Лука 24:47 - Библи

⁴⁷ Тиигээд нүгэлөө хүлисүүлхынь тула бүхы арадуудта Бурханда хандагты гэһэн мэдээсэл Тэрэнэй нэрээр номногдохо ёһотой. Таанад Иерусалимһаа эхилээд,

Шэнэ Хэлсээн

⁴⁷ Тиигээд нүгэлөө хүлисүүлхынь тула бүхы арадуудта Бурханда хандагты гэһэн мэдээсэл тэрэнэй нэрээр номногдохо ёһотой. Таанад Иерусалимһаа эхилээд,

Лука 24:47 Referencias Cruzadas

Эхин 12:3

Хэн шамайе үреэнэб – тэрэниие Би үреэхэб! Хэн шамайе хараанаб – тэрээндэ хараал хүртөөхэб! Шамаар дамжуулан Би орон дэлхэйн бүхы арад зониие буян хэшэгтээ хүртөөхэб!

Псалманууд 67:7

Гансаардаһан зондо Бурхан гэр байра болон гэр бүлэ үршөөдэг, баряанда байгшадые гэнжэһээнь сүлөөлдэг. Харин буһалгаата зон сүл губида үлэг лэ!

Исай 11:10

Тэрэ үдэр Ишайн үри һадаһан арадуудта туг болохо, тэдэ арадууд тэрээн руу эрьехэ, оршодог газарынь алдар суутай болохо.

Исай 49:22

Эзэн Бурхан Өөрын арад зондо иигэжэ айладхана: «Үндэһэ яһатанда Би дохёо тэмдэг үгэхэб, обогуудта гэжэ тугаа үргэхэб. Тиихэдэм тэдэ гэр руунь үхи хүүгэдыешни асарха.

Исай 49:6

Эзэн намда иигэжэ айладхаа: «Минии зараса байха гээшэ багашаг үүргэ шамда. Тиимэһээ ши үшөө Яковай угсаатаниие һэргээн бодхоохош, Израилиин амиды мэндэ үлэһэн арад зониие һөөргэнь бусаахаш. Газар түбиин заха хизаар хүрэтэр абаралгыемни дэлгэрүүлхыншни тула Би шамайе бусад арадуудай гэрэл туяа болгохоб!»

Исай 5:4

Үшөө юу тэрээндэ хэхэ ёһотой байгаа гээшэбиб? Бүхы юумэ хээлби. Теэд юундэ Минии һайн үзэмэй жэмэс гараха гэжэ хүлеэжэ байхада, гашуун, муу үзэмэй жэмэс гарааб?

Исай 52:10

Бүхы үндэһэ яһатанай хараһаар байтар Эзэн нангин хүсэ шадалаа үзүүлээ: Өөрынгөө арад түмэндэ абарал буулгахыень үлгэн дэлхэйн бүхы булангай зон хараа.

Исай 52:15

Харин мүнөө олон үндэһэ яһатад Тэрэниие харахадаа гайхаха, хаашуул абяа шэмээгүй гэлын-гайхан байха. Тэдэ хараагүй юумэеэ мүнөө хараха, мэдээгүй юумэеэ мэдэжэ абаха».

Ерэмияа 31:34

Тэдэнэй хэнииньшье Эзэниие мэдэ гэжэ нүхэдөө гү, али аха дүүнэрээ һургахагүй, юундэб гэхэдэ, тэдэ багаһаа томо хүрэтэрөө бултадаа Намайе мэдэжэ байха. Би тэдэнэй гэм зэмые хүлисэжэ, нүгэл тухайнь дахин дурдахагүйб. Энэ хадаа Би, Эзэн, айладхана мүн!

Даниил 9:24

Эсэргүүсэһэн ябадал мартагдахын, нүгэл арюудхагдахын, гэм зэм амасагдахын тула, үнэн зүб ябадалай хэтэ мүнхэдөө мандахын, үзэгдэл болон лүндэн дээрэ тамга табигдахын тула, Нангинай нангин газарай арюудхагдан тоһологдохын тула дала дахин долоон хоног үнгэрхэ ёһотой. Иимэ сагай хугасаа соо арад зонтнай, нангин хототнай нүгэлөө амасаха гээд Бурхан тодорхойлоо.

Һошээ 11:8

Израиль, Би шамтай юу хэхэбиб, яагаад шамда урбахабиб? Адмаада яагаад хандаа һэнбиб, Цэбоһиимдо юу хээ һэнбиб, тон тиимээр шамтай хандаха гүб? Иимэ юумэ хэхыем сэдьхэлни тэбшээнэ, Би тэдэниие угаа ехээр хайрланаб!

Һошээ 2:23

Энэ арадые газар дэлхэйдэ олошоруулан үдүүлхэб, «Юрөөл хэшэггүй» гээд урдандаа нэрлэгдэдэг арад зондо нигүүлэсхы абари зан үзүүлхэб, «Минии бэшэ» гээд нэрлэдэг арад зоноо «Минии арад түмэн» гээд хэлэдэг болохоб, тиихэдэм тэдэ Намайе «Та манай Бурхан» гээд хэлэхэл.

Михей 4:2

Тиигээд олон арадууд ошожо, иигэжэ хэлэхэ: «Эзэнэй хада руу, Яковай Бурханай Һүмэ тээшээ үгсэн ошоё. Юу хэхыемнай Бурхан һургаха, зааһан замаарнь ябахабди». Юуб гэбэл, Һургаал Сионһоо гараха, Эзэнэй үгэ – Иерусалимһаа.

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Матвей 28:19

Зай, ошожо, бүхы арадуудта Минии һургаал айладхагты, Эсэгын, Хүбүүнэй, Арюун Һүлдын нэрээр тэдэниие уһаар арюудхагты.

Матвей 3:2

– Бурханай хаан түрэ һаяар мандахань, тиимэһээ нүгэл үйлэдэхэеэ болёод, Бурханда хандагты.

Матвей 9:13

Таанад ошожо, «Намда тахил тахихын орондо бусад зондо үршөөл хайратай байхыетнай хүсэнэб» гэжэ Нангин Бэшэг соо хэлэгдэһэн үгын удха мэдэжэ абагты. Би үнэн сэдьхэлтэниие бэшэ, харин нүгэл хэгшэдые дуудахаяа ерээ хүнби.

Лука 13:34

Ай Иерусалим, Иерусалим, шинии хүнүүд лүндэншэдые аладаг, шамда эльгээһэн Бурханай мэдээсэгшэдые шулуудадаг! Даража дэгжээһэн дальбараануудаа дали дороо суглуулдаг шубуундал адляар шинии үри хүүгэдые суглуулха гэжэ Би хэды тэгүүлээ, зүдхөө гээшэбиб. Теэд ши Намайе зүбшөөгөөгүйш.

Хэрэгүүд 10:43

Тэрээндэ этигэһэн хүн бүхэндэ нэрэ алдарайнь хүсөөр нүгэлынь хүлисэгдэхэ гэжэ бүхы лүндэншэд гэршэлнэ.

Хэрэгүүд 11:18

Эдэ үгэнүүдые дуулахадаа еврей һүзэглэгшэд Пётрые буруушаахаяа болижо: – Тиихэдээ Бурхан бусад арадуудташье нүгэл хэхэеэ болихо арга олгожо, Амидарал үгэбэ! – гэжэ хэлэн, Бурханиие алдаршуулба.

Хэрэгүүд 13:46

Павел Барнааба хоёр зоригтойгоор иигэжэ хэлэбэ: – Бидэ Бурханай үгэ анха түрүүн таанадта соносхохо ёһотой байгаабди. Харин энэ үгые таанадай буруушаажа, мүнхын амидаралда хүртэхөөр бэшэбди гэжэ өөһэд тухайгаа һанаа юм һаатнай, бидэ мүнөө бусад арадуудта ошохомнай.

Хэрэгүүд 2:38

– Нүгэл хэхэеэ болигты. Нүгэлыетнай Бурханай хүлисэхын тула хүн бүхэн Иисүүс Христоосой нэрэ алдараар уһаар арюудхуулаг. Тиихэдээ таанад Бурханай үршөөһэн Арюун Һүлдэдэ хүртэхэт.

Хэрэгүүд 20:21

Би еврейнүүдыешье, ондоо яһатанииешье нүгэл хэхэеэ болижо, Бурханда хандахыень, манай Эзэн Иисүүстэ этигэхыень гуйдаг бэлэйб.

Хэрэгүүд 26:20

түрүүн Дамааскынхидтэ, һүүлдэнь Иерусалимай зондо, удаань бүхы Иудейн орон нютагайхинда, һүүлэй һүүлдэ бусад яһатанда нүгэл хэхэеэ болигты, тэрэнээ бодото хэрэгүүдээрээ баталжа, Бурханда хандагты гэжэ уряалааб.

Хэрэгүүд 28:28

Абаралга тухай энэ Бурханай Мэдээсэл бусад арадуудта эльгээгдээ гэжэ таанад мэдэгты. Тиигээд тэдэл дуулаха.

Хэрэгүүд 3:19

Нүгэл шэбэлээ Бурханаар хүлисүүлхэ гэбэл, таанад нүгэл хэхэеэ болижо, Бурханда хандагты.

Хэрэгүүд 4:12

Ондоо нэгэшье хүн таниие абархагүй, бидэниие абаржа шадаха ондоо хүниие энэ дэлхэйдэ Бурхан үгөөгүй.

Хэрэгүүд 5:31

Израилиин зоной нүгэл хэхэеэ болижо, нүгэлөө хүлисүүлхын тула Бурхан Тэрэниие Өөрын баруун талада Ударидагша болон Абарагша болгон һуулгаа.

Римэйхиндэ 5:20

Нүгэл шэбэлые элеэр харуулхын тула Хуули үгтөө. Зүгөөр нүгэл шэбэлэй ехэ элбэг байһан газарта Бурханай үршөөл хайрашье бүри элбэг дэлбэг үгтэжэ байгаа.

Эфесэйхиндэ 1:6

Инаг хайрата Хүбүүнэйнгээ ашаар маанадые буян хэшэгтээ элбэг дэлбэг хүртөөһэнэйнь түлөө Бурханиие алдаршуулаял.

Эфесэйхиндэ 3:8

Ой ухаандаа оруулхын аргагүй ехэ Христоосой баялиг тухай Һайн Мэдээсэлые бусад арадуудта номнохые, Бурханай нюусын яажа бэелхэ тухай бүхы хүнүүдтэ харуулхые Бурханай хүнүүдэй эгээл багань байһан намда Бурхан хайрлаа. Үнгэрһэн сагуудта хамаг юумые Бүтээгшэ Бурхан нюусаяа хадагалжа байгаа. Тиин мүнөөнэй үе сагта Тэрэ Өөрынгөө оюун ухааниие һүзэглэгшэдэй бүлгэмөөр дамжуулан тэнгэриин захирагшадта, огторгойн хүсэнүүдтэ элдэб янза хэбээрнь харуулаа.

Колоссынхидтэ 1:27

Энэ нюусаяа Бурхан Өөрынгөө хүнүүдтэ мэдүүлхэ гэжэ түсэблэнэ, гэхэтэй сасуу энэ үнэтэй ба алдарта нюусань бүхы хүнүүдтэ юм. Тэрэ нюусань – Христоос таанадай досоо гэһэн удхатай, таанад Бурханай алдарые хубаалсахат гэһэн удхатай.

Иоаннай 1-дэхи хандалга 2:12

Үхибүүдни, би таанадта хандажа бэшэнэб: таанарай хэһэн нүгэл хилэнсэтнай Христоосой алдар нэрын аша туһада хүлисэгдэбэ.