Лука 7:39 - Библи

³⁹ Гэртээ Иисүүсые уриһан фарисей иигэжэ байһыень хараад: – Энэ хүн үнэхөөрөө лүндэншэ байгаа һаа, хүлыень ямар эхэнэрэй хүрэжэ байһые мэдэхэл һэн даа; нүгэлтэй эхэнэр байна гэжэ тухайлхал һэн даа, – гэжэ зосоогоо бодобо.

Шэнэ Хэлсээн

³⁹ Гэртээ Иисусые уриһан фарисей иигэжэ байһыень хараад: «Энэ хүн үнэхөөрөө лүндэншэ байгаа һаа, хүлыень ямар эхэнэрэй хүрэжэ байһые мэдэхэл һэн даа; нүгэлтэй эхэнэр байна гэжэ тухайлхал һэн даа», – гэжэ зосоогоо бодобо.

Лука 7:39 Referencias Cruzadas

4 Хаан түрэнүүд 5:20

Бурханай хүн гэжэ тоологдодог Элишаагай зараса Гэһаази: «Минии эзэн араам Наамаанай асарһан бэлэгые абабагүй. Эзэнтэй хамта тангаригланаб. Би тэрэниие хүсэжэ, юушье һаань, абаха ёһотойб», – гэжэ сэдьхээд,

Һургаал 23:7

Зосоогоо юушье бодоһыень мэдэхэ аргагүй. «Эди, уу» гэжэ хэлээшье һаа, зүрхэ сэдьхэлынь шамһаа холо байдаг.

Исай 65:5

Удаань тэдэ иигэжэ бусадта хэлэнэ: «Зогсогты, маанадта бү дүтэлэгты. Бидэ таанадта орходоо арюун гээшэбди». Би тэдэниие тэсэхэгүй байнаб, уур хилэмни хэзээдэшье унтархагүй түймэр мэтэ.

Матвей 20:16

Тон тиигэжэл адагай һүүлдэ байгшад түрүү зэргэдэ гараха, тиин түрүү зэргэдэ байгшад адагай һүүлшын болохо.

Матвей 21:11

– Энэ Иисүүс алдартай Галилейн Назаредэй лүндэншэн мүн, – гэжэ улад зон харюусажа байгаа.

Марк 7:21

Досоотнай, һанаа зүрхэндэтнай нүгэлтэ хүсэлэнгүүд түрэжэ, таанадые ташаяангы ябадалда хүргэдэг, хулгай хүүлэдэг, алаха хюдаха,

Лука 12:17

«Яаха болоо гээшэбиб, ургасаяа хадагалха газар үгылби», – гэжэ тэрэ досоогоо бодобо.

Лука 15:2

– Иисүүс нүгэлтэнтэй нүхэрлэжэ, тэдэнээр хамта эдеэлжэ байна, – гэжэ фарисейнүүд болон Хуули заадаг багшанар шоо үзэбэд.

Лука 16:3

Тэрэ эрхилэгшэ иигэжэ бодобо: «Яахамни гээшэб? Эзэмни ажалһаамни халаха гэжэ байнал. Хүрзөөр газар малтаха аргамгүй, гуйраншалхам эшхэбтэр.

Лука 18:4

Заргаша туһалха дурагүй байжа, нилээд удаан саг үнгэргэбэ. «Би Бурханһааш айдаггүйб, хүнһөөшье эшэдэг гайхадаггүйб.

Лука 3:8

Таанар буянтай һайн хэрэгүүдые бүтээжэ, Бурханда хандаһанаа харуулагты. Үбгэ эсэгэмнай Абраһаам юм гэжэ өөһэд тухайгаа бү бодогты, юундэб гэхэдэ, Бурхан энэ хэбтэһэн шулуугааршье Абраһаамда үри хүүгэдые бүтээжэ шадаха гэжэ танда хэлэхэ байнаб.

Лука 7:16

Хүн зон бүгэдэ айн һүрдэбэ, Бурханиие алдаршуулан магтаба: – Агууехэ лүндэншэ манай дунда мүндэлбэл, арад зондоо туһалхаяа Бурхан морилжо ерэбэл, – гэлдэбэ.

Лука 7:37

Хотын зоной дунда нүгэлтэй гэжэ суурхаһан нэгэ эхэнэр Иисүүсые фарисейндэ хоол барина гэжэ дуулаад, шабар домбо соо һайхан хангалтай тоһо абажа ерээ.

Лука 7:38

Тиигээд Иисүүсэй ара талада хүлдэнь һуугаад, уйлажа байгаад, нюдэнэйнгөө нулимсаар хүлыень угааба, толгойнгоо үһөөр аршан, таалан, һайхан хангалтай тоһо хүлдэнь түрхибэ.

Лука 7:40

Теэд Иисүүс тэрээндэ: – Симон, би шамда нэгэ юумэ хөөрэһүү, – гэбэ. – Хөөрыт даа, багша, – гэжэ Симон харюусаба.

Иоанн 4:19

Тиихэдэнь эхэнэр: – Эзэмни аа, Танай лүндэншэ байһые би ойлгожо байнаб, – гэжэ Иисүүстэ хэлэбэ. –

Иоанн 7:12

Иисүүс тухай ехэ арсалдаан улад зоной дунда болобо. Зарим нэгэниинь: «Энэ һайн хүн», – гэлдэбэ. Нүгөө зариманиинь: «Үгы, энэ хүн улад зониие мэхэлнэ», – гэжэ буруушааба.

Иоанн 9:24

Тиин һохор түрэһэн хүниие хоёрдохиёо дуудажа асараад: – Үнэн сэхэ руунь хэлэхэб гэжэ ши Бурханда тангаригаа үгэ! Манай мэдэһээр, Тэрэтнай нүгэлтэн, – гэжэ еврейнүүдэй ахамадууд хэлэбэ.