Малаахи 3:16 - Библи

¹⁶ Бурханһаа хэмшээрхэдэг хүнүүдэй бэе бэетэйгээ хөөрэлдэхэдэ, Эзэн анхаралаа табин шагнадаг. Эзэндэ һүгэдэдэг болон Тэрэнэй нэрэ үнэлдэг хүнүүдэй түлөө дурдалгын ном Тэрэнэй урда бэшэгдээ бэлэй.

Малаахи 3:16 Referencias Cruzadas

Эхин 22:12

– Тэрээндээ гар бү хүрэ! – гэжэ Эльгээмэл айладаба. – Боли! Хайрата ганса хүбүүгээ Намда үргэхэһөө татагалзаагүй байһан дээрэһээш Намайе хүндэлдэг гэжэ Би мэдэбэб.

2 Хаан түрэнүүд 7:1

Давид өөрынгөө ордондо ажаһуужа, Эзэн тойроод байһан дайсадһаань аршалжа, амгалан байдал үршөөгөө бэлэй. Давид лүндэншэ Натаанда иигэжэ хэлэбэ: – Эзэнэй хэлсээнэй ханзын майхан соо табяатай байхада, би хуша модоор бариһан ордондо ажаһуунаб.

3 Хаан түрэнүүд 18:12

Танһаа холодон ошоболни, Эзэнэй Һүлдэ минии мэдэхэгүй газар руу таниие абаашаха. Ахаабтай тан тухай дуулгабални, тэрэ таниие олонгүй, намайе алахал. Би багаһаа хойшо Эзэнһээ түбэгшөөдэг гээшэлби.

3 Хаан түрэнүүд 18:3

Хаанай ордоной түлөө харюусадаг Обадияае Ахааб дуудаба. Обадияа Эзэнһээ түбэгшөөдэг хүн байгаа.

2 Угай бэшэг 6:7

Давид эсэгэмни Израилиин Эзэн Бурханай нэрын оршохо Һүмэ бариха гэжэ түсэблөө.

Нэхэмьяа 1:11

Гуйнаб Таниие, Эзэмни! Танай нэрын урда һүгэдэхые хүсэһэн зарасынгаа гүйлтада, Танай зарасануудай гүйлтануудта, Эзэмни, шэхэеэ табин шагныт. Энэ хүнэй урда байхадам, Өөрынгөө энэрэл хайра намда үршөөгыт, Өөрынгөө зарасада туһалыт! Би тэрэ үедэ хаанай архи аягалагша байгааб.

Эстээр 2:23

Хаан энэ мэдээ шалган үзөөд, үнэн байһыень баталжа, үнөөхи хоёрые модондо үлгэн саазалба. Хаанай зарлигай ёһоор энэ үйлэ ябадал уласай үдэр бүриин дэбтэртэ тэмдэглэн бэшэгдээд хадагалагдаба.

Эстээр 6:1

Хаан тэрэ һүни унтажа ядаад, хан түрын түүхэтэ үйлэ хэрэгүүдые тэмдэглэһэн үдэр бүриин дэбтэр асаруулжа уншуулба.

Иоов 28:28

Тиигээд өөрынгөө бүтээл болохо хүндэ хандажа, «Ехэ Эзэн намайе хүндэлхэ гээшэ таанарай хубида эгээл сэсэн зүйл болохо. Тиин гэмтэ байдалһаа зайлажа ябахань хүнэй амидаралда хамагһаа ухаатай шухала» гэбэ.

Псалманууд 10:4

Эзэн Өөрын нангин үргөөдэ байна. Эзэнэй сэнтиинь – тэнгэридэ. Нюдэдынь зон руу хаража, мэлмынь тэдэниие шалгажа байна.

Псалманууд 104:33

Уһан үзэмэйнь модо болон инжирые хуха сохибо, орон нютагтань модо унагааба.

Псалманууд 111:10

Хорото һанаата хүн хаража, атаархаха, ש Шиин шүдөө хабирха, хайлан һалаха. ת Таав Хорото зоной хүсэл бэелүүлэгдэхэгүй.

Псалманууд 139:4

Тэдэ могойн хадхуур мэтээр хэлээ бүлюудэдэг, хэлэндэнь могойн хадхуурта адли хорон байдаг. [Хүгжэм]

Псалманууд 16:3

Та минии зүрхэн руу шэртэн хараат, һүниндөө намайе туршахаа ерээт, намда ямаршье гэм үгы байһые ойлгоот, аманһаамни муу юумэн гараагүй.

Псалманууд 20:7

Та хэтэ мүнхэдөө тэрэниие үреэгөөт, Өөрын оршондо баясаха арга тэрээндэ үгөөт.

Псалманууд 33:18

Дуудаһан зониие Эзэн соносодог, ямаршье гай гасаланһаа абардаг. ק Кооп

Псалманууд 34:15

Харин минии бүдэрхэдэ, тэдэ баярлан суглараа, урдаһаамни тулажа суглараа. Зогсоо зайгүй тэдэ намайе гүжэрдээ, яаһандам тиигээб – мэдэнэгүйб.

Псалманууд 56:8

Зүрхэмни Тандаал үнэн сэхэ, зүрхэмни Тандаал үнэн сэхэ. Дуу дуулахаб, магтаал татахаб!

Псалманууд 56:9

Сэдьхэлни, һэрииш! Ятага, морин хуур, һэриит! Би үүрэй толониие һэреэхэб.

Египедһээ гаралга 32:32

Үршөөхэ гээшэ гүт? Үгы гэжэ харюусабал, намайешье Өөрын Номһоо зуража хаяыт!

Һургаал 13:20

Сэсэнтэй ябагша сэсэн болоно. Харин тэнэгтэй нүхэсэгшэ зоболон амсана.

Исай 26:3

Бурхан, Тандаа этигэдэг, хатуу зоригтой зондо Та тэгшэ энхэ тайбан байдал үршөөнэт.

Исай 26:8

Тиимэ, Танай тогтоолнуудай замаар ябанабди, Эзэн, Тандаа найданабди! Танай нэрэ дуудаха гээшэ сэдьхэлэймнай хүсэл мүн.

Исай 4:3

Сиондо амиды мэндэ үлөөшэд, Иерусалим соо амиды үлэгшэд, юрэдөө, амиды зоной тоодо Иерусалимда бэшэгдэнхэй бүхы зон гэгээн гээд нэрлэгдэхэ.

Исай 50:10

Таанадай хэн Эзэниие хүндэлжэ, зарасайнь үгэ дууладаг бэ? Харгы харанхы, гэрэлгүйдэ ябагшад Эзэндэ этигэжэ, Бурхандаа найдан байг!

Исай 65:6

Би тэдэниие яажа хэһээхэеэ бэшэжэ абанхайб. Дуугай байхагүйб, хэһэн хэрэгэйнь түлөө үһөөгөө абахаб.

Ерэмияа 31:18

Эпрааимай гашуудан иигэжэ хэлэхые би соносооб: «Эзэн, бидэ һургагдаагүй буха шэнги байгаабди. Та бидэниие хэһээжэ һургаал заагаат. Эзэн Бурхамнай, бидэниие бусаагыт, бидэ Тандаа бусаха һанаатайлди.

Ерэмияа 8:6

Би һайса шагнааб, теэд таанад үнэн сэхэеэ хэлэнэгүйт. Хэншье муу муухай хэрэг тухайгаа гэмшээгүй. Хэншье «Би юу буруу хээбиб?» гэжэ һураагүй. Тулалдаан руу дабшан орожо байһан мориндол адли хүн бүхэн өөрын шэглэлээр ябаһаар лэ байна.

Эзэкээл 9:4

Тэрээндэ Эзэн иигэжэ айладхаба: – Иерусалим хотые бүхыдэнь ябажа, хото соо боложо байгааша жэгшүүритэй муухай хэрэгүүдые буруушаан, һанаагаа зобожо байгааша зониие шэлэн, магнай дээрэнь тэмдэг таби.

Даниил 12:1

Тэрэ үедэ арадайтнай аршалагша сахюусан Михаээл заларан бии болохо. Хүн түрэлтэнэй үдэжэ эхилһэн сагһаа хойшо харагдаа-үзэгдөөгүй хүндэ үе тиихэдэ тохёолдохо. Харин Бурханай ном соо бэшээтэй танай арадай бүхы зон абарагдаха.

Даниил 7:10

Тэрээнһээ гал дүлэн гол мэтэ урдажа байгаа. Мянганай мянган Тэрээндэ алба хэжэ, түмэнэй түмэн урдань зогсожо байгаа. Шүүбэрилэгшэд һуужа, номууд нээгдэбэ.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Малаахи 4:2

«Гэбэшье Минии нэрын урда һүгэдэдэг хүнүүдэй түлөө үнэн шударгын наран мандажа, эдэгээгшэ туяа гийгүүлхэл. Таанад хашаанһаа гүйжэ гараһан тугал шэнги сүлөөтэй хүхюу харайлдахат.

Лука 2:38

Энэшье үедэ эндэ ерэжэ, Бурханда магтаал соло дуудажа, Иерусалимай эрхэ сүлөөтэй болохые хүлеэжэ найдажа байһан хүн бүхэндэ Иисүүс нялха тухай хөөрэжэ үгэбэ.

Хэрэгүүд 1:13

Гэртээ ерэжэ, өөһэдынгөө байрладаг дээдэ дабхарай таһалгада оробод. Элшэнэрэй нэрэнүүдынь гэбэл, Пётр, Иоанн, Яков, Андрей, Филипп, Фома, Варфоломей, Матвей, Алфейн хүбүүн Яков, Симон Зелот, Яковай хүбүүн Иуда болоно.

Хэрэгүүд 10:2

Тэрэ гэр бүлөөрөө Бурханда һүзэглэдэг, Тэрээнһээ айн һүгэдэдэг, ядажа тулижа ябаһан зондо үргэл бадар ехээр асардаг, Бурханда үргэлжэ зальбардаг һэн.

Хэрэгүүд 2:1

Тэдэнэр булта нэгэ газарта Табидахи үдэрэй һайндэртэ сугларба.

Хэрэгүүд 9:31

Тэрэ үедэ бүхы Иудейн, Галилейн, Самариин нютагуудай һүзэглэгшэдэй бүлгэмүүдтэ энхэ тайбан мандажа, Арюун Һүлдын хүсөөр тэдэ бэхижэжэ, олошоржо, Эзэнэй урда һүгэдэжэ байгаа.

Эфесэйхиндэ 5:19

Бурханай дуунуудаар, магтаалта дуунуудаар, Һүлдын хайрлаһан дуунуудаар бэе бэеэ урмашуулжа байгты. Үнэн зүрхэнһөө Эзэниие алдаршуулан дуулажа, магтажа ябагты.

Фессалоникиинхидтэ 1-дэхи 5:11

Тиимэһээ таанад бэе бэеэ урмашуулдаг, бэе бэедээ туһалдаг заншалаа үргэлжэлүүлжэл байгты.

Фессалоникиинхидтэ 1-дэхи 5:14

Аха дүүнэрни, залхуу хүнүүдтэ ухаан заагты, зориггүй хүнүүдые урмашуулжа байгты, һулахан хүнүүдтэ дэмжэлгэ үзүүлэгты, хүн бүхэндэ ехэ тэсэбэритэй хандажа байгты гэжэ бидэ баһа гуйнабди.

Еврейнүүдтэ 10:24

Хүнүүдэй бэе бэедээ анхарал табижа, бэе бэедээ инаг хайраяа харуулхадань, дэмбэрэлтэй һайхан юумэ хэхэдэнь туһалжа байял.

Еврейнүүдтэ 12:15

Хэн нэгэнэй Бурханай үршөөл хайраһаа хаһагдан үлэшэхэгүйень ойлгожо байгты. Хэн нэгэнэй хорото ургамалдал адли гэм хүргэжэ, олон хүнүүдые бузарлажа байхагүйень обёоржо байгты.

Еврейнүүдтэ 3:13

Таанадай хэн нэгэнэй нүгэлөөр хорхойтуулагдан дошхорхогүйн тула, Нангин Бэшэг соо бэшээтэй «мүнөөдэр» гэдэг үгын маанадта хандажа байхада, та бэе бэеэ үдэр бүхэндэ урмашуулжа байха ёһотойт.

Гэршэлгэ 15:4

Хэн Танһаа айхагүйб даа, Эзэн Бурхан, Танай нэрэ солые хэн алдаршуулан магтахагүйб даа?! Гансал Та нангин гэгээнта! Бүхы арадууд Танай урда һүгэдэн унажа мүргэхэл. Юундэб гэбэл, Танай үнэн зүб хэрэгые бултадаа үзөө хараа.

Гэршэлгэ 20:12

Үхөөшэдые, багашуулые, ехэшүүлые хаан шэрээгэй урда зогсожо байхыень би харабаб. Номууд нээлгээтэй байба. Удаань баһа нэгэ ном – амидаралай ном дэлгэгдэбэ. Үхөөшэд тэдэнэй өөһэдынь үйлэ хэрэгэй ёһоор, мүн номуудта бэшээтэй байһан ёһоор шиидхүүлээ.