Малаахи 2:8 - Библи

⁸ Харин таанад, санаартад, харгыһаа хадууржа, зониие бүдэрүүлжэ, нүгэл хүүлэжэ байнат. Таанад Минии Левийтэй баталһан хэлсээ эбдэжэ байһан зонта, – гэжэ Эзэн хэлэнэ,

Малаахи 2:8 Referencias Cruzadas

4 Хаан түрэнүүд 16:11

Хаанай нютагаа бусахын урда тээ санаарта Урияа Дамааскһаа Ахаазай эльгээгшэ үргэлэй шэрээгэйнь хэбээр тон тиимэ тахилай шэнэ шэрээ бүтээгээд байба.

Нэхэмьяа 13:29

Нангин нэрэ зэргэеэ, Тантай баталһан хэлсээгээ, левидүүд, санаартад таанад, гутаабат гэжэ тэдэнэртэ һануулыт, минии Бурхан.

Һургаал 12:8

Хүн ухаан бэлигээрээ хүндэлүүлдэг, харин тэнэгые зон тоодоггүй.

Исай 30:11

Замһаа зайлагты, харгыһаа хадуурагты, Израилиин арюун Бурхан тушаа дуулахаа һананагүйбди», – гэжэ тэдэ хэлэнэ.

Исай 59:13

Бидэ Танай урдаһаа һөөргэдөөбди, Таниие орхёобди, Танһаа буруу хараабди. Һанаан бодолнай буруу, үгэнүүднай худал.

Исай 9:16

Удамаршадынь зоноо төөрюулхэ, гээгдэхүүлхэ.

Ерэмияа 17:13

Эзэн, Та – Израилиин найдабарит. Танһаа арсан ошогшод нэрээ гутааха, тооһон дээрэ бэшэһэн бэшэгтэл үгы болохо. Юуб гэбэл, тэдэ Таниие, Эзэниие, сэбэр уһанай булагые, орхибо ха юм.

Ерэмияа 17:5

Эзэн иигэжэ айладхана: Намһаа буруу хаража, зондо найдажа, хэзээ нэгэтэ үхэхэ юумэндэ найдан түшэглэгшэд хараал шэнгээхэ!

Ерэмияа 18:15

Харин Минии арад зон Нам тухай мартаа. Тэдэ шүтөөнүүдтэ санзай ууюулна, харгы замаа төөрижэ, урданай һайн замуудаа – Моисейн Хуули орхибо. Тэдэ зүргэ мэтэ муу харгыгаар ябана.

Ерэмияа 2:8

Санаартан «Эзэн хаана байнаб?» гэжэ һурагшалаагүй, Хуули заадаг багшанар Намайе мэдэхэгүй байба. Ударидагшад Минии урдаһаа эсэргүүсэжэ, Лүндэншэд Баалай нэрэһээ айладхал буулгажа, ямаршье туһагүй шүтөөнүүдтэ мүргэн ябаа.

Эзэкээл 22:26

Санаартадынь Минии хуули хазагайруулна, нангин, мүн бэшэ, сэбэр болон сээртэй зүйлнүүдые илгаруулнагүй, иигэжэ нангин зүйлнүүдыем бузарлана. Тэдэ субботые сахинагүй, Намайе хүндэлнэгүй.

Эзэкээл 44:10

Левит зарим зон Намһаа буруу хаража, онгонуудта мүргэжэ байгааша Израилиин зарим зонтой хамтаран мүргэдэг байгаа. Тэдэ левидүүд хэһээгдэхэ!

Эзэкээл 44:12

Израилиин зоной онгонуудта мүргэхэ ёһололнуудые үнгэргэдэг, иигэжэ нүгэл шэбэл дэлгэрүүлһэнэйнь түлөө Би, Эзэн Бурхан, тэдэнэй урдаһаа гараа далайхаб, тиигэжэ тэдэниие хэһээхэб!

Эзэкээл 44:7

Намда шүтэдэггүй, этигэдэггүй хариин зониие үргэлэй үедэ Минии нангин үргөө руу оруулдаг һэнта. Иимэ муу муухай хэрэгүүдээрээ таанад Намтай баталһан хэлсээгээ эбдээ болонот.

Һошээ 4:6

Намайе мэдэрхэеэ татагалзаа хадаа арад түмэмни усадхагдаха. Таанад, санаартад, Намайе мэдэрхэеэ арсажа, һургаалым мартан хэрэгсээгээгүй бэлэйт. Тиимэһээ Би таанадые хэрэгсээхэгүйб, хүбүүдыеш санаартадни гэжэ тоохогүйб, мартахаб.

Левит 21:15

Муу эхэнэртэй ушараад, өөрынгөө үрэ өөрынгөө арад зон соо муу болгохо ёһогүй, юуб гэхэдэ, Би тэдэниие арюудхагша Эзэн гээшэб.

Цэпаанияа 3:4

Лүндэншэдынь бодолгүй, урбагша зон; санаартадынь арюун нангин зүйл бузарлагша, һургаал хуули дэбһэгшэд.

Малаахи 1:6

Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта.

Малаахи 2:5

– Би Левийтэй хэлсээ баталхадаа, ами наһа ба энхэ амгаланиие үршөөжэ, айха түбэгшөөхэ зүйл болгожо үгөө һэм. Тиимэһээ тэрэ Намайе хүндэлэн, Минии нэрэһээ айдаг байгаа.

Тоололго 25:12

эб найрамдал асарха хэлсээ Би тэрээнтэй баталнаб. Ши энээн тухай Пинэһааста хэлээрэй.

Тоололго 25:13

Баталһан хэлсээмни иимэ: тэрэнэй гэр бүлэ хододоо санаартад болохо. Ушар юуб гэхэдэ, тэрэ өөрынгөө Бурханда оролдосотойгоор хандажа, иимэ үйлэ хэрэг бүтээгээд, израильшуудай гэмые сагааруулаа.

Римэйхиндэ 14:21

Бусад һүзэглэгшэдые доройтон унагааха шалтаг болохо ямаршье юумэ хэнгүй, мяха эдингүй, үзэмэй дараһан архи уунгүй байхань зүб шуу.

Еврейнүүдтэ 3:12

Аха дүүнэрни, амиды Бурханһаа холодохогүйн тула таанад булта нүгэлгүй, этигэлтэй байхые оролдожо байгты.

1 Хаан түрэнүүд 2:17

Иигэжэ Эзэнэй урда эдэ залуу зоной нүгэл угаа ехэ бэлэй. Юуб гэхэдэ, тэдэнэр Эзэндэ үргэдэг үргэлнүүдтэ угаа хүндэгүйгөөр хандажа байгаа.

1 Хаан түрэнүүд 2:24

Хүүгэдни, иигэжэ болохогүй. Эзэнэй зониие даража байна гээшэт, намда дуулдаһан мэдээн оройдоошье һайн бэшэ.

1 Хаан түрэнүүд 2:30

Шинии гэр бүлэ болон үри һадаһаншни Минии урда хэтэ мүнхэдөө санаартад ябаха гэжэ Би, Израилиин Эзэн Бурхан, найдуулаа бэлэйб. Теэд мүнөө иимэ юумэн дүүрээ гэжэ айладханаб! Юуб гэхэдэ, Намайе хүндэлдэг зониие Би үргэхэб, Намайе баһадаг зондо хараал хүртөөхэб!