Малаахи 1:6 - Библи

⁶ Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта.

Малаахи 1:6 Referencias Cruzadas

Псалманууд 123:2

Зоной маанадай урдаһаа бодоходо Эзэн бидэнтэй байгаагүй һаань,

Египедһээ гаралга 20:12

Эзэн Бурханайнгаа үршөөһэн газарта ута наһатай һуухын тулада эхэ, эсэгэеэ хүндэлжэ ябаарай.

Һургаал 17:6

Үтэлһэнэй жаргал аша гушанар болодог. Эсэгэ хүн хүбүүдэйнгөө һүр алдарынь болодог.

Һургаал 30:11

Эсэгэдээ хараал хэлэжэ, эхэеэ үреэхэгүй хүнүүд байдаг.

Һургаал 30:17

Эсэгэеэ баһажа, эхэеэ тоодоггүй хүнэй нюдые хара хирээ тоншожо, харсага шубуун эдихэ.

Исай 1:2

Огторгой, соносо, газар дэлхэй, шагна! Эзэн иигэжэ айладана: «Тэжээн үндылгэһэн хүүгэдни урдаһаамни эсэргүүсэн бодобол.

Исай 43:23

Түгэс шатаалта үргэлэй хонидые Намда асараагүйш. Үргэл хэжэ Намайе хүндэлөөгүйш. Би шамайе үргэл Намда үргэ гэжэ баадхаа бэшэб, уталга Намда ууюула гэжэ захираа бэшэб.

Исай 45:10

Эхэ, эсэгэдээ «Таанад юундэ намайе түрөөбта?» гэжэ хэлэдэг гүбди?

Исай 64:7

Хэншье Танһаа юумэ гуйнагүй, хэншье туһа эринэгүй. Та манай нүгэлнүүдһээ боложо, маанадһаа Өөрыгөө нюужа арсабат.

Исай 64:8

Гэбэшье, Эзэн, Та манай Эсэгэт. Бидэ шабар мэтэ, харин Та шабараар амһарта бүтээдэг хүн мэтэт. Бидэ бултадаа – Танай бүтээлнүүд мүн!

Ерэмияа 23:11

Эзэн айладхана: Худал хуурмаг лүндэншэд, санаартад һүзэггүй. Өөрын үргөөдэшье Би тэдэнэй хорон муу үйлэ хэрэгүүдые харааб.

Ерэмияа 3:4

Мүнөө ши Намда хандан: «Та минии эсэгэт. Эдир залуу наһанһаамни хойшо намайе хүтэлэн ябаат.

Ерэмияа 31:9

Тэдэ уйлалдан ошоо һэн, Би хадаа тэдэниие аргадан, сэдьхэлыень заһан бусаахаб. Би тэдэниие урасхал уһан руу бүдэрхэгүй тэгшэхэн замаар хүтэлэн асархаб. Юуб гэбэл, Би Израильда Эсэгэнь болонхойб, Эпрааим болбол Минии ууган хүбүүн юм.

Ерэмияа 35:16

Рэхаабай хүбүүн Ёнадаабай үри һадаһад үбгэ эсэгынгээ захяа дүүргэдэг, харин таанад Намайе шагнанагүйт.

Эзэкээл 22:26

Санаартадынь Минии хуули хазагайруулна, нангин, мүн бэшэ, сэбэр болон сээртэй зүйлнүүдые илгаруулнагүй, иигэжэ нангин зүйлнүүдыем бузарлана. Тэдэ субботые сахинагүй, Намайе хүндэлнэгүй.

Һошээ 12:8

Бидэ баямди, олон зөөритэйб, тиигээд хэншье намайе нүгэл хэжэ, эдэ бүгэдые үбэршэлөө гэжэ хэлэжэ шадахагүй гээд тэдэ хэлэнэ.

Һошээ 4:6

Намайе мэдэрхэеэ татагалзаа хадаа арад түмэмни усадхагдаха. Таанад, санаартад, Намайе мэдэрхэеэ арсажа, һургаалым мартан хэрэгсээгээгүй бэлэйт. Тиимэһээ Би таанадые хэрэгсээхэгүйб, хүбүүдыеш санаартадни гэжэ тоохогүйб, мартахаб.

Һошээ 5:1

Санаартад, энээниие шагныта! Израилиин улад зон, соносогты! Хаанай гэр бүлэ, шэхээ табигты! Таанадые шүүн, заргада оруулхань! Ушар юуб гэхэдэ, таанад Мицпаада болон Табоорто улад зондо занга табижа байгаат.

Левит 19:3

Таанад өөһэдынгөө эхэ эсэгэһээ түбэгшөөгты. Минии субботонуудые сахигты. Би танай Эзэн Бурхантнай гээшэб.

Цэпаанияа 3:4

Лүндэншэдынь бодолгүй, урбагша зон; санаартадынь арюун нангин зүйл бузарлагша, һургаал хуули дэбһэгшэд.

Малаахи 2:1

Таанад санаартад, энэ хадаа захяа заабари гээшэ, анхаран шагнагты.

Малаахи 2:10

Бидэ булта нэгэ эсэгэтэй бэшэ гүбди? Нэгэ Бурхан бидэниие бүтээгээ. Яахадаа аха дүүнэр бэе бэедээ урбан, үбгэ эсэгэнэрэймнай Бурхантай баталһан хэлсээ эбдэхэ болооб?

Малаахи 2:8

Харин таанад, санаартад, харгыһаа хадууржа, зониие бүдэрүүлжэ, нүгэл хүүлэжэ байнат. Таанад Минии Левийтэй баталһан хэлсээ эбдэжэ байһан зонта, – гэжэ Эзэн хэлэнэ,

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Матвей 15:4

«Аба эжы хоёроо хүндэлэ», – гэжэ Бурхан заабарилаа бэшэ һэн гү? Мүн баһа «Аба эжы хоёроо муушалһан хүн үхэлдэ хүртэхэ» гээ бэшэ һэн гү?

Матвей 15:6

эхэ эсэгэеэ хүндэлхэ хэрэггүй гэжэ заанат. Тиигэжэ таанар Бурханай захяа заабари сахингүй, өөһэдынгөө тогтооһон ёһо заншалаар һэлгэнэт.

Матвей 19:19

эхэ эсэгэеэ хүндэлэ, баһа өөртөө дуратай байдагтал адляар дүтынгөө хүндэ дуратай бай, – гэжэ тоолон хэлэбэ.

Матвей 6:9

Иигээд зальбаржа байгаарай: Тэнгэридэ оршодог Эсэгэмнай! Нангин нэрэтнай алдаршахань болтогой.

Матвей 7:21

«Эзэн! Эзэн!» гэжэ Намда хэлэгшэ хүн бүхэн Бурханай хаан орондо орохогүй, зүгөөр тэнгэридэ байгша Эсэгымни эрхэ хүсэл бүтээдэг лэ хүнүүд тиишээ орохо юм.

Марк 10:19

Ши захяа заабаринуудые мэдэнэ ха юмши. «Бү ала, ханидаа бү урба, хулгай бү хэ, бусад тухай худал юумэ бү хэлэ, хүниие мэхэлжэ, юумыень бү аба. Эхэ эсэгэеэ хүндэлэ».

Марк 7:10

«Аба эжы хоёроо хүндэлэ», «Аба эжы хоёроо муушалһан хүн үхэлдэ хүртэхэ ёһотой» гэжэ Моисейгээр дамжуулан Бурхан хэлэһэн байгаа.

Лука 10:29

Харин Хуули заадаг багша бэеэ сагааруулхые оролдон: – Дүтымни хүн хэн болоноб? – гэжэ Иисүүсһээ һураба.

Лука 18:20

«Ханидаа бү урба, бү ала, хулгай бү хэ, бусад тухай худал юумэ бү хэлэ, эхэ эсэгэеэ хүндэлэ» гэһэн Бурханай захяа заабаринуудые мэдэхэ ха юмши, – гэбэ.

Лука 6:36

Эсэгынтнай танаа энхэржэ хайрлажа ябадагтал адляар таанадшье бусад зониие энхэржэ хайрлажа ябагты.

Лука 6:46

– Минии зааһанай ёһоор һайн юумэ үйлэдэхэгүй аад, юунэйхиие Эзэн, Эзэн гэжэ Намайе нэрлэнэбта?

Эфесэйхиндэ 6:2

«Аба эжыгээ хүндэлжэ яба» гэһэн түрүүшын захяа заабариие: «Тиигэбэл шамда ехэ һайн байха, газар дэлхэйдэ ши ута наһа наһалхаш» гэһэн найдуулга дахадаг.

Хуули дабталга 1:31

Түрэһэн хүбүүгээ гар дээрээ үргөөд ябаһан хүндэл адли Эзэн Бурхантнай элһэн сүл губидашье таанадые үргөөд ябана гэжэ ажаглаа бэлэйт. Бүхы аян замдатнай, энэ газар хүрэтэртнай Тэрэ таанадые абажа ябаа бшуу».

Хуули дабталга 32:6

Эзэндээ юундэ иигэжэ ханданабта, тэнэг, ухаагүй арад? Тэрэ – танай Эсэгэ, таанадые байгуулаа, үндэһэ яһатан болгоо.

Хуули дабталга 5:16

Эзэн Бурханайнгаа үршөөһэн газарта үлзытэй һайн, ута наһатай һуухын тулада Эзэн Бурханайшни шамда захиһан ёһоор эхэ, эсэгэеэ хүндэлжэ ябаарай.

Пётрой 1-дэхи хандалга 1:17

Нюур харангүй, бүхы хүнүүдые хэһэн хэрэгүүдэйнь хэмжээгээр шүүбэрилдэг Бурханиие таанад Эсэгэмнай гэжэ нэрлэнэт, тиимэһээ эндэ, энэ дэлхэйдэ байха үдэрнүүдээ Тэрээндэ һүгэдэн үнгэргыт даа.