Лука 8:13 - Библи

¹³ Шулуутай газарта унаһан үрэһэн гээшэнь – номнол үгэнүүдые шагнаад, тэрэниие ойлгожо баярлабашье, тэрэ үгын сэдьхэлдэнь гүнзэгы үндэһэлөөгүй ушарһаа тиимэ хүнүүд саг зуура һүзэглэбэшье, хатуу бэрхэ сагай ерэхэдэ һүзэглэхэеэ болишодог.

Шэнэ Хэлсээн

¹³ Шулуутай газарта унаһан үрэһэн гээшэнь – номнол үгэнүүдые шагнаад, тэрэниие ойлгожо баярлабашье, тэрэ үгын сэдьхэлдэнь гүнзэгы үндэһэлөөгүй ушарһаа тиимэ хүнүүд саг зуура һүзэглэбэшье, хатуу бэрхэ сагай ерэхэдэ һүзэглэхэеэ болишодог.

Лука 8:13 Referencias Cruzadas

Иоов 19:28

Нүхэдни, таанар намайе буруудхажа, зоболон дээрэм зоболон нэмэхэеэ болигты.

Һургаал 12:12

Хуулигүй хүн хара мэхээр олзо омог хэнэ. Харин үнэн шударга хүнэй үндэһэн үрэ жэмэс ургуулна.

Һургаал 12:3

Хара һанаан хүнэй түшэг тулгуури болоогүй юм. Харин шударга хүнэй үндэһэн хэзээдэ хүдэлдэггүй.

Исай 58:2

Тэдэ үнэн зүбые үйлэдэдэг, Бурханайнгаа хуули мартаагүй үндэһэтэн мэтэ Намда үдэр бүри мүргэдэг. Тэдэ Минии хуули ёһо заабарилхыемни тодон абадаг мэтэ, Намда ехэ дуратайгаар мүргэдэг мэтээр хэлэдэг».

Эзэкээл 33:32

Тэдээндэ ши аятай һайханаар дуу дуулагша гү, али һайнаар хүгжэм гарган наадагша мэтэш. Шамайе шагнабашье, хэлэһыеш тэдэ дүүргэнэгүй.

Һошээ 6:4

Харин Эзэн иигэжэ үгүүлбэ: – Израиль болон Иуда, таанадта Би юу хэхэбиб? Танай үнэн шударга байдал үглөөнэй манан, түргөөр хатадаг шүүдэр мэтэ.

Марк 6:20

Иоаннай эрхим һайн, гэгээн хүн байһыень ойлгоод, Ирод тэрээнһээ айдаг, мүн хамгаалдаг бэлэй. Иоаннай хэлэһэн үгэнүүдэй һанааень зобоодогшье һаань, Ирод тэрэниие шагнаха дуратай байгаа, шагнадагшье һэн.

Лука 8:12

Харгын хажууда унаһан үрэһэн гээшэнь – Бурханай номнол үгэнүүдые шагнагшад мүн, теэд удаань шолмос ерэжэ, ойлгоһон юумыень сэдьхэлһээнь ходолжо абаашана, тиихэдэнь тэдэ хүнүүд этигэхэеэ болижо, абарагдахагүй болоно.

Лука 8:14

Үүргэнэ соо унаһан үрэһэн гээшэнь – номнол үгэнүүдые шагнабашье, урдынхидаал адли хубиингаа хэрэгтэ дашуурһаар, эд зөөриин барлаг болоһоор, бэеэ жаргуулха шуналда абтаһаар ямаршье аша үрэ асарангүй һалагшад тухай хэлэгдэнэ.

Иоанн 15:2

Үзэм жэмэс үгэдэггүй алишье мүшэрыемни Эсэгэмни отолжо хаяад, ехэ ургаса гарахын тула үрэжэл һайтай мүшэрнүүдыемни сэбэрлэн үлээдэг юм.

Иоанн 15:6

Минии досоо оршодоггүй хүн үзэмэй сэсэрлиг сооһоо хаягдажа, хаташаһан мүшэрнүүд шэнги байха. Тиимэ мүшэрнүүд суглуулагдан, гал руу хаягдан, галдагдаха.

Иоанн 5:35

Иоанн болбол ялагар һаруул дэн мэтэ байгаа. Тэрэнэй гэрэл туяагай хажууда таанар ойр зуура баясаха хүсэлэнтэй байгаат.

Коринфынхидтэ 1-дэхи 13:2

Абарал буулгаха абьяастай, бүхы нюусануудтай болон мэдэсэтэй, хада уулануудые һууряарнь һэлгэхэ ехэ һүзэгтэй аад, хайра дурагүй юм һаа, би юуншье бэшэб.

Коринфынхидтэ 1-дэхи 15:2

Тэрэнэй ашаар таанад абарагдаат. Минии номноһон Мэдээсэл хатуугаар баримталжа байһан ушарта таанад абарагдабат, үгы юм һаа, дэмы һүзэглэһэн байгаат.

Галадуудта 3:1

Ай, мунхаг тэнэг галаадууд! Хэн таниие эльбэдэбэ гээшэб? Минии номноходо хэрээһэндэ саазалагдаһан Христоосые таанад нюдөөрөө хаража байһандал байгаа бэшэ һэн гүт?

Галадуудта 3:4

Али таанадтай ушарһан бүхы юумэн дэмы үнгэрөө гү? Дэмы үнгэрөөгүйл байгаа даа!

Эфесэйхиндэ 3:17

Танай һүзэгэй ашаар зүрхэ сэдьхэлдэтнай Христоос һууришаһай, инаг дуран танай үндэһэ, һуури болоһой гэжэ би баһал зальбарнаб.

Колоссынхидтэ 1:23

Тиимэһээ таанад хатуу ба сухаришагүй һүзэглэжэ байха ёһотойт, Һайн Мэдээсэлые шагнажа этигэһэн найдабарияа алдаха ёһогүйт. Ушарынь юуб гэхэдэ, би Павел газар дэлхэй дээрэ бүхы амитадта номногдоһон тэрэ Һайн Мэдээсэлэй зарасань болооб.

Колоссынхидтэ 2:7

Таанадые һургаһан ёһоор Тэрээн соо үндэһэеэ гүнзэгы табигты, Тэрэниие һуури болгон ажамидаралаа зохёогты, бүри ехээр Тэрээндэ һүзэглэжэ байгты. Тиигэхэтэйгээ сасуу Бурханда ходо баяр хүргэжэ байгты.

Фессалоникиинхидтэ 1-дэхи 3:5

Саашадаа тэсэхэ аргагүй байһандаа, һүзэг тухайтнай мэдэжэ ерэхээрнь Тимофейе эльгээгээбди. Шолмос таанадые хорхойтуулаашье һаань, бүхы манай ажал дэмы үнгэрөөгүйл байха гэһэн этигэлтэйбди.

Тимофейдэ 1-дэхи 1:19

тиихэдэ һүзэгөө хадагалжа, һэшхэлтэй байгаарай. Зарим хүнүүд һэшхэлээрээ болонгүй, һүзэгөө алдаа.

Еврейнүүдтэ 10:39

Бидэ татагалзан хосорогшод бэшэбди. Харин һүзэг этигэлтэй зомди, абарагдахабди.

Яковай хандалга 2:26

Тиимэһээл, һүнэһэгүй бэеын амигүй байдагтал тон адляар үйлэ хэрэгээр баталагдаагүй этигэл һүзэг дэмы хооһон байдаг.

Пётрой 2-дохи хандалга 2:20

Манай Эзэн, Абарагша Иисүүс Христоосые мэдээд, энэ дэлхэйн бузарнуудһаа мултаржа шадаһан аад, һүүлдэнь дахин тэдэ хүсэнүүдтэ баригдажа илагдаһан хүнүүд һүүлэй һүүлдэ түрүүшынхиһээ бүри муу нүхэсэлдэ ороно.

Пётрой 2-дохи хандалга 2:22

«Нохой бөөлжэһэндөө бусажа ошодог», «Угаагдаһан гахай һөөргөө шабар шабхайда хүльбэрхэеэ ошодог» гэһэн бодото оньһон үгэнүүд тэдэ хүнүүдэй тушаа хэлэгдэнэ.

Иоаннай 1-дэхи хандалга 2:19

Христоосой дайсад маниие орхёод ябаа һэн, тэдэниие манай хүнүүд байгаа гэхын аргагүй. Хэрбээ манай хүнүүд байгаа һаа, тэдэнэр бидэнтэй суг үлэхэ һэн. Теэд бидэниие орхёод ошоһон ушарынь тодоруулбал, тэдэ манай хүнүүд бэшэ һэн.

Иудын хандалга 1:12

Тэдэ зон бузарта адли. Таанарай аха дүүнэрээрээ хамта хоол барихада, тэдэнэр өөһэд тухайгаал бодон, эшэхэ нюургүйгөөр гүзээгээ дүүргэн, таанадые бузарладаг. Тэдэнэр һалхинда туугдаһан бороогүй үүлэнүүд юм. Тэдэнэр үндэһэтэйгөө абтажа хаягдаһан, голоороо хаташаһан, намартаашье үрэжэлгүй модод юм.