Лука 8:41 - Библи

⁴¹ Нэгэ Яһиир гэжэ нэрэтэй мүргэлэй гэрэй дарга Иисүүстэ ерээ һэн. Тэрэ хүн Иисүүсэй хүлдэ унан мүргэжэ: – Манайда морилжо хайрлыт даа, – гэжэ гуйба.

Шэнэ Хэлсээн

⁴¹ Нэгэ Иаир гэжэ нэрэтэй мүргэлэй гэрэй даргань Иисуста ерээ һэн. Тэрэ хүн Иисусай хүлдэ унан мүргэжэ: «Манайда морилжо хайрлыт даа», – гэжэ гуйба.

Лука 8:41 Referencias Cruzadas

Лука 13:14

Тиихэдэнь мүргэлэй гэрэй ахалагша субботодо үбшэнтэниие аргалба гэжэ Иисүүстэ дураа гутан: – Ажал хэхэ зургаан үдэр бии ха юм. Аргалуулхаяа тэрэл үдэрнүүдтэ ерэжэ байгты, субботодо бэшэ, – гэжэ зондо хэлэбэ.

Лука 17:16

Тиигээд Иисүүсэй хүлдэ мүргэн унажа, баяр баясхалан хүргэбэ. Тэрэ самаряан хүн байгаа.

Лука 5:8

Иимэ олзотой болоһон Симон Пётр Иисүүсэй урда үбдэглэн һэхэрэн һүгэдэжэ: – Эзэн аа, намайе орхижо ошогты! Би нүгэлтэй хүнби, – гэжэ хэлэбэ.

Лука 8:42

Юундэ тиигээб гэхэдэ, тэрэнэй арбан хоёртойхон ори ганса басаганиинь ехээр үбшэлөөд, үхэхэ туйлдаа хүрэһэн байгаа. Иисүүсэй тэрэ айлда ошожо ябахада, тойроод хүн зон олошорбо.

Лука 8:49

Иисүүсэй иигэжэ хэлэжэ байхада, мүргэлэй гэрэй даргада нэгэ хүн ерэжэ: – Басаганшни наһа барашабал даа. Багшые үшөө зобоогоод яахабши даа, – гэбэ ха.

Иоанн 11:21

– Эзэн аа! Хэрбээ Танай эндэ байгаа һаа, ахамни наһа барахагүй бэлэй! Теэд Танай гуйһан бүхы юумые Бурхан мүнөөшье Танда үгэхэ гэжэ би мэдэнэб, – гэжэ Иисүүстэ Марфа хэлэбэ.

Хэрэгүүд 13:15

Хуулиин, лүндэншэдэй номһоо хэһэгүүдые уншаһанай хойно мүргэлэй гэрэй ахамадууд: – Аха дүүнэр, хүн зониие урмашуулхаар юумэн танда байгаа һаа, хэлыт даа, – гэжэ айлшадта хандаба.

Хэрэгүүд 18:17

Харин тэдэнь мүргэлэй гэрэй дарга Сосфендэ добтолон орожо, зарга шиидхэдэг газарай урда тээ тэрэниие зада наншаба. Гэбэшье Галлион эдэ бүгэдые ойндоо абаагүй.

Хэрэгүүд 18:8

Криисп гэжэ нэрэтэй мүргэлэй гэрэй дарга бүхы гэр бүлөөрөө Эзэндэ баһа этигээд байгаа. Номнол дуулаһан олон коринфууд этигэжэ, уһаар арюудхуулба.

Хэрэгүүд 9:38

Тэрэ үедэ Пётр элшэн Лиддада ерээд байгаа. Лидда хотын Яафаһоо холо бэшэ хадань һүзэглэгшэд түргэхэн манда хүрэжэ ерыт даа гэһэн гуйлтатайгаар хоёр хүниие Пётрто эльгээбэ.

Гэршэлгэ 5:8

Номые Тэрэнэй абахадань, дүрбэн амитад, хорин дүрбэн ахамадууд Үргэлэй Хурьганай урда һүгэдэн, доро дохибо. Тэдэнэр тус бүридөө нэгэ нэгэ ятагануудые, хүжэ санзай дүүрэтэр хэһэн алтан аягануудые гартаа баряад байгаа. Эдэ бүгэдэнь Бурханай зоной бүтээдэг мүргэл зальбаралынь мүн бэлэй.