Лука 5:22 - Библи

²² Иисүүс тэдэнэй юун тухай бодожо байхые мэдээд: – Юундэ тиигэжэ сэдьхэлдээ бодобот?

Шэнэ Хэлсээн

²² Иисус тэдэнэй юун тухай бодожо байхые мэдээд: «Юундэ тиигэжэ сэдьхэлдээ бодобот?

Лука 5:22 Referencias Cruzadas

1 Угай бэшэг 28:9

Ши, минии хүбүүн, Соломоон, өөрынгөө эсэгын Бурханиие мэдэрэ, үнэн зүрхэнһөө, хамаг сэдьхэлһээ Тэрээндээ алба хэжэ яба, Эзэн сэдьхэлыш, һанаан бодолыень мэдэжэ байха. Хэрбэеэ Тэрэниие бэдэрээ һааш, Тэрэниие олохош; харин Тэрэнээ мартабалшни, Тэрэ шамайе хэтын хэтэдэ орхихо.

Псалманууд 139:2

Эзэн, намайе муу зонһоо абарыт, хүсэрхэгшэдһээ аршалыт.

Һургаал 15:26

Хорото үүсхэл Эзэн үзэн ядадаг, зүб үгэ Тэрээндэ таатай.

Исай 66:18

Би тэдэнэй һанаа бодол, хэрэгүүдынь мэдэхэб. Бүхы үндэһэ яһатадые суглуулха гэжэ ерэжэ байнаб. Тэдэ ерэжэ, Минии солые харахал.

Эзэкээл 38:10

Тэрэ үдэрэй ерэхэдэ, муу муухай түсэб зохёожо эхилхэш.

Матвей 12:15

Зүгөөр Иисүүс тэдэнэй хэлсээн тухай мэдээд, тэндэһээ гаража ошобо. Хойноһоонь олон зон дахажа ябаба. Иисүүс үбшэн хабшантай байһан зониие бултыень эмшэлэн эдэгээгээд,

Матвей 12:25

Тэдэ фарисейнүүдэй һанал бодол мэдэжэ байһан Иисүүс тэдээндэ иигэжэ хэлэбэ: – Хэдэн бүлэг боложо хубааралдаад, хоорондоо хёморолдоһон алишье хаан орон хооһорон, бутаран һалаха. Баһа хоорондоо хубааралдажа хёморолдоһон алишье хото, үгы һаа гэр бүлэ мүн лэ бутаран һалаха.

Матвей 9:4

Тэдэнэй һанал бодол мэдэжэ байһан Иисүүс хэлэбэ: – Таанар юундэ иимэ харата һанал сэдьхэлдээ түрүүлбэт?

Марк 8:17

Юун тухай хэлсэжэ байһыень мэдээд, Иисүүс тэдэндээ хэлэбэ: – Таанар хилээмэ абаагүйбди гэжэ юундэ хоорондоо хэлсээбта? Мүнөө болотор мэдэбэ, ойлгобогүй гээшэ гүт? Ухаан бодолтнай тиимэ мунхаг байна гээшэ гү?

Лука 24:38

– Юундэ маргаба сошобот? Сэдьхэл зүрхэндэтнай юундэ һэжэг уурхайлбаб?

Лука 5:21

Хуули заадаг багшанар болон фарисейнүүд хоорондоо зүбшэжэ: – Энэмнай хэн гээшэб? Бурханиие доромжолжо байнал. Ганса Бурханһаа ондоо хэн хүнэй нүгэл хүлисэдэг юм? – гэлдэбэ.

Лука 5:23

«Нүгэлнүүдшни хүлисэгдэбэ» гэхэдэ бэлэн гү, али «Бодоод яба!» гэхэдэ гү?

Хэрэгүүд 5:3

Пётр: – Анания, таряалан газараа худалдаад, олоһон олзынгоо хубиие юундэ нюужа, Арюун Һүлдэдэ худалаар хэлээбши? Иихэдээ яатараа сатана шинии зүрхые эзэлээ юм?

Еврейнүүдтэ 4:12

Бурханай үгэ амиды ба хүсэтэй юм, хоёр талаһаан хурсалуулагдаһан ямаршье эриһээ хурса. Тэрэнь һүнэһэ һүлдэ хоёрой уулзалта, бүридэл болон уураг тархи, алишье юумэн хүрэтэр хүрэдэг. Тэрэ зүрхэнэй хүсэлэн ба бодолнуудые шиидхэжэ байдаг.

Гэршэлгэ 2:23

Тэрэ гэргэнэй үхибүүдые үхүүлхэб. Тиихэдэмни хүнэй зүрхэ сэдьхэлые, һанал бодолые сүм мэдэдэг байна, тиин хүн бүхэндэ хэһэн үйлэ хэрэгэйнь зэргээр хүртөөхэ байна гэжэ Намайе һүзэглэгшэдэй бүхы бүлгэмүүд ойлгохо.