Лука 2:4 - Библи

⁴ Давидай обогһоо уг гарбалтай Иосиф гэгшэ Галилейн Назарет хотоһоо гаража, Давид хаанай тоонто нютаг болохо Иудейн Бэтлэһээм хото руу мүн лэ нэрээ бэшүүлхэеэ ошобо.

Шэнэ Хэлсээн

⁴ Давидай обогһоо уг гарбалтай Иосиф гэгшэ Галилейн Назарет хотоһоо гаража, Давид хаанай тоонто нютаг болохо Иудейн Вифлеем хото руу мүн лэ нэрээ бэшүүлхэеэ ошобо.

Лука 2:4 Referencias Cruzadas

Эхин 35:19

Тиигэжэ Рахээлэй наһа барахада, Яков һамганайнгаа шарил Эпраата, ондоогоор хэлэбэл, Бэтлэһээм ошохо харгын хажууда хүдөөлүүлээд,

Эхин 48:7

Паддаанһаа Ханаһаан руу нүүхэ замдам Эпраата, ондоогоор Бэтлэһээм, хотодо дүтэ Рахээл минии гар дээрэ наһа баража, би тэрэниие харгын хажууда хүдөөлүүлээ бэлэйб.

Михей 5:2

«Эпраата гэдэг Бэтлэһээм, Иудын мянгаад һууринуудай эгээл бага һууринь ши гээшэш», – гэжэ Эзэн айладхана. Гэбэшье шинии улад зонһоо Эзэн нэгые шэлэжэ, бүхы Израилиин удамаршаар табиха. Тэрэ хүнэй угынь урдын урда сагһаа эшэ үндэһэтэй.

Матвей 1:20

Тиигэжэ бодоод, Иосифой дууран хэбтэхэдэнь, Бурханай Эльгээмэл зүүдэндэнь үзэгдөөд, иигэжэ хэлэбэ: – Давидай үри һадаһан Иосиф, Мариягай түрэхэ хүбүүн Арюун Һүлдэһөө бүрилдэһэн юм. Тиимэһээ ши тэрэниие һамган болгожо абахаяа бү ай.

Матвей 2:23

Тэндэ Иосиф гэр бүлэтэйгөө Назарет хотодо түбхинэн нютагжаба. Тиигэжэл «Тэрэ Назаредэй гэжэ нэрлүүлхэ» гээд лүндэншэдэй айладхаһаниинь тудаа.

Лука 2:3

Хүн зон булта нэрээ бэшүүлхэеэ өөһэдынгөө түрэһэн хото ошожо байгаа.

Лука 2:5

Тиихэдээ үхибүү түрэхөө байһан, һамганиинь болохо Мариятайгаа хамта ошобо.

Лука 4:16

Иисүүс үдэжэ хүмүүжэһэн Назарет хотоёо бусажа, заншалта ёһоороо субботодо мүргэлэй гэртэ орожо, Нангин Бэшэг сооһоо хэһэг уншахаяа зоной урда зогсобо.

Иоанн 1:46

– Назаредһээ гэнэ гүш? Теэд Назарет сооһоо ямар нэгэн һайн юумэн гараха аал? – гэжэ Натанаил буруушаан хэлэбэ. – Ошоёбди, ши өөрөө харахаш, – гэжэ Филипп тэрээндэ дурадхаба.

Иоанн 7:42

Бурханай табисуурта болбол Давидай үри һадаһан мүн, Давидай түрэһэн Бэтлэһээм хотоһоо ерэхэ ёһотой гэжэ Нангин Бэшэг соо хэлээтэй ха юм.

Рүүт 1:19

Тиигээд тэдэ хоюулаа ябажа, Бэтлэһээмдэ хүрэжэ ерэбэ. Тэдэнэй ерэхэдэ, хотын бүхы зон хүлгэжэ, эхэнэрнүүд: – Энэ Наомии мүн гү? – гэлдэбэ.

Рүүт 2:4

Тиигэһээр Бооһаз Бэтлэһээмһээ ерэжэ, таряа хадагшадта: – Эзэн таанартай хамта оршохонь болтогой! – гэхэдэ, тэдэ: – Эзэн таниие үреэхэнь болтогой! – гэжэ харюусаба.

Рүүт 4:11

Хотын бартаануудай хажууда байгааша бүхы зон болон аха заханар: – Бидэ гэршэнэр мүн! Шинии гэртэ орожо байгааша эхэнэрые Эзэн Израилиин арад зониие үдэн олошоруулагша Рахээл болон Лэһаадал адли болгохонь болтогой! Эпраатада хүсэ шадалтай, Бэтлэһээмдэ алдартай байгаарай!

Рүүт 4:17

Хүршэ эхэнэрнүүд тэрээндэ Обээд гэжэ нэрэ үгөөд, «Наомиин хүбүүн» гэжэ нэрлэгшэ һэн. Обээд хадаа Давидай эсэгэ болохо Ишайн эсэгэ юм.

1 Хаан түрэнүүд 16:1

Эзэн Самуилда айладхан: – Би Саулые Израилиин хаан байлгахаһаа татагасааб. Ши хэды болотор Саулай хойноһоо гашуудаха юмши? Эбэрээ оливын тоһоор дүүргээд яба. Би шамайе Бэтлэһээмэй Ишай гэдэг хүндэ эльгээхэм. Юуб гэхэдэ, тэрэнэй хүбүүдэй дундаһаа Өөртөө хааниие шэлээб, – гэбэ.

1 Хаан түрэнүүд 16:4

Иигэжэ Самуил Эзэнэй айладхал бүтээжэ, Бэтлэһээм руу ерэбэ. Хотын аха захатан тэрэниие угтахаяа шэшэрэлдэн гаража: – Та амгалан тайбан хэрэгээр ерээ гүт? – гэжэ асууба.

1 Хаан түрэнүүд 17:12

Давид хадаа Иудадахи Бэтлэһээмэй эпраат яһанай Ишай гэжэ нэрэтэй хүнэй хүбүүн һэн. Ишай найман хүбүүдтэй бэлэй. Тэрэ Саулай хааншалгын үедэ үндэр наһатай үбгэн болоһон байгаа.

1 Хаан түрэнүүд 17:58

Саул Давидһаа: – Эдир хүбүүн, ши хэнэй хүбүүн бэлэйш? – гэжэ асууба. Давид: – Би танай богоол Бэтлэһээмэй Ишай гэгшын хүбүүмби, – гэжэ харюусаа һэн.

1 Хаан түрэнүүд 20:6

Хэрбээ танай эсэгын намайе асуугаа һаань, «Давид Бэтлэһээм хото руугаа түргөөр ябаад ерэхэеэ гуйжа, зүбшөөл намһаа абаа юм. Юуб гэхэдэ, тэндэ бүхы түрэл гаралайнь түлөө жэлэй үргэл үргэхэ ёһолол болохо» гэжэ хэлээрэйгты.