Лука 21:24 - Библи

²⁴ Зарим зон һэлмээр таһа сабшуулха, нүгөө зариманиинь хариин гүрэнүүдтэ богоол болон абаашагдаха. Бусад арадуудай захирха үе сагай дүүрэтэр хариин зон Иерусалимые гэшхэжэ дэбһэжэ байха.

Шэнэ Хэлсээн

²⁴ Зарим зон һэлмээр таһа сабшуулха, нүгөө зариманиинь хариин гүрэнүүдтэ богоол болон абаашагдаха. Бусад арадуудай захирха үе сагай дүүрэтэр хариин зон Иерусалим хотые гэшхэжэ дэбһэжэ байха.

Лука 21:24 Referencias Cruzadas

Эхин 34:26

Тэдэ Хамоорые болон тэрэнэй хүбүүн Шэхээмые һэлмээр сабшажа алаад, Дииные тэдэнэйхиһээ абажа, гэртээ бусаба.

Египедһээ гаралга 17:13

– Нүүнэй хүбүүн Иисүүс амалээг угсаатанай сэрэгые булиһаар булижа, бултыень һэлмээр хюдаа агша.

Исай 5:5

Мүнөө Би үзэмэй жэмэсэй сэсэрлигтэйгээ юу хэхэ гэжэ байһанаа таанарта мэдүүлхэм: хорёо хотыень абахаб, тэрэниие хооһолог лэ; ханыень һандаргаахаб, тэрэниие гэшхэг лэ.

Исай 63:18

Бидэ, Танай нангин арад, энэ газарые богони саг соо эзэмдэн байгаабди. Дайсаднай Танай нангин газарые дэбһэн бузарлаа.

Исай 66:12

Эзэн иигэжэ айладхана: «Би таанадта гол мэтээр амгалан тайбан байдал, үндэһэ яһатанай эд баялигуудые урдахуулхаб. Тэжээлгэжэ, эхынгээ гар дээрэ үргэгдэн, үбдэг дээрэнь энхэрүүлэн байгааша үхибүүндэл адли таанад болохот.

Исай 66:19

Би тэдэнэй дунда дүлгэ тэмдэг харуулхаб! Заримашуулыень абаржа, ондоо арадуудта, алас холын нютагуудта, юрэдөө, Нам тушаа дуулаагүй, Минии һүр жабхалан, хүсэ шадал хараагүй зон руу – Испани, Ливи, мэргэн харбаашадтай Лиди, Тубаал, Греци руу ябуулхаб. Тиихэдэм тэдэ Минии һүр жабхалан тушаа арадуудта соносхохол.

Гашуудал 1:15

Минии бүхы хүсэтэйшүүлые Эзэн доошонь унагаагаа, залуу хүбүүдым хюдахын тула дайсадые һайндэртэ мэтэ уряа. Иерусалим тортоггүй сэбэрхэн залуу басаган мэтэ бэлэйл, теэд тэрэниие даран шахадаг түхеэрэлгэдэ жэмэс дарадагтал Эзэн няса гэшхэбэ!

Даниил 12:7

Голой урасхал өөдэ байгааша, улһан хубсаһа үмдөөшэ тэрэ нэгэн хоёр гараа тэнгэри өөдэ һунгаад, иигэжэ хэлэбэ: – Хэтэ мүнхын Бурханай нэрээр тангаригланаб: гурбан жэлэй үнгэрхэдэ, нангин арад түмэнэй хүсэ шадалай дууһахада энэ дүүрэхэ.

Даниил 8:13

Нэгэ гэгээнэй нүгөөдэ гэгээнһээ иигэжэ асуужа байһые дуулаа бэлэйб: – Үдэр бүриин үргэл, мүн тиихэдэ доромжолго, дээрмэдэлгэ доро байгааша нангин газар, сэрэг тушаа үзэгдэл удаан үргэлжэлхэ гээшэ гү?

Даниил 9:27

Тэрэ олонтой нэгэ долоон хоногой туршада хэлсээ баталха. Удаань хахад долоон хоногой һүүлээр мяхан болон талхан үргэл болюулха. Һандаргаашын эсэс болотор жэгшүүритэ муухай һандарал, хооһорол үргэлжэлхэ. Тэрэнэй эсэсынь урид тодорхойлогдоһон бэлэй.

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Лука 21:25

– Тиихэдэ нара һаратай, одо мүшэдтэй ойлгогдохогүй юумэнүүд болохо, газар дэлхэй дээрэхи хүн зон эжэ эхиеэ алдаха, уһан далай оёороороо долгилжо, аймшагтай үер халиха.

Римэйхиндэ 11:25

Аха дүүнэр, өөһэдыгөө сэсэн ухаатайбди гэжэ бодожо байхагүйнтнай тула энэ нюуса үнэниие таанадта мэдүүлхэ һанаатайб. Израилиин зарим зон хододоо тиимэ зүрюу байхагүй, тэдэнэр шэлэгдэһэн бусад арадуудай бүрин Бурханда ерэтэр лэ тиимэ байха.

Еврейнүүдтэ 11:34

галзуу гал унтараадаг, жадын эриһээ зайсадаг, һулахан бирагүй байгаад, шадалтай болодог, байлдаанда бүхэ байдаг, хариин сэрэгүүдые дарадаг бэлэй.

Гэршэлгэ 11:2

Теэд Һүмын гадаада хорёое бү тоололсо, бү хэмжэ, юуб гэбэл, тэрэ хорёонь бусад арадуудай мэдэлдэ үгтэнхэй. Тэдэ хүнүүд нангин хотые дүшэн хоёр һарын туршада хүлөөрөө гэшхэжэ дэбһэжэ ябаха.