Лука 21:8 - Библи

⁸ Иисүүс хэлэбэ: – Һэргэлэн байгты, хүнэй мэхэдэ бү орогты. Юуб гэхэдэ, олон хүнүүд Минии нэрые зүүжэ ерэхэ: «Би Бурханай табисууртаб», – гэжэ өөһэд тухайгаа гэршэлхэ, «Зарга шүүбэриин саг ойртобо», – гэжэ Минии нэрэһээ хэлэхэ. Тэдэнэй үгэдэ бү этигэгты!

Шэнэ Хэлсээн

⁸ Иисус хэлэбэ: «Һэргэлэн байгты, хүнэй мэхэдэ бү орогты. Юуб гэхэдэ, олон хүнүүд минии нэрые зүүжэ ерэхэ: „Би Бурханай табисууртаб“, – гэжэ өөһэд тухайгаа гэршэлхэ, „Зарга шүүбэриин саг ойртобо“, – гэжэ минии нэрэһээ хэлэхэ. Тэдэнэй үгэдэ бү этигэгты!

Лука 21:8 Referencias Cruzadas

Ерэмияа 29:8

Би, Түмэн Сэрэгтэ Эзэн, Израилиин Бурхан, таанадай дунда ажаһуудаг лүндэншэд болон үзэлшэдтэ бү мэхэлүүлэгты гэжэ таанадые һэргылнэб. Тэдэнэй зүүдэлдэг зүүдэнүүдые бү тоогты.

Матвей 24:11

Баһа олон хуурмаг лүндэншэд бии болохо, олон уладай толгой эрьюулэн мэхэдээ оруулха.

Матвей 3:2

– Бурханай хаан түрэ һаяар мандахань, тиимэһээ нүгэл үйлэдэхэеэ болёод, Бурханда хандагты.

Матвей 4:17

Тэрэ сагһаа хойшо Иисүүс: – Нүгэл үйлэдэхэеэ болижо, Бурханда хандагты, Бурханай хаан түрэ мандаха дүтэлөө, – гээд номножо эхилбэ.

Лука 17:23

«Тэндэ байна, эндэ байна», – гэжэ зарим зоной хэлэхэдэнь, таанад бү ошооройгты, бү бэдэрээрэйгты.

Лука 21:7

– Багша аа, тиимэ юумэн хэзээ болохоб? Тэрэнэй болохын урда ямар дүлгэ тэмдэгүүд харуулагдахаб? – гэжэ Иисүүсһээ асуубад.

Лука 21:9

Дайн тухай гү, али буһалгаан тухай дуулахадаа бү айгаарайгты: тиимэрхүү юумэнүүд эхиндэнь болохо ёһотой, зүгөөр тэрэ дары юумэнэй эсэс болохогүй.

Иоанн 5:43

Би Өөрынгөө Эсэгын дура хүсэлөөр ерээб – теэд таанар Намайе хүлеэжэ абанагүйт. Харин нэрэ хүндэдэ дуратай ондоо хүнэй өөрынгөө хүсэлөөр ерэхэдэнь, таанар тэрэниие хүлеэн абахат!

Иоанн 8:24

«Таанар нүгэлнүүдтэйгөө үхэхэт!» гэжэ Би таанарта хэлээб. «Би байгааб, байнашьеб» гэхэдэмни үнэншөөгүй һаа, бултадаа нүгэлтэйгөө үхэхэт! – гэжэ Иисүүс харюусаба.

Иоанн 8:28

Иисүүс үргэлжэлүүлэн: – Хүн түрэлхитэнэй Хүбүүниие таанарай дээшэнь дэгдүүлхэдэ, Минии «Би» байһые, Өөрынгөө дураар юушье хэдэггүй байһые, Эсэгынгээл һургаһан ёһоор хэлэдэг байһыем таанар ойлгохот.

Коринфынхидтэ 1-дэхи 6:9

Харата хэрэг үйлэдэгшэд Бурханай хаан орониие залгамжалхагүй гэжэ таанад мэдэхэгүй аалта? Бү эндүүрэгты: забхайралдагшад, онгонуудта шүтэгшэд, нүхэртөө, али эхэнэртээ урбагшад, эрэшүүлтэй гүйлдэдэг эрэ хүнүүд,

Эфесэйхиндэ 5:6

Хооһон үгэтэй хүнэй мэхэ гоходо бү орогты, ушарынь гэхэдэ, Бурхан тиимэ юумэнүүдэй түлөө үгыень дууладаггүй хүнүүд дээрэ уур сухалаа буулгаха.

Фессалоникиинхидтэ 2-дохи 2:3

Таанадые хэншье, ямаршье аргаар бү мэхэлэг. Бурханда эсэргүүсэһэн һүүлшын үймөөнэй болотор, һүйдхэл асардаг харата хүнэй элиртэр тэрэ Үдэр ерэхэгүй.

Тимофейдэ 2-дохи 3:13

Харин хара һанаатай, мэхэшэ зон бусад зониие эндүүрүүлхэ, өөһэдөөшье эндүүрэн бүри муу муухай юумэ үйлэдэжэл байха.

Иоаннай 1-дэхи хандалга 4:1

Инаг хайрата аха дүүнэрни, али бүхы һүлдэнүүдтэ бү этигэгты, Бурханһаа эльгээгдэһэн һүлдэнүүд гү гэжэ шалгагты, юундэб гэбэл, худал хуурмаг лүндэншэд газар дэлхэй дээрэ олон болошонхой.

Иоаннай 2-дохи хандалга 1:7

Юундэб гэбэл, олон тоото мэхэшэд дэлхэйдэ ерэбэ. Иисүүс Христоосые хүн боложо газарта ерэһые тэдэ мэдэрнэгүй. Тиимэ хүнүүд мэхэшэд, Христоосой дайсад гээшэ.

Гэршэлгэ 1:3

Энэ ном дотор бэшээтэй Бурханай хэлэһэн үгэнүүдые уншадаг, шагнадаг ба сахидаг хүнүүд жаргалтай, юуб гэхэдэ, саг ойртожо байна.

Гэршэлгэ 12:9

Юртэмсэ дэлхэйн бүхы зониие мэхэлжэ хууража байһан шолмос, сатана гэжэ нэрэтэй ехэ үнинэй Могой бологшо луу тэнгэриһээ газарта шэдүүлһэн, тэрээнтэйгээ хамта эльгээмэлнүүдыньшье шэдүүлһэн юм.