Лука 4:18 - Библи

¹⁸ «Эзэнэй Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхыемни, Хаалтада, баряанда байгшадта эрхэ сүлөө айладхахыемни, һохор зониие хараатай болгохыемни, хашуулан дарлуулһан зониие сүлөөдэ табихыемни Эзэн эльгээгээ юм.

Шэнэ Хэлсээн

¹⁸ «Дээдын Эзэнэй Нангин Һүлдэ зосоомни оршобо, үгытэй ядуушуулда һайн мэдээсэл номнохыемни Дээдын Эзэн намайе шэлэжэ абаба. Хаалтада байһан, олзологдоһон хүнүүдтэ эрхэ сүлөө айладхахыемни, һохор зониие хараатай болгохыемни, хашуулан дарлуулһан зониие сүлөөдэ табихыемни Дээдын Эзэн эльгээгээ юм.

Лука 4:18 Referencias Cruzadas

Эхин 3:15

Би эхэнэр та хоёрые эбсэшэгүй дайсад болгохоб. Таанадай үри һадаһад хоорондоо дайсад болохо, тэрэнэй хүбүүд толгойеш бизалха, харин ши тэдэнэй хүлэй улые хадхадаг, хазадаг болохош.

2 Угай бэшэг 34:27

Гэмээ мэдэрһэнэйш түлөө, энэ газар болон ажаһуугшад тушаань Бурханай үгэнүүдые дуулахадаа, даруу номгон болоһонойш түлөө, гашуудан, хубсаһа хунараа удара татаһанайш, Минии урда бархирһанайш түлөө Би шамайе анхарааб гэжэ Эзэн айладхана.

Псалманууд 102:20

Тэрэнэй үгэ дууладаг, айладалынь дүүргэдэг, хүсэ шадалтай Эльгээмэлнүүдынь, Эзэндэ магтаал үргэгты!

Псалманууд 147:3

Тэрэ танай газар дайдада энхэ тайбаниие тогтооно, эгээл һайн шэниисээр таанарые хангана.

Псалманууд 2:2

Газарай хаашуул, засаглагшад хоорондоо үгэсэлдэн хэлсэжэ, Эзэнэй болон Бурханай табисууртын урдаһаа эсэргүүсэн бодобо.

Псалманууд 2:6

«Өөрын нангин хада Сион дээр Өөрын хааниие табяаб», – гэхэ.

Псалманууд 34:18

Би үргэн олон зоной дунда Танда талархал үргэхэб, үй түмэн арад зоной дунда Танда магтаал дуулахаб.

Псалманууд 45:7

Үндэһэтэнүүд шууялдажа, хан түрэнүүд һалганан байна. Бурханай дуугархада, газар хайлана.

Исай 32:3

Зоной хэрэгүүдтэ тэдэ нюдэ балай, шэхэ дүлии мэтээр хандахагүй.

Исай 35:5

Залархадань, һохор хүнэй нюдэн нээгдэхэ, дүлии хүн дуулажа эхилхэ.

Исай 42:7

Тиихэдэм, һохор зоной нюдэн нээгдэхэ, түрмэдэ һуугшад сүлөөдэ гараха, харанхыда һуугшад түрмэһөө гараха.

Исай 45:13

Киирые үнэн зүб үйлэ хэрэг ябуулхын тула Би тодоруулааб. Тэрэнэй ябадаг бүхы харгы зам жэгдэлхэб. Тэрэ Минии Иерусалим хото һэргээн бодхохо, баряанда байгааша Минии арад зониие сүлөөлхэ. Иимэ юумэ хэхэдэнь хэншье тэрээндэ шагнал үгэхэб гэжэ найдуулаа бэшэ. Иигэжэ Би, Түмэн Сэрэгтэ Эзэн, айладхана мүн!»

Исай 49:9

Хаагдаатай байһан зондо «гарагты» гэжэ хэлэхэб, харанхы соо оршогшо хүнүүдтэ «наашаа үзэгдэгты» гэхэб. Харгын хажуугаар тэдэ бэлшээри олохо, гүбээнүүд бэлшэхэ газарынь болохо.

Исай 50:4

Һүр һүлдэгүй болоһон зониие дүнгэжэ, үгөөрөө туһалхыем Эзэн Бурхан намда юун гээд хэлэхыем заажа үгөө. Үглөө бүри Тэрэ намайе һэреэн, шэхыем һэргээн, юу айладхахаа байһыень шагнаха гэжэ тэсэн ядан хүлеэдэг намайе болгоно.

Исай 57:15

Би болбол хэтэ мүнхэдөө оршогшо үндэр болон арюун Бурхан гээшэб. Үндэр, нангин газарта оршодогшье һаа, Би даруу зантай, гэм зэмээ мэдэрдэг зонтой хамта байнаб. Иигэжэ Би тэдэнэй зориг, этигэл һэргээнэб.

Исай 59:21

Би тэдэнтэй энэ хэлсээ баталхаб. Шам дээрэ оршогшо Минии Һүлдэ, амандашни Минии хэгшэ үгэмни хододоо шинии, үри һадаһадайш, тэдэнэйшье уг удамай аманда мүнөөнһөө эхилэн хэтэ мүнхэдөө оршог!»

Исай 61:1

Эзэн Бурханай Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхын, зүрхэнэй шархатай зониие эдэгээхын, баряанда байгшадта эрхэ сүлөө, түрмэдэ хаагдаатай зондо түрмын үүдэнэй нээгдэхэ тушаа соносхохыемни томилһон юм.

Исай 66:2

Эдэ бүгэдые Би Өөрөө бүтээгээ һэм. Даруу зантай, Намһаа айдаг, үгыем дууладаг зоной талые харахаб.

Эзэкээл 9:4

Тэрээндэ Эзэн иигэжэ айладхаба: – Иерусалим хотые бүхыдэнь ябажа, хото соо боложо байгааша жэгшүүритэй муухай хэрэгүүдые буруушаан, һанаагаа зобожо байгааша зониие шэлэн, магнай дээрэнь тэмдэг таби.

Даниил 9:24

Эсэргүүсэһэн ябадал мартагдахын, нүгэл арюудхагдахын, гэм зэм амасагдахын тула, үнэн зүб ябадалай хэтэ мүнхэдөө мандахын, үзэгдэл болон лүндэн дээрэ тамга табигдахын тула, Нангинай нангин газарай арюудхагдан тоһологдохын тула дала дахин долоон хоног үнгэрхэ ёһотой. Иимэ сагай хугасаа соо арад зонтнай, нангин хототнай нүгэлөө амасаха гээд Бурхан тодорхойлоо.

Цэпаанияа 3:12

Харин юрын, даруу зантай зониие үлөөхэб, тиихэдэм тэдэ Намда зальбаран байха.

Захарияа 11:11

Иигэжэ Эзэнэй арадуудтай баталһан Хэрээ хүсөө алдаба. Намайе хаража байһан хонин һүрэг энэ хадаа Эзэнһээ бууһан үйлэ гэжэ ойлгоо.

Малаахи 4:2

«Гэбэшье Минии нэрын урда һүгэдэдэг хүнүүдэй түлөө үнэн шударгын наран мандажа, эдэгээгшэ туяа гийгүүлхэл. Таанад хашаанһаа гүйжэ гараһан тугал шэнги сүлөөтэй хүхюу харайлдахат.

Матвей 12:18

«Энэ болбол Минии шэлэжэ абаһан зараса, сэдьхэлдэмни таарама инаг хайрата Хүбүүмни гээшэ. Арюун Һүлдэеэ тэрээндэ хайрлахаб, Тэрэ бүхы арадуудта Зарга шүүбэри тухаймни айладхаха.

Матвей 12:20

хухарһан хулһые таһа татахагүй, залиржа байһан дэн унтараахагүй. Үнэн зүб зарга шүүбэри илалтада хүргэхэ,

Матвей 4:16

харанхы мунхагта һуугаашад тон ехэ гэрэл туяа үзэбэ! Үхэлэй ороной һүүдэртэ һуугаашадта гэрэл туяа сасарба!»

Матвей 5:3

Бурханай Һүлдөөр дуталдагшад, жаргалтайл, Огторгойн хаан түрэ тэдэнэй ха юм.

Лука 4:17

Тэрээндэ Исай лүндэншын ном үгтэбэ. Иисүүс тэрэ ном нээжэ уншаба:

Лука 6:20

Иисүүс шабинар тээшээ хараад, иигэжэ хэлэбэ: – Бурханай Һүлдые угаа хүсэгшэд, жаргалтайт, Бурханай хаан түрэ танай ха юм.

Лука 7:22

Иисүүс Иоаннай шабинарта хандажа: – Һохор хүнүүдэй дахин харадаг болоһые, дохолон хүнүүдэй ябадаг болоһые, арһанай халдабарита үбшэнтэй хүнүүдэй арюудхагдаһые, дүлии хүнүүдэй һонор болоһые, үхэһэн хүнүүдэй үндын бодоһые, үгытэй хүнүүдэй Бурханай хаан түрэ тухай номнол дуулаһые, хараһанаа, мүн дуулаһанаа Иоаннда ошожо хэлэгты.

Иоанн 1:41

Андрей өөрынгөө аха Симониие бэдэржэ олоод: – Бидэ Бурханай табисууртые олообди, – гэбэ («Бурханай табисуурта» – грек хэлэн дээрэ «Христоос»).

Иоанн 12:46

Би Гэрэл туяа гээшэб, тиин Намда этигэдэг хүн бүхэнэй шэг харанхы соо үлэшэхэгүйн тула Би энэ дэлхэйнхидтэ ерээб.

Иоанн 3:34

Бурханай эльгээгшэ Бурханай үгэ номноно, юундэб гэбэл, Бурхан Тэрээндэ Арюун Һүлдэ хизааргүй ехээр үршөөнэ.

Хэрэгүүд 10:38

Назаредэй Иисүүсые Арюун Һүлдөөр болон хүсэ шадалаар Бурханай дүүргэхэдэнь, Тэрэ хаа хаанагүй ябажа, буянтай хэрэгүүдые үйлэдэжэ, шолмосто баригдаһан хүн бүхэниие эдэгээжэ байһыень таанад баһа мэдэнэт. Бурхан Тэрээнтэй хамта байгаа бшуу.

Хэрэгүүд 4:26

Газарай хаашуул, засаглагшад хоорондоо үгэсэлдэн хэлсэжэ, Эзэнэй болон Бурханай табисууртын урдаһаа эсэргүүсэн бодобо.

Хэрэгүүд 4:27

Нээрээшье Ирод ба Понтий Пилат хоёр Израилиин арад зонтой болон бусад арадуудтай энэ хотодо үгэсэлдэн, Танай табисуурта, нангин Зараса Иисүүсэй урдаһаа эбээ нэгэдхэбэ.

Колоссынхидтэ 1:13

Бурхан бидэниие харанхы мунхагай хүсэнһөө аршалжа, инаг хайрата Хүбүүнэйнгээ эрхэ засагта оруулаа.

Яковай хандалга 2:5

Хайрата аха дүүнэрни, шагнагты даа: Бурхан үгытэйшүүлые һүзэгөөрөө баян бардам байхыень, Өөртэнь дуратай хүнүүдтэ үгэхэб гэжэ найдуулһан хаан оронойнгоо залгамжалагшад болохыень шэлэжэ абаа бэшэ һэн гү?

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.