Лука 23:2 - Библи

² – Энэ хүн арад зонииемнай үймүүлнэ, худхуулна, Римэй хаанда алба татабари түлэхые хорино, Өөрыгөө Бурханай табисууртаб гэжэ нэрлэнэ, – гэжэ Тэрэниие зэмэлбэ.

Шэнэ Хэлсээн

² «Энэ хүн арад зонииемнай үймүүлнэ, худхуулна: Римэй хаанда алба татабари түлэхые хорино, өөрыгөө Бурханай табисууртаб гэжэ нэрлэнэ», – гэжэ тэрэниие зэмэлжэ эхилбэ.

Лука 23:2 Referencias Cruzadas

3 Хаан түрэнүүд 18:17

Ахааб Элияа гэгшые харахадаа: – Израилиие зобоогшо ши эндэ байна гүш? – гэбэ.

Псалманууд 35:11

Таниие танидаг зондо энэрэл хайраа үршөөгыт, үнэн сэхэ сэдьхэлтэйшүүлдэ зүб шударгаа хүртүүлыт!

Псалманууд 62:4

Амидаралһаа үлүүл Танай энэрэл хайра! Амамни Таниие магтан байна.

Ерэмияа 20:10

«Тойроод ехэ аюултай! Мүргэе! Тэрээн тухай засаг баряашадта дуулгая!» гэжэ олоной шэбэнэлдэхые би шагнааб. Минии дүтын нүхэдшье бүдэрхыем хүлеэн хаража байна: «Тэрэ мэхэдэ орожо магадгүй. Тиигээ һаань, бидэ тэдэниие диилэжэ, үһөөгөө абахабди», – гэлдэнэ.

Ерэмияа 38:4

Тиихэдэм түшэмэлнүүд хаанда ошожо, «Энэ хүн саазалуулагдаха ёһотой. Элдэб юумэ хэлэжэ, тэрэ сэрэгшэдэй зориг мохооно, һүр һүлдыень дарана. Хотын бүхы зондошье тэрэ иимэ юумэ хэлэнэл. Арад зондо туһа бэшэ, тушаа хэнэ гээшэ», – гэжэ дуулгаба.

Амоос 7:10

Бэт-Ээлэй санаартан Амацияа Израилиин хаан Еробоһаамда иигэжэ дамжуулба: – Израильшуудай дунда буһалгаа шинии урдаһаа хэхэеэ Амоос бэлдэжэ байна. Орон нютаг тэрэнэй үгэ хүүр шагнаха дурагүй болонхой.

Захарияа 11:8

Би нэгэ һарын туршада гурбан хонишодые үлдэбэб. Ушарынь хадаа тэдэниие тэсэжэ байха Минии тэсэбэри дууһаа бэлэй, тэдэшье үзэн ядадаг болобо.

Матвей 17:27

Зүгөөр Бидэ эдэ зониие сухалдуулхагүйбди. Тиимэһээ ши далайн эрьедэ ошожо, загаһа хахуулида. Хахуулидашни ороһон түрүүшын загаһа абаад, амандань мүнгэ олохош. Тэрэниие абаад, алба татагшадта Минии түлөө, өөрынгөөшье түлөө үгөөрэй, – гээ һэн.

Матвей 22:21

– Хаанай, – гэжэ нүгөөдүүлэйнь харюусахада, Иисүүс: – Тиимэһээ хаанай юумые хаандань, Бурханай юумые Бурханда үгэгты, – гэжэ тэдэндэ хэлэбэ.

Матвей 27:11

Иисүүсые Римэй засаглагша Пиладай урда асаржа байлгаба. Тэрэ захирагша Иисүүсһээ: – Ши еврейнүүдэй хаан гүш? – гэжэ һураба. – Ши тиигэжэ хэлэнэш, – гэжэ Иисүүс харюусаба.

Марк 12:17

– Тиимэһээ хаанай юумэ хаандань, Бурханай юумэ Бурханда үгэгты, – гэжэ Иисүүс тэдэндэ хэлэбэ. Энээниие дуулахадаа, тэдэ зон Иисүүсэй сэсэн ухаанда гайхалдаба.

Марк 15:2

– Та еврейнүүдэй хаан гүт? – гэжэ Пилат Иисүүсһээ асууба. – Та тиигэжэ хэлэнэт, – гэжэ Иисүүс харюусаба.

Лука 23:14

– Израилиин зониие үймүүлжэ ябана гэжэ зэмэлэн, таанад Энэ Хүниие намда асарбат. Харин би танай хараһаар байтар мүрдэлгэ хэхэдээ, танай тохоһон тиимэ зэмэтэй байһыень тодоруулбагүйб.

Лука 23:5

– Энэтнай хүн зониие үймүүлхэ, хүлгөөхэ үгэ Галилейһээ эхилээд, эндэ хүрэтэр бүхы Иудей соогуур тараажа ябана, – гэжэ тэдэнь үсэдөөр хэлэбэ.

Иоанн 18:29

Тиимэһээ удамарша Пилат өөрөө гараба. – Энэ хүниие таанар юун гэжэ зэмэлнэбта? – гээд асууба.

Иоанн 18:30

– Хэрбээ гэм хээгүй һаань, бидэ Энээниие танда асархагүй һэмди, – гээд тэдэнь харюусаба.

Иоанн 19:12

Тиигэжэ хэлэхэдэнь, Пилат Иисүүсые хаалтаһаа сүлөөлхэ гэжэ оролдоо. Теэд еврейнүүд: – Хэрбээ та Энээниие табяа һаа, Римэй хаанай нүхэр бэшэт! Өөрыгөө хаан гээшэб гэдэг хүн императорай урдаһаа эсэргүүсэн тэмсэнэ гээшэ! – гэжэ хашхаралдаба.

Хэрэгүүд 24:13

Намда тохожо байгаа зэмэ эдэ зон өөһэдөөшье баримталан харуулжа шадахагүй.

Хэрэгүүд 24:5

Энэ хүн Назорейн шажанай бүлгэм толгойлжо, хёмороо татадаг хүн юм, юртэмсэ дэлхэйгээр хаа хаанагүй ажаһуудаг еврейнүүдэй дунда үймөө татаа юм.

Римэйхиндэ 13:7

Үгэхэ ёһотой юумэеэ бүхы хүнүүдтэ үгэжэ байгты: татабари үгэхэ ёһотой болбол, татабаряа үгэгты; алба түлэхэ ёһотой болбол, албаяа түлэгты; һүрдэхэ ёһотой болбол, һүрдэгты; хүндэлэл үзүүлхэ ёһотой болбол, хүндэлэл үзүүлэгты.