Малаахи 2:10 - Библи

¹⁰ Бидэ булта нэгэ эсэгэтэй бэшэ гүбди? Нэгэ Бурхан бидэниие бүтээгээ. Яахадаа аха дүүнэр бэе бэедээ урбан, үбгэ эсэгэнэрэймнай Бурхантай баталһан хэлсээ эбдэхэ болооб?

Малаахи 2:10 Referencias Cruzadas

Нэхэмьяа 13:29

Нангин нэрэ зэргэеэ, Тантай баталһан хэлсээгээ, левидүүд, санаартад таанад, гутаабат гэжэ тэдэнэртэ һануулыт, минии Бурхан.

Иоов 31:15

Эзэн тэрэниие намдал адли эхын хэбэл соо бүтээжэ, хүн бэеынь адли үгэһэн бэшэ юм гү?

Псалманууд 100:3

Муу муухай юумэ хаража байхагүйб, урбагшадай хэрэг үзэн яданаб, тэрэнь намда няалдахагүй.

Египедһээ гаралга 19:4

«Египедшүүдтэ хэһэн үйлыем хараба гээшэт. Бүргэдэй дали дээрэ һуулгаһандал шуумар ябуулжа, таанадые Өөртөө асарба гээшэб.

Египедһээ гаралга 19:5

Үгыем дууладаг ба Намтай баталһан хэлсээе үнэн шударгыгаар сахибал, та бүгэдэ Минии эрдэниин сэнтэ баялиг, арадуудай дундаһаа Минии шэлэмэл гансал арад болохо зэргэтэйт. Газар дэлхэй гээшэ Минии юм,

Египедһээ гаралга 24:3

Моисей зондоо ерэжэ, Эзэнэй үгэнүүдые болон тогтоолнуудые бүгэдыень хэлэжэ үгэбэ. Арад угсаатаниинь нэгэ хүн шэнги харюусаа: – Эзэнэй үгэ соонь лэ ябахабди.

Египедһээ гаралга 24:7

Хэлсээнэй бэшэг уншажа үгэхэдэнь: – Эзэнэй айладаһан соо жэншэдгүй ябахабди! – гэжэ зон дабтан байба.

Исай 43:1

Яков, шамайе байгуулагша, Израиль, шамайе бүтээгшэ Эзэн иигэжэ айладхана: «Бү ай, Би шамайе абархаб. Би шамайе нэрээршни нэрлээб, ши Минии болоош.

Исай 43:15

Би болбол танай Арюун Эзэн Бурхантнай гээшэб. Израиль, таанадые бүтээгээб, хаантнай Би мүн!»

Исай 43:7

Тэдэ Минии Өөрын зон, Өөрын алдар солын тула Би тэдэниие бүтээгээ бэлэйб».

Исай 44:2

Таанадые байгуулһан Эзэнтнай гээшэб, хэбэл соо таанадые бүтээһэн Би, таанадта туһалдаг Би иигэжэ айладанаб: Минии богоол Яков, Минии шэлэн абаһан Ешүрүүн, бү айгты!

Исай 51:2

Элинсэг эсэгэ Абраһаам, таанадые түрэһэн эхэ Саррые һанаандаа оруулагты. Би Абраһаамай ори ганса, үхи хүүгэдгүй байхадань үреэжэ, үхи хүүгэдые үршөөгөө бэлэйб. Иигэжэ уг удамынь угаа үнэржүүлээ һэм.

Исай 63:16

Теэд Та манай Эсэгэт. Манай элинсэг эсэгэнэр болохо Абраһаам, Израиль маанадые өөрын гэжэ бү тоог, харин Та, Эзэмнай, манай Эсэгэ болонот, хододоо «Абарагшамнай» гэжэ Таниие нэрлэдэг бэлэйлди.

Исай 64:7

Хэншье Танһаа юумэ гуйнагүй, хэншье туһа эринэгүй. Та манай нүгэлнүүдһээ боложо, маанадһаа Өөрыгөө нюужа арсабат.

Исай 64:8

Гэбэшье, Эзэн, Та манай Эсэгэт. Бидэ шабар мэтэ, харин Та шабараар амһарта бүтээдэг хүн мэтэт. Бидэ бултадаа – Танай бүтээлнүүд мүн!

Ерэмияа 31:9

Тэдэ уйлалдан ошоо һэн, Би хадаа тэдэниие аргадан, сэдьхэлыень заһан бусаахаб. Би тэдэниие урасхал уһан руу бүдэрхэгүй тэгшэхэн замаар хүтэлэн асархаб. Юуб гэбэл, Би Израильда Эсэгэнь болонхойб, Эпрааим болбол Минии ууган хүбүүн юм.

Эзэкээл 33:24

– Хүнэй үри Эзэкээл! Израилиин һандарагша хотонуудаар ажаһуугша зон «Абраһаам гансаараа энэ газар абаа бэлэй, харин бидэ оломди, тиимэһээ энэ газар манай байха ёһоороо манай мүн» гэжэ хэлсэнэ.

Малаахи 1:6

Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта.

Малаахи 2:11

Иуда эсэргүү бодол гаргажа, Израильда болон Иерусалимда жэгшүүритэ үйлэ хэгдэбэ. Тэрэ Эзэниие шүтэдэг газарые бузарлажа, хариин бурханай үхинтэй гэрлээ.

Малаахи 2:8

Харин таанад, санаартад, харгыһаа хадууржа, зониие бүдэрүүлжэ, нүгэл хүүлэжэ байнат. Таанад Минии Левийтэй баталһан хэлсээ эбдэжэ байһан зонта, – гэжэ Эзэн хэлэнэ,

Матвей 10:21

Аха дүүнэр бэе бэеэ, эсэгэнь хүбүүгээ үхэлдэ үгэхэ; баһа үхибүүдынь эхэ эсэгынгээ урдаһаа үһөөрхэн бодожо, тэдэнээ алаха.

Матвей 22:16

Фарисейнүүд өөрынгөө шабинарые Иродэй талынхидтай хамта Иисүүстэ эльгээжэ: – Багша аа! Та үнэн сэхые хэлэдэгта, Бурханай бодото замаар ябахые һургадагта, хэнэйшье урда билдагуушалдаггүйт, юуб гэбэл, нюур харадаггүйт гэжэ бидэ мэдэнэбди.

Матвей 3:9

Үбгэ эсэгэмнай Абраһаам юм гэжэ өөһэд тухайгаа бү бодогты, юундэб гэхэдэ, Бурхан энэ хэбтэһэн шулуугааршье Абраһаамда үри хүүгэдые бүтээжэ шадаха юм гэжэ танда хэлэхэ байнаб.

Лука 1:73

танай үбгэ эсэгэ Абраһаамда үгэһэн тангаригаа һанан байхаб,

Лука 3:8

Таанар буянтай һайн хэрэгүүдые бүтээжэ, Бурханда хандаһанаа харуулагты. Үбгэ эсэгэмнай Абраһаам юм гэжэ өөһэд тухайгаа бү бодогты, юундэб гэхэдэ, Бурхан энэ хэбтэһэн шулуугааршье Абраһаамда үри хүүгэдые бүтээжэ шадаха гэжэ танда хэлэхэ байнаб.

Иоанн 8:39

– Манай үбгэ эсэгэ Абраһаам юм! – гэжэ тэдэ харюусаба. Иисүүс тэдэндэ хэлэбэ: – Үнэхөөрөө Абраһаамай үри һадаһан байгаа һаа, таанар Абраһаамдал адли хэрэгүүдые бүтээхэ һэнта.

Иоанн 8:41

Үгы даа, таанар өөрынгөөл эсэгэдэ адли юумэ хэнэт! – Бидэ нүгэл хилэнсэдэ түрөө бэшэбди! Манай ори ганса эсэгэ – Бурхан юм! – гэлсэбэ тэдэ.

Иоанн 8:53

Наһа бараһан манай үбгэ эсэгэ Абраһаамһаа Та ехэ гээшэ гүт? Али наһаяа дүүрэһэн лүндэншэдһөө ехэ гээшэ гүт? Та хэнби гэжэ Өөр тухайгаа һананабта?

Иоанн 8:56

Танай үбгэ эсэгэ Абраһаам Минии ерэхэ үдэрые харахаб гэжэ һанахадаа баярладаг бэлэй, тиин ерэһэн үдэрыемни хараад, баяртай золтой байгаа һэн!

Хэрэгүүд 17:24

Юртэмсэ дэлхэйе, тэрээн дээрэ оршодог хамаг юумэ бүтээһэн Бурхан газар тэнгэриин Эзэн юм, гараар бодхоогдоһон һүмэдэ амидардаггүй юм.

Хэрэгүүд 17:25

Хүнэй ямаршье туһаламжа Бурханда хэрэггүй. Тэрэ Өөрөө амитай бүхы юумэндэ ами наһа, амисхал, бүгэдые үгэнэ.

Хэрэгүүд 17:26

Бүхы дэлхэйгээр нютагжахынь тула амидарха саг болзорыень болон байрлаха хилэ хизаарыень тогтоон, ори ганса хүнһөө бүхы хүн түрэлхитэниие Тэрэ бүтээгөө.

Хэрэгүүд 7:2

– Аха дүүнэрни, үбгэ эсэгэнэрни, намайе шагнагты! Манай үбгэн эсэгэ Абраһаамай Харраан хото нүүхын урда тээ, Месопотамида байхадань, алдарта Бурхан тэрээндэ ерэжэ,

Хэрэгүүд 7:26

Хойто үдэрынь хоёр еврейнүүдэй өөһэд хоорондоо хэрэлдэжэ байхые тэрэ хараад, тэдэниие эбтэй болгохо һанаатайгаар: «Үгы, шагныт, таанад аха дүүнэр ха юмта! Юундэ бэе бэеэ гомодхоонобта?», – гэбэ.

Римэйхиндэ 4:1

Зай, өөрынгөө үбгэ эсэгэ Абраһаам тухай юун гэжэ хэлэхэбибди?

Римэйхиндэ 9:10

Энээнһээ гадна Рэбээккаа ба манай үбгэ эсэгэ Исаагай хоёр хүбүүтэй болоходо, тиимэ юумэн баһа тохёолдоо һэн.

Коринфынхидтэ 1-дэхи 8:6

бидэндэ ори гансал Эсэгэ Бурхан, ори ганса Эзэн Иисүүс Христоос бии. Эсэгэ Бурхан бүхы юумые бүтээгээ, бидэ Тэрэнэй ашаар ажамидарнабди; бүхы юумэн Эзэн Иисүүс Христоосой ашаар бүтээгдээ, бидэ Тэрэнэй ашаар ажамидарнабди.

Эфесэйхиндэ 4:25

Тиимэһээ худал юумэ хэлэхэеэ болёод, дүтынгөө хүндэ хүн бүхэнтнай үнэниие хэлэжэ байг, ушарынь хэлэхэдэ, бидэ бултадаа нэгэ бэеын эрхэтэнүүд гээшэбди.

Эфесэйхиндэ 4:6

Бүхы юумэн дээгүүр, бүхы юумэн соо болон бүхы юумээр дамжан ажаллажа байһан гансал Бурхан – бүхы хүнүүдэй Эсэгэ бии юм.

Фессалоникиинхидтэ 1-дэхи 4:6

Тиимэһээ таанадай хэншье Христоосто һүзэглэгшэ ондоо хүндэ муу юумэ хэхэ, мэхэлэн барашхаа ёһогүй. Тиимэ юумэ хэһэн зониие Эзэн хэһээхэ гэжэ бидэ уридшье хэлээ һэмди, мүнөөшье хатуугаар һэргылнэбди.

Еврейнүүдтэ 12:9

Газар дэлхэйдэхи эсэгэнэрэйнгээ маанадые хэһээхэдэ бидэ тэдэниие хүндэлдэг һэмди. Тиимэһээ бидэ тэнгэриин Эсэгынгээ мэдэлдэнь бүрин байха ёһотойбди.

Нүүнэй Иисүүс 24:3

Танай эсэгэ Абраһаамые Би голой саанаһаа абаад, Ханаһаанай бүхы газар дээгүүр ябуулааб, тэрээнэй үрые олон болгоод, Исаагые тэрээндэ үгөөб.