Малаахи 1:13 - Библи

¹³ Таанадта энэ шэрээдэ байһан хоол таагүй, «ямар зоболонтой юм бэ» гэжэ хэлээд, зэбүүсэнгүй һэжэглэнэт. Һүүлээрнь үргэл гэжэ хулгайн, дохолон дорой, үбшэн мал асарнат. Тэрэнииетнай Би танай гарһаа абаха болоно гүб?

Малаахи 1:13 Referencias Cruzadas

2 Хаан түрэнүүд 24:24

Харин хаан Арунаада иигэжэ хэлэбэ: – Үгы, би заабол үнэ сэнгээрнь шамһаа худалдажа абахаб. Юуб гэхэдэ, би үныень түлөөгүй зүйлөөр Эзэн Бурхандаа түгэс шатаалта үргэл үргэхэгүйб. Тиигээд Давид гүмнөө болон эбэртэ бодо мал табин шээкэл мүнгөөр худалдан абаба.

Исай 1:12

Намда мүргэхэеэ ерэхэдэтнай, эдэ бүгэдые асарагты гэжэ хэн гуйнаб?! Минии нангин үргөөгэй хашаа дэбисхэр дэбһэжэ ябахыетнай хэн баадхаа юм?!

Исай 57:6

Мэлигэр шулуунуудые тэндэһээ абажа, бурхадта мэтээр тэдээндээ мүргэдэгта. Үзэмэй дараһан архи үргэжэ, талханай үргэл тэдээндэ дурадханат. Энээниие үзэжэ байхадаа Би һанаа амар байха аалби?

Исай 61:8

Эзэн иигэжэ айладхана: «Би зүб шударга ёһо гуримда дуратайб, дарлалта, дээрмэдэлгэ үзэн ядадагби. Хэһэн хэрэгүүдэйнь хэмээр шагнал Өөрын арадта үгэхэб, хэтэ мүнхын хэлсээ тэдээнтэй баталхаб.

Эзэкээл 4:14

Гэбэшье би иигэжэ харюусабаб: – Хайрлыт, Эзэн Бурхан! Би өөрыгөө хэзээдэшье бузарлаагүй бэлэйб. Бага наһанһаа хойшо би үхэһэн малай һэе гү, али арьяатанда барюулһан амитанай хүүр хэзээдэшье эдижэ үзөөгүйлби. Сээртэй ямаршье эдеэ хоол баряагүйлби.

Эзэкээл 44:31

Өөрөө үхэһэн гү, али ан арьяатанда бажуулгаһан шубуу шонхор, амитадые санаартан эдихэ ёһогүй».

Һошээ 13:9

Израиль, ши өөрыгөө һалгаалши даа! Намайе түшэг тулгуубарим гэжэ ойлгоогүйш.

Левит 22:8

Һэе, арьяатанай зобооһон малай мяха эдихэгүй, эдеэ һаа, бузартаха. Би Эзэн гээшэб.

Левит 6:4

Иимэ юумэ хэһэн, гэмтэй болоһон хүн хулгайлһан, буляаһан зүйлөө, хадагалхыень үгтэһэн юумэ бусаагаагүйгөө гү, али хэн нэгэнэй гээһэн юумэ олоһоноо бусааг.

Амоос 8:5

Таанад иигэжэ хэлэнэт: Һарын шэнэ хэзээ үнгэрхэ гээшэб? Хилээмэ худалдаха байгаалди. Амаралтын үдэр хэзээ дууһахаб? Таряа талха худалдаха байгаабди. Хэмжэдэг амһарта бага болгохобди, үнэ сэн дээшэнь бодхоохобди, хэмжүүр шулуу һэлгээд, буруу хэмжэн мэхэлхэбди!

Михей 6:3

Эзэн иигэжэ айладхана: «Арад түмэмни! Би таанарта юу хээбиб, яажа зобоогообиб? Харюуса Намда!

Малаахи 1:10

«Минии үргэлэй шэрээ дээрэ гал носоожо байнхаар хэн нэгэнтнай хаалгаяа хааха байгаа. Би таанадта дураа гутажа байнаб, таанадай гарһаа үргэлытнай абахагүйб» гэжэ Түмэн Сэрэгтэ Эзэн айладажа байна.

Малаахи 2:12

Иимэ үйлэ хэдэг уладые, Эзэндэ үргэл хэдышье хээ һаань, Эзэн Яковай майханһаа зайлуулха.

Малаахи 2:13

Таанар Эзэнэй үргэлэй шэрээ нулимсаар, уйлаан ёологоор бүтээдэг, тиимэһээ Тэрэ саашадаа үргэлыетнай харанашьегүй, танай гарһаа талархалтайгаар абахашьегүй байна.

Матвей 6:16

Масаглахадаа, хоёр нюуртан мэтээр гунигтай шарай харуулхаяа бү оролдогты. Тэдэнэр масаглаһанаа хүн бүхэндэ мэдүүлхын тула уйдхартай барагар шарай үзүүлдэг юм. Тэдэнэр өөһэдынгөө шагнал энэ дээрээл абажа байна гэжэ танда үнэниие хэлэнэб.

Матвей 6:5

Зальбархадаа, ши хоёр нюуртанда адли бү боло. Тэдэнэр улад зондо үзэгдэхэ харагдахын тула мүргэлэй гэртэ бодоод, гудамжын булангуудаар зогсоод зальбаран мүргэхэ дуратай байдаг. Тэдэнэр өөһэдынгөө шагнал энэ дээрээл абажа байна гэжэ танда үнэниие хэлэнэб.

Хуули дабталга 15:21

Малда ямар нэгэн дутагдал – дохолон гү, али һохор, үгышье һаа, үшөө ондоо дутуу дундатай байгаа һаань, тэрэниие Эзэн Бурхандаа бү үргэ.

1 Хаан түрэнүүд 2:29

Теэд Намда үргэхэ үргэлнүүдые, бэлэгүүдые юундэ хүндэлнэгүйбта? Минии арад түмэн Израилиин үргэлнүүдэй хамагай һайгаарнь өөрынгөө хүбүүдые таргалуулан, тэдэ хүбүүдээ Намһаа үлүүгээр юундэ һанажа байнабши?