Малаахи 2:7 - Библи

⁷ Санаартан Бурханай һургаал хамгаалха, тэрэнэй аманһаа гараһан заабари үгые хүнүүд бэдэрхэ ёһотой. Ушарынь хадаа тэрэ Эзэнэй элшэ болоно.

Малаахи 2:7 Referencias Cruzadas

4 Хаан түрэнүүд 16:11

Хаанай нютагаа бусахын урда тээ санаарта Урияа Дамааскһаа Ахаазай эльгээгшэ үргэлэй шэрээгэйнь хэбээр тон тиимэ тахилай шэнэ шэрээ бүтээгээд байба.

4 Хаан түрэнүүд 16:16

Ахааз хаанай зарлигаар санаарта Урияа бүхы юумэ бүтээбэ.

2 Угай бэшэг 30:22

Эзэнэй һайндэрые һайнаар үнгэргэжэ байгааша левидүүдые Хэзэкияа магтаба. Амгалан байдалай түлөө үргэл үргэн, үбгэ эсэгэнэрэйнгээ Эзэн Бурханиие магтан, иигэжэ долоон хоногой туршада тэдэ һайндэрэй эдеэ бариба.

2 Угай бэшэг 31:4

Санаартадай болон левидүүдэй Эзэндэ албаяа һаадгүй хэжэ байхын тула тэдээндэ тэдхэмжэ үгэжэ байхыень Иерусалимай улад зондо тэрэ захирба.

Эзраа 7:10

Юуб гэхэдэ, Эзэнэй хуулинуудые үзэжэ, наринаар өөрөө сахихаһаа гадна тэрэнээ израильшуудта заажа, үнэн зүб ябадалда һургахын тула Эзраа үнэн сэдьхэлһээ оролдожо ябаа.

Эзраа 7:25

Ши, Эзраа, Бурханайнгаа хайрлаһан оюун ухаагаар бодомжолжо, Бурханай болон засаг түрын хуули мэдэхэ бэрхэ ноёдые, заргашадые томило. Хэд мэдэнэгүйб, тэдэниие һургагты.

Һургаал 5:2

Бодомжотой даруугаар хамаг юумэ ажаглажа, аманһаашни сэсэн үгэнүүд гарахын тулада юм.

Исай 42:19

Минии богоолһоо өөрэгүй ехэ һохор хүн хэн бэ? Минии эльгээһэн элшэдэл адли дүлиинь хэн бэ?

Исай 44:26

Харин Минии богоолой уридшалан таахада, түсэбүүдээ мэдүүлхэеэ элшэнэрые эльгээхэдээ, Би тэдэ түсэбөө дүүргэдэгби, уридшалан хэлээшыень бэелүүлдэгби. Иерусалимда зон дахин ажаһуудаг болохо, Иудын хан түрын хотонууд дахин һэргэн бодохо гэжэ Би мэдүүлнэб.

Ерэмияа 15:19

Энээндэ Эзэн иигэжэ харюусаба: – Ерэмияа, бусаа һаашни, Би шамайе бусаахаб, тиигээд ши Минии дэргэдэ зарасам байхаш. Хэрэггүй хооһон үгэһөө үлүү ехээр ши үнэтэй шухала үгэ үнэлдэг байгаа һаа, Минии захяа хүргэгшэ дахинаа болохош. Улад зон өөһэдөө шамда бусаха, ши тэдээндэ өөрөө ошожо байхагүйш.

Ерэмияа 18:18

Байһаар улад зон иигэжэ хэлсэбэ: «Ерэмияагай урдаһаа хамтарая! Маанадта хуули ёһо зааха санаартад, зүбшэл үгэхэ сэсэн мэргэшүүл, лүндэншэд хододоо байхал. Тэрэниие улаан хэлээрээ даража, хардая, хэлээшыень анхархаяа болие!»

Ерэмияа 2:8

Санаартан «Эзэн хаана байнаб?» гэжэ һурагшалаагүй, Хуули заадаг багшанар Намайе мэдэхэгүй байба. Ударидагшад Минии урдаһаа эсэргүүсэжэ, Лүндэншэд Баалай нэрэһээ айладхал буулгажа, ямаршье туһагүй шүтөөнүүдтэ мүргэн ябаа.

Эзэкээл 22:26

Санаартадынь Минии хуули хазагайруулна, нангин, мүн бэшэ, сэбэр болон сээртэй зүйлнүүдые илгаруулнагүй, иигэжэ нангин зүйлнүүдыем бузарлана. Тэдэ субботые сахинагүй, Намайе хүндэлнэгүй.

Эзэкээл 7:26

Гай тодхор дээрэ дээрэһээ ерэжэ байха, муу һураг суу хойно хойноһоо дуулдаха. Лүндэншэдые үзэл үзэхыень гуйжа байхат. Санаартан зониие һургаха юушьегүй, аха захатан хэлэхэ нэгэшье зүбшэл заабаригүй байха.

Даниил 11:33

Арадай сэсэн мэргэшүүл олохон зондо зүб юумэ зааха. Энээнэйнгээ түлөө тэдэ нэгэ хэды сагай туршада хэһээлтэ амасан байха: заримань алуулха, шатаагдаха, баряанда туугдаха, дээрмэдүүлхэ.

Һошээ 4:6

Намайе мэдэрхэеэ татагалзаа хадаа арад түмэмни усадхагдаха. Таанад, санаартад, Намайе мэдэрхэеэ арсажа, һургаалым мартан хэрэгсээгээгүй бэлэйт. Тиимэһээ Би таанадые хэрэгсээхэгүйб, хүбүүдыеш санаартадни гэжэ тоохогүйб, мартахаб.

Левит 10:11

Тиигээд Эзэнэй Моисейгээр дамжуулан үгэһэн хуулинуудта израильшуудые һургаха ёһотойт.

Цэпаанияа 3:4

Лүндэншэдынь бодолгүй, урбагша зон; санаартадынь арюун нангин зүйл бузарлагша, һургаал хуули дэбһэгшэд.

Хаггай 1:13

Эзэнэй мэдээсэгшэ Хаггай айладхалынь арад түмэндэ дамжуулба: «Би таанадтай байхаб, энэ Минии найдуулга мүн гэжэ Эзэн айладхана!»

Захарияа 7:3

Тэдэ Түмэн Сэрэгтэ Эзэнэй үргөөгэй санаартан болон лүндэншэдһээ асууба: «Бидэ Һүмын һандарһан ушараар олон жэлдэ гашуудаһан заншалаараа табадахи һарада гашуудан уйлаха гүбди?»

Малаахи 3:1

«Харагты, шинии ябаха харгы бэлдэхыень би уридшалан Өөрынгөө Эльгээмэлые ябуулнаб. Таанарай бэдэрдэг Эзэн гэнтэ Өөрын Һүмэдэ ерэхэ болоно. Таанарай баярлан хүлеэһэн хэлсээнэй Эльгээмэл, харагты, Тэрэ ерэжэ байна» гэжэ Түмэн Сэрэгтэ Эзэн айладажа байна.

Тоололго 27:21

Хэрбэеэ Иисүүс ямар нэгэ шиидхэбэри абаха гээ һаа, санаарта Эльазаарта ошог. Эльазаар урим абахадаа, Эзэнһээ харюу мэдэхэ. Тиихэдэнь Иисүүс болон израильшууд Бурханай захирһан юумынь бүтээг. Хэрбэеэ Тэрэнэй «Дайлалдахаяа гарагты» гэжэ захираа һаань, тэдэнэр дайлалдахаяа гараг. Хэрбэеэ Тэрэнэй «гэртээ бусагты» гээ һаань, тэдэнэр гэртээ ошог, – гэжэ айладаба.

Иоанн 13:20

Таанарта үнэн зүбые хэлэнэб: Минии эльгээһэн хүниие угтажа абаһан хүн Намайе угтажа абана гээшэ, Намайе угтажа абаһан хүн Намайе эльгээһэн Эсэгые угтажа абана гээшэ.

Иоанн 20:21

– Таанарта амгалан тайбан! – гэжэ Иисүүс дабтан мэндэшэлбэ. – Намайе Эсэгэмни эльгээгээ, баһа Бишье таанараа эльгээнэб.

Хэрэгүүд 16:17

Тэрэ эхэнэр Павелые болон маанадые дахажа: – Эдэ зон Дээдэ Бурханай зарасанар гээшэ. Эдэ таанадта абаралгын зам тухай айладхана, – гэжэ ооглон һүхирдэг бэлэй.

Коринфынхидтэ 2-дохи 5:20

Бидэ Христоосой бүрин эрхэтэ түлөөлэгшэд мүн, тиин Бурхан бидэнэрээр дамжан таанадта хандана. Бурхантай эбээ нэгэдхэгты гэжэ бидэ Христоосой нэрээр таанадые гуйнабди.

Галадуудта 4:14

Үбшэн ядуу байхадамни таанад һэжэглэнгүй, намайе өөһэдһөө түлхингүй, Бурханай Эльгээмэл мэтэ, Иисүүс Христоостол адляар угтажа абаа бэлэйт.

Хуули дабталга 21:5

Санаартан, Левиин үри һадаһад, тиишээ дүтэлэг, юуб гэхэдэ, Эзэн Бурхантнай тэдэниие өөртөө алба хүүлэхын, мүн Эзэнэй нэрээр зониие тэдэнэй юрөөхын тула шэлээ ха юм. Бүхы зарга хэрэгүүдые, гэмтэхэ хохидохо бүхы ушарнуудые эдэнэр лэ шиидхэдэг бшуу.

Хуули дабталга 24:8

Арһанай халдабарита үбшөөр үбшэлөө гээшэ һаа, левит санаартадта минии дамжуулһан бүхы һургаалнуудые жэншэдгүй сахин дүүргэн байгты.

Фессалоникиинхидтэ 1-дэхи 4:8

Тиимэһээ энэ һургаал буруушааһан хүн болбол хүниие буруушаана бэшэ, харин таанадта Арюун Һүлдэеэ үршөөжэ байгаа Бурханиие буруушаана.

1 Хаан түрэнүүд 2:17

Иигэжэ Эзэнэй урда эдэ залуу зоной нүгэл угаа ехэ бэлэй. Юуб гэхэдэ, тэдэнэр Эзэндэ үргэдэг үргэлнүүдтэ угаа хүндэгүйгөөр хандажа байгаа.