Лука 7:16 - Библи

¹⁶ Хүн зон бүгэдэ айн һүрдэбэ, Бурханиие алдаршуулан магтаба: – Агууехэ лүндэншэ манай дунда мүндэлбэл, арад зондоо туһалхаяа Бурхан морилжо ерэбэл, – гэлдэбэ.

Шэнэ Хэлсээн

¹⁶ Хүн зон бүгэдэ айн һүрдэбэ, Бурханиие алдаршуулан магтаба: «Агууехэ лүндэншэ манай дунда мүндэлбэл, арад зондоо туһалхаяа Бурхан морилжо ерэбэл», – гэлдэбэ.

Лука 7:16 Referencias Cruzadas

Псалманууд 65:9

Маанад дотор Тэрэ амиды гол байлгана, буруу гэшхүүлнэгүй.

Египедһээ гаралга 4:31

Арад зон одоошье үнэншэбэ. Эзэн Израилиингаа хүбүүдые анхаран, ядарал зоболонгымнай хараа гэжэ дуулахадаа, тэдэ һүгэдэн хүндэлжэ, доро дохин байгаа бэлэй.

Ерэмияа 33:9

Иерусалим хадаа баярай, нэрэ хүндын һүлдэ боложо, Би тэрэнээр омогорхон байхаб. Иерусалимай түлөө Минии хэһэн һайн һайхан хэрэгүүд тушаа, энэ хотодо үршөөһэн Минии хэрэгүүд тухай дэлхэйн үндэһэ яһатан бүхэн дуулажа, айха, шэшэрхэ.

Матвей 15:31

Тиин хэлэгүй байһан зоной хэлэхые, бэртэһэн хүнүүдэй эдэгэхые, дохолонуудай ябахые, һохорнуудай хараатай болоһые хараһан зон аргагүй ехээр гайхаа бэлэй. Тиигээд Израилиин Бурханда алдар соло дуудаа һэн.

Матвей 21:11

– Энэ Иисүүс алдартай Галилейн Назаредэй лүндэншэн мүн, – гэжэ улад зон харюусажа байгаа.

Матвей 28:8

Тиимэһээ эхэнэрнүүд айһаншье, нүгөө талаһаа баярлаһаншье юумэд яаралтайгаар агы нүхэнһөө гаража, Тэрэнэй шабинартань энэ мэдээсэл дуулгахаяа гүйлдэбэ.

Матвей 9:8

Улад зон энээниие хараад айн һүрдэбэ, хүн түрэлхитэндэ иимэ ехэ эрхэ засаг хайрлаһанайнь түлөө Бурханиие магтан алдаршуулба.

Лука 1:65

Энэ ушарһан гайхамшагта үйлэ хэрэг тухай һураг бүхы Иудейн хадалиг улас соогуур таража, хажуугаарнь ажаһуудаг хүршэ зон булта айн һүрдэбэ.

Лука 1:68

– Израилиин Бурхан болохо Эзэндэ алдар соло дуудаял! Аюул тодхорһоо абархаяа Тэрэ арадтаа ерээ.

Лука 19:44

тиигээд өөһэдыетнай, үри хүүгэдыетнай хюдажа, хотыетнай һандаргажа, үнэһэн тоборог болгохо. Юундэб гэхэдэ, Бурханай шамайе абарха гэжэ ерэһэн саг мэдэнгүй бшууш, – гэжэ хэлэбэ.

Лука 2:20

Малшад Эльгээмэлэй дуулгаһые нюдөөрөө хараһанайнгаа, шэхээрээ дуулаһанайнгаа түлөө Бурханда алдар соло дуулан, магтан гэртээ харибад.

Лука 24:19

– Ямар ушарнууд юм? – гэжэ харгынь хани урдаһаань асууба. Тиихэдэнь тэдэнэр иигэжэ хөөрэбэ: – Эдэ бүхы ушарнууд Назаредэй Иисүүстэй тохёолдоо. Бүтээһэн үйлэ хэрэгүүдээрээ, айладхаһан юумэнүүдээрээ Тэрэ Бурханда болон зондо таатай, һүр хүсэтэй лүндэншэ байһанаа харуулаа.

Лука 5:26

Хүн зон булта гайхан сошожо, Бурханаа алдаршуулан: – Гайхалтай юумэ энэ үдэр үзэбэбди даа! – гэжэ айн һүрдэн үгэлбэд.

Лука 5:8

Иимэ олзотой болоһон Симон Пётр Иисүүсэй урда үбдэглэн һэхэрэн һүгэдэжэ: – Эзэн аа, намайе орхижо ошогты! Би нүгэлтэй хүнби, – гэжэ хэлэбэ.

Лука 7:15

Наһа барагшань тэлүүр дээрээ һуугаад, юумэ хэлэжэ эхилээ һэн. Иисүүс тэрэ хүбүүе эхэдэнь абаашажа үгэбэ.

Лука 7:39

Гэртээ Иисүүсые уриһан фарисей иигэжэ байһыень хараад: – Энэ хүн үнэхөөрөө лүндэншэ байгаа һаа, хүлыень ямар эхэнэрэй хүрэжэ байһые мэдэхэл һэн даа; нүгэлтэй эхэнэр байна гэжэ тухайлхал һэн даа, – гэжэ зосоогоо бодобо.

Лука 8:37

Тэнсэлгүйгөөр айн һүрдэһэн Гэрасаагай бүхы зон Иисүүсые нютагһаань гаража ябахые гуйба. Иисүүс онгосодоо һуужа, Галилейдээ бусаба.

Лука 9:19

– Зариман Таниие Уһаар Арюудхагша Иоанн гэлсэнэ, нүгөө зариман Элияа гэлсэнэ, харин бусадынь эртэ урдын лүндэншэдэй нэгэниинь амидыраа гэжэ һанана, – гээд шабинарынь харюусаба.

Иоанн 1:21

– Тиихэдээ ши хэн гээшэбши? Элияа гүш? – гэжэ тэдэнь һураба. – Бэшэб. – Ерэхэ ёһотой тэрэ лүндэншэ гүш? – Бэшэб.

Иоанн 1:25

– Ши Бурханай табисуурта бэшэ, Элияа бэшэ, тэрэ лүндэншэ бэшэ аад, юундэ хүнүүдые уһаар арюудханабши? – гэжэ тэдэ һурана.

Иоанн 4:19

Тиихэдэнь эхэнэр: – Эзэмни аа, Танай лүндэншэ байһые би ойлгожо байнаб, – гэжэ Иисүүстэ хэлэбэ. –

Иоанн 6:14

Иисүүсэй хэһэн иимэ гайхамшаг хэрэгүүдые хараад: – Энэмнай дэлхэйн зондо ерэхэ ушартай байһан ёһоороол тэрэ Лүндэншэ байна! – гэжэ хүнүүд хэлсэбэ.

Иоанн 9:17

Аргалуулһан хүнһөө тэдэ дахин һураба: – Тэрэ шамайе харадаг болгоо. Юун гэжэ Тэрээн тухай һананабши? – Лүндэншэ гэжэ һананаб, – гэжэ нүгөөдынь харюусаба.

Хэрэгүүд 5:5

Эдэ үгэнүүдые дуулахадаа Анания амяа табин унаба. Болоһон ушар тухай дуулаһан хүнүүд бултадаа аргагүй ехээр айн һүрдэбэ.

Хэрэгүүд 7:37

Моисей израильшуудта: «Таанадай дундаһаа намдал адли лүндэншые Эзэн Бурхантнай элирүүлэн гаргаха», – гэжэ хэлээ бэлэй.

Галадуудта 1:24

Намтай ушарһан ябадалда баярлан, тэдэ һүзэглэгшэд Бурханиие алдаршуулаа.

Хуули дабталга 18:15

Таанадай дундаһаа намдал адли лүндэншые Эзэн Бурхантнай элирүүлэн гаргаха. Тэрэнэй үгэ дуулаха ёһотойт.