Малаахи 1:4 - Библи

⁴ «Бидэ сохигдоошье һаа, бусажа ерээд хото балгааһануудаа һэргээн бодхоохобди» гэжэ эдоомуудай хэлэхэдэ, Түмэн Сэрэгтэ Эзэн иигэжэ айладана. «Бодхоохо һаа, бодхоожо байг, харин Би тэрээнииень һандаргахаб. Эдоом гээшэ ёро муута орон нютаг, Эзэнэй зэбүүрхэл хэтэдээ шэнгээһэн арад түмэн гэжэ тэрэниие нэрлэхэ».

Малаахи 1:4 Referencias Cruzadas

Иоов 12:14

Тэрэнэй усадхаһаниие хэншье дахин бодхоожо шадахагүй. Тэрэнэй хааһаниие хэншье сүлөөлжэ шадахагүй.

Иоов 34:29

Тэрэнэй харюу үгөөгүй байхада хэн буруушааха юм? Бидэнһээ нюураа нюун байхадань, хэн Тэрэниие хараха юм? Арад үндэһэтэндэшье, хүндэшье адли,

Иоов 9:4

Тэрэнэй оюун ухаан, хүсэ шадалынь хизааргүй. Хэн Тэрээндэ эсэргүүсээд, бүтэн үлэһэн юм?

Псалманууд 127:1

[Үгсэлгын дуун.] Эзэнһээ түбэгшөөдэг, Тэрэнэй харгы замаар ябааша хүн бүхэн юрөөлтэй.

Псалманууд 137:7

Зоболонгой дунда минии ябаашье һаа, Та намайе амидыруулхат, дайсадайм уур хилэнгэй урдаһаа гараа һунган һарбайхат, баруун гартнай намда абарал асарха.

Псалманууд 33:10

Эзэнэй гэгээн зон, Эзэниие хүндэлыт, хүндэлдэг зон юугээршье дутахагүй. כ Каап

Һургаал 21:30

Эзэнэй һанаагүйдэ мэргэн сэсэн, оюун ухаан, хүнэй түсэб түлэблэл юуншье бэшэ.

Исай 10:4

Алуулхат, үгышье һаа, баряанда абтахат. Энээнэйшье удаа Эзэнэй уур хилэн буурахагүй, хэһээхэ гэжэ гарынь һунгаатай зандаа байха.

Исай 11:14

Хамта тэдэ баруун зүгтэ пилиштүүдэй гүбээнүүдтэ добтолхо, зүүн зүгтэ ажаһуугшадые тонохо. Эдоом болон Моһааб руу гараа һунгаха, Аммооной зон тэдээнэй мэдэлдэ орохо.

Исай 34:10

Энэ үдэршье, һүнишье унтархагүй, утааниинь хэтэ мүнхэдөө дээшээ һуунагтан байха. Энэ орон нютаг үеһөө үедэ эзэгүйрэн, хэншье хэзээдэшье тэрээгүүр ябахагүй.

Исай 34:5

Эзэнэй һэлмэ огторгойдо хэрэг бүтээгээд, мүнөө шүүбэрилхэеэ Эдоом руу буужа байна, хюдаха гэжэ Эзэнэй шиидэһэн арад зон дээрэ буухаяа байна.

Ерэмияа 31:17

Найдалшни – ерээдүй сагта. Үхибүүдшни өөһэдын нютаг руу бусажа ерэхэл. Энэ болбол Би, Эзэн, тунхаглана мүн!

Ерэмияа 49:20

Эдоомой улад зон тушаа Эзэнэй шиидэһэн, Тэмаан хотынхидой урдаһаа зохёоһон Тэрэнэй түсэб шагнагты. Бага балшар үхибүүдшье харюуда татагдаха, хотонуудынь хооһорхо.

Ерэмияа 49:7

Түмэн Сэрэгтэ Эзэн Бурхан Эдоом тушаа иигэжэ айладхана: – Тэмаан соо сэсэн мэргэн зон дайралдахаяа болёо юм гү? Зүблэгшэдынь юу хэхыень заабарилжа шадахаяа болёо гү? Мэргэн ухааниинь доройтоо гү?

Ерэмияа 49:8

Дэдаанай улад зон, һөөргөө эрьежэ гүйлдэгты! Тэрьедэгты, гүн газарнуудаар хорогты! Эсаавай уг удамые үгы хэхэеэ байнаб, юуб гэхэдэ, тэдэниие хэһээхэ сагни ерээ.

Ерэмияа 5:17

Тэдэ ургасыетнай болон хүнэһэ хоолыетнай залгиха, хүбүүд, басагадыетнай алаха, мал адууһыетнай үүсэлхэ, үзэм болон инжирыетнай эдихэ. Танай найдадаг хэрэмүүдыетнай тэдэ дайлан һандаргааха.

Гашуудал 3:37

«Эзэнэй захираашьегүй юумэн боложо магад» гэжэ хэн хэлэхэб?

Эзэкээл 11:10

Орон нютагтатнай болоһон байлдаануудта хосорон һалахат. Тиихэдээ таанад бултадаа Намайе Эзэн гээд мэдэрхэт.

Эзэкээл 25:13

Тиимэһээ улад зонииень, адууһа малыень усадхажа, Эдоомые хэһээхэб. Газар дайдань Тэмаанһаа эхилээд, Дэдаан хүрэтэр ханха зайдан болохо, бүхы зонииень һэлмээр усадхахаб.

Эзэкээл 25:14

Минии арад түмэн Израиль Минии түлөө Эдоомһоо үһөөгөө абаха, уур хилэнгыем Эдоомой зондо мэдэрүүлхэ, иигэжэ тэдэ Минии үһөөгөө абалга ямар гээшэб гэжэ мэдэдэг болохо.

Эзэкээл 26:14

Иигэжэ Би хотые загаһашадай гүльмэеэ хатаадаг халзан хабсагай болгохоб. Хото хэзээдэшье бэшэ һэргээгдэхэгүй. Энэ болбол Би, Эзэн Бурхан, иимэ юумэ үйлэдэхэб гэжэ айладханаб!

Эзэкээл 35:4

Хотонуудыетнай һандаргаахаб, газар дайдатнай хооһорхо, тиихэдэ Намайе Эзэн гээд мэдэхэт.

Эзэкээл 35:9

Газар уһантнай хэтэ мүнхэдөө хооһон байха, хотонуудаартнай хэншье дахин ажаһуухагүй. Эгээл тиихэдэ Намайе Эзэн гэжэ ойлгохот.

Амоос 1:11

Эзэн иигэжэ айладхаа: Эдоомой улад зон гэмээ нэмээһээр. Шиидхэһэнээ Би болюулхагүйб. Һэлмэ гартаа далайнхай, аха дүүгээ намнаһанайнь, түрэл гэжэ хайрлаагүйнь, хододоо уур сухалтай хэрзэгы ааша гаргажа, хилэнсэглэн байһанайнь түлөө

Амоос 3:15

Үбэлэй, зунайшье ордонгуудые сохин һандаахаб, заанай яһаар баригдаһан ордонгуудые, мантан томо ордонгуудые үгы хэхэб! Энэ болбол Би, Эзэн, айладхана мүн!

Амоос 5:11

Үгытэй ядуу зониие татабаряар зобоожо хооһоруулнат, таряаень алба татабари гэжэ абанат. Энээнэй түлөө таанартай юун тохёолдохоб гэбэл: шулуу сабшан гэр барихат, гэбэшье тэндэ ажаһуухагүйт. Уһан үзэмэй сэсэрлиг һуулгахат, харин үзэмэй дараһан архи уухагүйт!

Амоос 6:11

Удахагүй Эзэн ордонгуудта һандарал болохые, гэрнүүдтэ һандархай болохые захирха.

Амоос 6:2

Калнээ ошоод харыта, агууехэ Хамаат руушье ошыт, Пилиштын Гаат руушье ябаарайт, – эдэ хан түрэнүүдһээ таанад хүсэтэй аалта?!

Авдии 1:1

Эзэн Бурханай Эдоом тухай иигэжэ айладхаһые лүндэншэ Авдии үзэгдэл соогоо иигэжэ дуулаһан-хараһан байна: Бидэ Эзэнһээ иимэ мэдээ дуулаабди – үндэһэ яһатадта Эзэн элшэн эльгээнхэй, «Бодогты! Эдоомой урдаһаа байлдаа үүдхэе!», – гэжэ соносхоо.

Авдии 1:10

Ши Яков дүүгээ харшалһанай түлөө муу сууда гарахаш, хэтэ мүнхэдөө хосорхош.

Малаахи 1:3

Харин Эсаавые үзэн ядажа, хадата орон нютагыень хооһон болгооб. Мүнөө тэндэнь губиин сүүбэн шононууд амидардаг.

Матвей 12:30

Минии тала баряагүй хүн Намда эсэргүү гээшэ. Намтай хамта ургаса суглуулаагүй хүн тэрэ ургасые үрижэ һалгаана гээшэ.