Лука 4:15 - Библи

¹⁵ Иисүүс мүргэлэй гэртэ хүн зондо һургаалаа номножо, бүгэдэ зоной магтаалда хүртэжэ байгаа.

Шэнэ Хэлсээн

¹⁵ Иисус мүргэлэй гэртэ хүн зондо һургаалаа номножо, бүгэдэ зоной магтаалда хүртэжэ байгаа.

Лука 4:15 Referencias Cruzadas

Исай 55:5

Хариин зониие, хэзээдэшье мэдээ-таняагүй арадуудые таанадай дуудахада, тэдэ тан руу шамдан ерэхэ. Минии, таанадай Эзэн Бурханай, таанадые алдаршуулһан Израилиин арюун Бурханай түлөө эдэ бүгэдэ хэгдэхэ».

Матвей 13:54

Өөрынгөө түрэл хото ерэбэ. Тиигээд мүргэлэй гэр соо зониие һургаба. – Иимэ сэсэн ухаан, гайхамшагта хэрэгүүдые бүтээхэ хүсэ Тэрэ хаанаһаа абанаб? – гэжэ Тэрэниие шагнаһан зон гайхалсаба.

Матвей 4:23

Иисүүс бүхы Галилей можоор ябажа, мүргэлэй гэрнүүд соо арад зониие һургаба, Бурханай хаан түрэ тухай Һайн мэдээсэл номнобо, элдэб янзын үбшэ хабшатай хүнүүдые эмнэн эдэгээбэ.

Матвей 9:35

Иисүүс бүхы хото турануудаар, хүдөө нютагуудаар ябажа, мүргэлэй гэрнүүдтэ хүнүүдые һургаба, Бурханай хаан түрэ тухай Һайн мэдээсэл номнобо, ямаршье үбшэ хабшатай, гай ядаралтай зониие аргалан эдэгээбэ.

Матвей 9:8

Улад зон энээниие хараад айн һүрдэбэ, хүн түрэлхитэндэ иимэ ехэ эрхэ засаг хайрлаһанайнь түлөө Бурханиие магтан алдаршуулба.

Марк 1:27

Хүн зон булта аргагүй ехээр гайхажа, бэе бэедээ: – Энэ юун бэ? Һүр хүсэтэй шэнэ һургаал байнал! Яаһан ехэ эрхэ засагтайб? Ада шүдхэрнүүдшье Тэрэнэй үгэ дууланал, – гэлдэбэ.

Марк 1:39

Тиигэжэ Тэрэ бүхы Галилей можын мүргэлэй гэрнүүд соо һургаалаа номножо, ада шүдхэрнүүдые даража байгаа.

Марк 1:45

Зүгөөр үнөөхи хүниинь гараад, эмнүүлһэн тухайгаа хүн бүхэндэ хөөрэбэ. Тиимэһээ Иисүүсэй энэ хотодо үзэгдэхэ байхын аргагүй болоходо, Тэрэ хотоһоо гаража эзэгүй газарта ошоо һэн. Тиигэбэшье хүн зон Тэрээндэ газар бүхэнһөө ерэжэ байгаа.

Лука 13:10

Иисүүс субботодо мүргэлэй гэр соо арад зониие һургажа байба.

Лука 4:16

Иисүүс үдэжэ хүмүүжэһэн Назарет хотоёо бусажа, заншалта ёһоороо субботодо мүргэлэй гэртэ орожо, Нангин Бэшэг сооһоо хэһэг уншахаяа зоной урда зогсобо.