Лука 4:41 - Библи

⁴¹ Олон хүнүүдэй досооһоо ада шүдхэрнүүд гарахадаа, хашха хуугай табилдан: – Та Бурханай хүбүүнта, – гэлдэбэ. Ада шүдхэрнүүд Тэрэнэй Бурханай табисуурта байһые мэдээ бшуу. Харин Иисүүс энээн тухай хэлэхыень тэдэниие хорижо байгаа.

Шэнэ Хэлсээн

⁴¹ Олон хүнүүдэй досооһоо ада шүдхэрнүүд гарахадаа, хашха хуугай табилдан: «Ши Бурханай хүбүүнши», – гэлдэбэ. Ада шүдхэрнүүд тэрэнэй Бурханай табисуурта байһые мэдээ бшуу. Харин Иисус энээн тухай хэлэхыень тэдэниие хорижо байгаа.

Лука 4:41 Referencias Cruzadas

Матвей 26:63

Теэд Иисүүс юумэ дуугарбагүй. Тиихэдэнь ахамад санаарта Тэрээндэ: – Амиды Бурханай урда тангариглан ши манда хэлэжэ үгэ, ши Бурханай табисуурта, Бурханай Хүбүүниинь гүш? – гэжэ хэлэбэ.

Матвей 4:3

Тиихэдэнь һоригшо шолмос тэрээндэ ерээд: – Хэрбээ Та Бурханай Хүбүүн юм һаа, эдэ шулуунуудта хилээмэн болохыень захирагты, – гэбэ.

Матвей 8:16

Үдэшэ болоходо, ада шүдхэртэ барюулһан олон хүнүүдые Тэрээндэ асарба. Иисүүс гансал үгын хүсөөр ада шүдхэрнүүдые намнажа гаргаба, хамаг үбшэн зониие эдэгээбэ.

Матвей 8:29

Тиигээд тэдэ галзуу амитад: – Ай, Бурханай Хүбүүн, Та маанадтай юу хэхэ һанаатайбта? Та маниие сагһаа урид хэһээхэеэ иишэ ерэбэ гүт? – гэжэ хашхаралдаба.

Матвей 8:4

Иисүүс тэрэ хүндэ: – Энээн тухай ши хэндэшье бү хэлэ. Зүгөөр санаартада ошожо, бэеэ үзүүлэ. Тиигээд эдэгэһэнээ бултанда гэршэлхын тула ши Моисейн зарлигай ёһоор үргэл хээрэй, – гэбэ.

Марк 1:25

– Абяа аниргүй болоод, энэ хүнһөө гара! – гэжэ Иисүүс шангаар ада шүдхэртэ захирба.

Марк 1:32

Үдэшэлэн, наранай ороходошье, Иисүүстэ үбшэн зониие, ада шүдхэрнүүдтэ барюулһан хүнүүдые асаржал байгаа.

Марк 1:34

Иисүүс элдэб үбшэнтэй олон зониие эдэгээбэ, олон ада шүдхэрнүүдые намнажа гаргаба. Тэрэнэй Бурханай табисуурта байһыень ада шүдхэрнүүдэй мэдэжэ байһан хадань, юумэ хэлэхыень тэдээндэ Тэрэ хорибо.

Марк 3:11

Досоогоо ада шүдхэртэй хүнүүд Иисүүсые харахадаа, урдань һүгэдэн унаад: – Та Бурханай Хүбүүн мүн, – гэжэ хашхаралдадаг байгаа.

Лука 4:39

Иисүүс тэрэ үбшэн эхэнэртэ дүтэлжэ, халуунда бэеһээнь гара гэжэ захирба. Халууниинь бууража, эхэнэр дары бодоод, айлшадаа хүндэлжэ ороо һэн.

Иоанн 20:31

Теэд Иисүүс болбол Бурханай табисуурта, Бурханай Хүбүүн гэжэ таанарай этигэхын түлөө, Иисүүстэ этигэдэгэйнгээ ашаар амиды ябахынтнай түлөө энэ бүхы юумэн бэшэгдэбэ гээшэ.

Яковай хандалга 2:19

Бурхан ори ганса юм гэжэ ши этигэнэш. Тэрэшни һайн. Ада шүдхэрнүүдшье баһа тиимэ этигэлтэй байһан дээрэһээ айн һүрдэн һалаганадаг.