Малаахи 2:6 - Библи

⁶ Тэрэ үнэн һургаал хэдэг байгаа, үнэн шударга бэшэ юумэн тэрэнэй аманһаа унаагүй. Тэрэ Намтай суг энхэ амгаланда эрмэлзэн, үнэн шударга замаар алхажа, олониие гэм нүгэлһөө зайлуулаа.

Малаахи 2:6 Referencias Cruzadas

Эхин 17:1

Абрамай ерэн юһэтэй байхада, Эзэн тэрээндэ дахин үзэгдэжэ, иигэжэ айладхаба: – Би Түгэс Хүсэтэ Бурхамби. Минии үгөөр ябажа, зэмэгүй арюун ажаһуугаарай.

Эхин 6:9

Энэ болбол Нойн түүхэ юм. Тэрэ сагай хүн зон соо гансал Ной зүб шударга, ямаршье өө мөөгүй байгаа, Бурхантай эбтэй эетэй ажаһуугаа.

Һургаал 5:2

Бодомжотой даруугаар хамаг юумэ ажаглажа, аманһаашни сэсэн үгэнүүд гарахын тулада юм.

Ерэмияа 23:22

Хэрбээ тэдэ Минии нюуса бодолнуудые мэдэһэн һаа, арад түмэндэмни Минии үгэ тунхаглажа, нүгэлтэй муу байдалһаань болон муу хэрэгүүдһээнь холодуулха һэн.

Даниил 12:3

Сэсэн ухаатайшуул тэнгэриин мандалай туяа гэрэлдэл яларха, зүб шударга хэрэгүүдтэ зониие һургагшад огторгойн одод мэтэ хододоо, мүнхэдөө яларха!

Һошээ 4:6

Намайе мэдэрхэеэ татагалзаа хадаа арад түмэмни усадхагдаха. Таанад, санаартад, Намайе мэдэрхэеэ арсажа, һургаалым мартан хэрэгсээгээгүй бэлэйт. Тиимэһээ Би таанадые хэрэгсээхэгүйб, хүбүүдыеш санаартадни гэжэ тоохогүйб, мартахаб.

Матвей 22:16

Фарисейнүүд өөрынгөө шабинарые Иродэй талынхидтай хамта Иисүүстэ эльгээжэ: – Багша аа! Та үнэн сэхые хэлэдэгта, Бурханай бодото замаар ябахые һургадагта, хэнэйшье урда билдагуушалдаггүйт, юуб гэбэл, нюур харадаггүйт гэжэ бидэ мэдэнэбди.

Марк 12:14

Тэдэнь Иисүүстэ ерээд: – Багша аа! Та үнэн сэхэт, Бурханай бодото замаар ябахые һургадагта, хэнэйшье урда билдагуушалдаггүйт, юуб гэбэл, нюур харадаггүйт гэжэ бидэ мэдэнэбди. Тиимэһээ манда хэлыт, Римэй хаанда алба татабари түлэхэнь зүб гү, али буруу гү? – гэжэ асууба.

Лука 1:6

Тэдэ хоюулан Бурханай хүсэл бодото дээрэнь бэелүүлэн, Хуулиин захяа заабаринуудые жэншэдгүй һайханаар сахидаг һэн.

Лука 20:21

Тэдэнь билдагуушалан: – Багша аа! Та бодото үнэниие хэлэдэгта, нюур харадаггүйт, Бурханай бодото замаар ябахые һургадагта гэжэ бидэ мэдэнэбди.

Хуули дабталга 33:10

Тэдэнэр Яковые ёһо гуримуудтатнай һургана, Израилиин уладта һургаалыетнай дамжуулна, Танай урда хүжэ санзай ууюулна, үргэлэй шэрээ дээрэтнай түгэс шатаалта үргэл үргэнэ.

Хуули дабталга 33:8

Левиин обог тушаа тэрэ иигэжэ хэлэбэ: «Эзэн, Өөрынгөө шиидхэбэри урим ба туммим гэгшээр элирхэйлнэт. Үнэн сэхэ левидүүд тэдэнииетнай хадагалдаг. Массаада тэдэниие туршаад үзөө һэнта, Мэрибаагай уһанай дэргэдэ шалгаа һэнта.

Хуули дабталга 33:9

Тэдэнэр эхэ, эсэгэеэ харахаяа болинхой, аха, дүүнэрээ танихаа болёо, үхи хүүгэдээ орхинхой, гэбэшье Танай үгэнүүдые сахин хадагална, Тантай баталһан хэлсээгээ дүмэн дүүргэнэ.

Гэршэлгэ 14:5

Тэдэнэр хэзээдэшье худал хуурмаг үгэ хэлэдэггүй, гэм зэмэгүй байһан юм.

1 Хаан түрэнүүд 2:12

Элиин хүбүүд Эзэниие хүндэлдэггүй муу зон бэлэй.