – гэжэ айладхахаб. «Эзэн болбол манай Бурхан», – гэжэ тэдэ хэлэхэ.

Малаахи 4:1

«Харагты, хэрэг шүүлгын үдэр ерэхэнь гээшэ, тэрэ халааһан зууха шэнги халуун байха. Омог бардам хүнүүд хуу хэһээгдэхэ, муу үйлэ хэгшэд һолоомон шэнги шатаха. Тэдэнһээ мүшэршье, үндэһэншье үлэхэгүй», – гэжэ Түмэн Сэрэгтэ Эзэн айладажа байна.

Тоололго 8:6

– Израильшуудһаа левидүүдые илгаад, тэдэниие нүгэлһөө арюудхан сэбэрлэ.

Лука 3:16

Тиихэдэнь Иоанн бултанда хандажа хэлэбэ: – Би таанарые уһаар арюудханаб. Харин намтай жэшээлхэгүй дээгүүр Хүн иишэ ерэнэ. Би Тэрэнэй гуталайнь ооһорыешье тайлаха эрхэгүйб. Тэрэ ерэхэдээ таанадые Арюун Һүлдэ гал хоёроор арюудхаха.

Римэйхиндэ 12:1

Зай, аха дүүнэрни, Бурханай үршөөл хайраар өөһэдыгөө арюун сэбэр, таатай, амиды үргэл болгон Бурханда асарагты гэжэ гуйнаб. Тиигэбэл, тэрэтнай танай бодото алба болохо.

Римэйхиндэ 15:16

бусад арадуудай аша туһада Христоос Иисүүсэй зараса болооб. Бусад арадые Арюун Һүлдын ашаар Бурханда зохистой арюун нангин үргэл болгохын тула би Бурханай Һайн Мэдээсэлые номнон, санаартанай ажал ябуулнаб.

Филиппынхидтэ 2:17

Танай этигэл һүзэгтнай, албантнай Бурханда үргэгдэһэн үргэлдэ адли юм. Тэрэ үргэлтэйтнай хамта миниишье шуһан үргэл болон адхарха ёһотой байжа магадгүй. Тиигэбэл би та бүхэнтэй хамта баярлажа байнаб.

Филиппынхидтэ 4:18

Би таанадай эльгээһэн бүхы юумые абааб – тэдэ бүхэн намда хангалтай хүрөө. Таанадай үгэһэн бүхы бэлэгүүдые Эпапродиит намда асаржа үгөө, мүнөө хэрэгтэй бүхы юумэн намда байна. Хоншуу хангалтай уталга Бурханда ехэ таарамжатай зохид байдагтал адли тэрэ танай бэлэгүүд баясуулна.

Тимофейдэ 2-дохи 4:6

Минии ами наһан үргэлэй шэрээ дээрэ үргэгдэхэнь, ами наһанаймни түгэсэхэ саг ерээ.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Еврейнүүдтэ 12:10

Газар дэлхэйдэхи эсэгэнэрнай маанадые газар дэлхэйдэхи ажамидаралаймнай түлөө өөһэдынгөө дураар хэһээдэг байгаа, харин Бурхан бидэнэй аша туһада, арюун нангин юумэндээ хүртөөхын тула бидэниие хэһээнэ гээшэ.

Пётрой 1-дэхи хандалга 1:7

Юундэб гэхэдэ, тэдэ зоболонгууд танай һүзэг бодото гү гэжэ туршана, батална гээшэ. Галда шатажа үгы болодог алтаншье галаар туршагдадаг, зүгөөр танай һүзэг алтанһаа үлүү үнэтэй, тиимэһээл тэрэнэйтнай үнэн байһыень заабол туршаха, баталха хэрэгтэй. Тиигээд лэ таанад Иисүүс Христоосой заларан ерэхэ Үдэр магтаалда, алдар солодо, нэрэ түрэдэ хүртэхэт.

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад гэгээн санаартан болоод, Иисүүс Христоосоор дамжуулан, Арюун Һүлдэһөө Бурханда һайшаагдаха оюун ухаанай үргэл асаржа байгты.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Гэршэлгэ 1:6

Иисүүс Христоос бидэниие хаан түрэ дотор нэгэдүүлээд, Эсэгэ Бурхандаа алба хэдэг санаартаниинь болгоо. Иисүүс Христоосто хэтэ мүнхын алдар соло, эршэ хүсэн байхань болтогой!

Гэршэлгэ 3:18

Баян болохын тула галаар арюудхагдаһан алта Намһаа худалдажа абахыетнай зүблэнэб, шарбай нюсэгэн бэеэ харуулжа ябахагүйн тула сагаан хубсаһа Намһаа абажа үмдэгты, юумэ харадаг болохын тула нюдэнэй эм абажа, нюдэндөө түрхигты.

Гэршэлгэ 5:10

Та манай Бурханай аша туһада тэдэ хүнүүдые санаартад, хаашуул болгоот – тэдэнэр газар дэлхэйн зониие зонхилжо байха!