Лука 9:5 - Библи

⁵ Харин таанадые хүн зоной хүлеэжэ абахагүй байбалнь, хотоһоонь гарахадаа, хүлдэтнай халдаһан тооһо һэжэрэн дурагүйлхэһэнөө мэдүүлээрэйгты, – гээд Иисүүс захиба.

Шэнэ Хэлсээн

⁵ Харин таанадые хүн зоной хүлеэжэ абахагүй байбалнь, хотоһоонь гарахадаа, хүлдэтнай халдаһан тооһо һэжэрэн дурагүйлхэһэнөө мэдүүлээрэйгты», – гээд Иисус захиба.

Лука 9:5 Referencias Cruzadas

Нэхэмьяа 5:13

Би хормойгоо һэжэрэн иигэжэ хэлэбэб: – Хэлэһэн үгэеэ дүүргэдэггүй хүнүүдые Бурхан гэр байраһаань, зөөри баялигуудһаань холодуулаг лэ. Иимэ хүн үгырэн хооһорог! Бүхы суглаан дэмжэбэ: – Болтогой! Удаань Бурхандаа магтаал үргэбэ. Тиигээд булта хэлэһэнээ дүүргээ бэлэй.

Матвей 10:18

Минии түлөө таанарые захирагшадай, мүн хаашуулай урда байлгабал, тэдэндэ, мүн бусад арадуудта Нам тухай хэлэхэт.

Марк 6:11

Хэрбээ ямар нэгэ нютагта таанадые угтажа абаха дурагүй гү, али хэлэһыетнай дуулаха дурагүй байбал, хүлдэтнай халдаһан тооһо һэжэрэн дурагүйлхэһэнөө мэдүүлээд, тэрэ нютагһаа гаража ошогты.

Марк 9:37

– Минии нэрээр иимэ нэгэ үхибүүе тогтоожо абаһан хүн Намайе тогтоожо абаһан болоно. Тиихэдэ Намайе тогтоожо абаһан хүн Намайе иишэ эльгээһэн Бурханиие тогтоожо абана гээшэ.

Лука 10:16

Түлөөлэгшэдни, таанадые шагнажа байһан хүнүүд Намайешье шагнана, таанадые буруушааһан хүнүүд Намайешье буруушаана. Харин Намайе буруушааһан хүнүүд Намайе иишэ эльгээһэн Бурханиие буруушаана, – гэжэ хэлэбэ.

Лука 5:14

– Энээн тухай хэндэшье бү дуулгаарай. Зүгөөр санаартанда ошожо, бэеэ үзүүлээрэй, тиигээд эдэгэһэнээ бултанда гэршэлхын тула ши Моисейн зарлигай ёһоор үргэл хээрэй, – гэжэ Иисүүс хэлэбэ.

Лука 9:4

Шэнэ газар ерээд, ямар айлда буунабта, тэрэ нютагһаа гаража ошотороо тэрэл айлдаа байгты.

Лука 9:48

иигэжэ хэлэбэ: – Минии нэрээр энэ үхибүүе хүлеэжэ абаһан хүн Намайе хүлеэжэ абаһан болоно, Намайе хүлеэжэ абаһан хүн Намайе иишэ эльгээһэн Бурханиие хүлеэжэ абаһан болоно. Юундэб гэхэдэ, таанадай эгээн даруу номгонтнай эгээл агууехэтнай гээшэ.

Хэрэгүүд 13:51

Тиихэдэнь Павел Барнааба хоёр хүлдөө халдаһан тооһо гүбижэ, Икоони руу ошобо.

Хэрэгүүд 18:6

Теэд тэдэ зоной арсалдажа, хэрүүл татахадань, Павел өөрынгөө хубсаһа гүбеэд: – Бурханай абаралгаһаа арсажа байһандаа таанад өөһэдөө зэмэтэйт. Би зэмэгүйб, тиин мүнөө бусад арадуудта ошохомни, – гэжэ хэлэбэ.