Малаахи 2:3 - Библи

³ Хаража байгты, би таанадай уг удамуудые хэһээхэб. Найрай үедэ санаартад үргэл хэһэн малай гэдэһэ дотор, шабааһа шээһэ хаядаг. Танай нюурта шабааһыень нялажа, тэрэ хог шабааһантай адли таниие гаргажа хаяха.

Малаахи 2:3 Referencias Cruzadas

3 Хаан түрэнүүд 14:10

Энээнэйш түлөө Би шинии, Еробоһаамай, уг удам дээрэ гай гасалан татахаб, бага, томо бүхы эрэ үринэрыеш усадхахаб. Хог үтэгжэл юушье үлөөнгүй галдадагтал, шинии уг удамые галдан хаяхаб.

Иоов 20:7

нэгэ сагта үмхэй бааһантаяа адли эгүүридэ үгы болоходонь, «Үнөөхимнай хаанаб?» гэжэ өөһэд хоорондоо гайхан асуухалта.

Псалманууд 47:5

Юуб гэбэл, харыт, хаашуул хамтаржа, хамтадаа ябан үнгэрбэ.

Псалманууд 83:10

Маанадта аршалагша бамбай болоһон Бурхан! Өөрын шэлэһэн хүниие харыт, анхарыт.

Египедһээ гаралга 29:14

Харин мяха, арһан болон шабааһыень абаад, хотон хүреэнһөө гадагшань гаргажа галдахаш. Энэ хадаа нүгэл сагааруулгын үргэл болоно.

Ерэмияа 8:2

Дуратай, алба хэдэг нара, һара болон мүшэд доогуурнь яһануудыень тараажа тэдэ хаяхал. Тэдээнтэй зүбшэдэг, мүргэдэг, һүгэдэн унадаг тэдэ байгаа ха юм. Яһаниинь суглуулагдан хүдөөлүүлэгдэхэгүй. Шэбхэ мэтэ тэрэ газарай хүрьһэн дээрэ хэбтэхэ.

Ёһээл 1:10

Таряалан хооһоржо, газар гашуудана. Тариһан таряан һалажа, үзэмэй дараһан архи шэргэбэ, олива модоной шэнэ тоһон хатаба.

Ёһээл 1:17

Тариһан таряан хүрьһэнһөө бултайнгүй хаташоо. Орооһоной амбарнууд хаягдажа һандараа.

Левит 26:16

Би таанадта иигэжэ орохоб: таанадта аймшагтай юумэ, хаталга, халуун үбшэ эльгээхэб, тэдэнһээ боложо, нюдэнтнай шэргэхэ, зүрхэнтнай үбдэхэ. Үрэһэ дэмы тарихат, тэдэниие дайсантнай эдихэ.

Наум 3:6

Би шам руу бузар муухай юумэ шэдэн эльгэжэ, олоной шоодбори болгохоб, жэгшүүритэй эшхэбтэр байдалда шамайе оруулхаб.

Малаахи 2:9

– Тиигэжэ таанад Минии зам сахинагүйт, харин заабари элдэбээр тайлбарилан гуйбуулжа байнат. Тэрээнэйтнай түлөө Би таанадые арад түмэнэй урда хүндэгүй болгожо, баһамжалуулхаб.

Лука 14:35

Тиимэ дабһан хэндэшье хэрэггүйл, угайдхадаа тэрээгээр газараашье үтэгжүүлхэгүйлши. Тэрэниие миил хаяжархихал! Шэхэтэй юм һаа, анхаран шагныта!

Коринфынхидтэ 1-дэхи 4:13

маанадые хардахадань, бидэ энхэргэн үгэнүүдээр харюусанабди. Бидэ энэ дэлхэйн хаягдал гээшэбди, бидэ мүнөө болотор газарай хог болоод байнабди.

Хуули дабталга 28:38

Үрэһэ хүрэнгэ ехээр поолидо тарихаш, теэд бага ургаса суглуулхаш, юундэб гэхэдэ, тэдэниие таршаа шумуул эдихэ.