Лука 19:42 - Библи

⁴² – Хотын зон, амгалан байдалда юун хүргэхэб гэжэ энэ үдэр ойлгодог һайт! Теэд тэрэтнай мүнөө танай нюдэнһөө далда байна даа.

Шэнэ Хэлсээн

⁴² «Хотын зон, амгалан байдалда юун хүргэхэб гэжэ энэ үдэр ойлгодог һайт! Теэд тэрэтнай мүнөө танай нюдэнһөө далда байна даа.

Лука 19:42 Referencias Cruzadas

Псалманууд 32:6

Эзэнэй үгөөр тэнгэри, аманайнь амисхалаар нара, һара, одо мүшэд бултадаа бүтээгдэнхэй.

Исай 44:18

Иимэ зон хэжэ байһан юумэеэ мэдэхэгүй, мунхаг. Үнэн байдал ойлгохогүйн тула тэдэ нюдөө хаадаг, ухаагаа хабхагладаг.

Исай 48:18

Хэрбээ Минии захяа заабаринуудта анхаралаа хандуулдаг һаатнай, үршөөлнүүд гол мүрэн мэтэ таанад руу урдаха байгаа, далайн долгид мэтээр буян таанадта ерэхэ һэн.

Исай 55:6

Эзэндээ эрьен мүргэгты, мүнөө Тэрэ таанадай ойрохоно.

Ерэмияа 13:17

Харин энээниие анхараагүй һаатнай, танай бардам занһаа боложо, минии зүрхэ сэдьхэл бүтүү уйлахал. Эзэнэй арад зоной һүрэг мэтээр баряанда туугдаһанһаа боложо, нюдэдэйнгөө шэргэтэр би сурхирса уйлахаб.

Эзэкээл 33:11

Би амиды мэндэ Эзэн Бурхамби, нүгэлтэй зоной хосорхые хүсэнэ бэшэб, муу ябадалаа орхижо, амиды мэндэ байхыень хүсэнэб. Израилиин улад зон амиды мэндэ байхаяа хүсэбэл, нүгэл хэхэеэ болёод, Нам руу эрьехэ ёһотой.

Лука 19:41

Иисүүс Иерусалимда ойртожо, хотын харагдахада, хүн зонииень хайрлаһандаа бархиржа:

Лука 19:43

Хожом нэгэтэ дайсадтнай добтолжо, хотыетнай тала талаһаань бүһэлэн, газар хүреэгөөр хүреэлхэ,

Лука 19:44

тиигээд өөһэдыетнай, үри хүүгэдыетнай хюдажа, хотыетнай һандаргажа, үнэһэн тоборог болгохо. Юундэб гэхэдэ, Бурханай шамайе абарха гэжэ ерэһэн саг мэдэнгүй бшууш, – гэжэ хэлэбэ.

Хэрэгүүд 10:36

Амгалан байдал тухай номнолые Бурхан Иисүүс Христоосоор дамжуулан, бүхы Израилиин зондо айладхаа. Иисүүс Христоос хүн бүхэнэй Эзэн гээшэ.

Хэрэгүүд 13:46

Павел Барнааба хоёр зоригтойгоор иигэжэ хэлэбэ: – Бидэ Бурханай үгэ анха түрүүн таанадта соносхохо ёһотой байгаабди. Харин энэ үгые таанадай буруушаажа, мүнхын амидаралда хүртэхөөр бэшэбди гэжэ өөһэд тухайгаа һанаа юм һаатнай, бидэ мүнөө бусад арадуудта ошохомнай.

Хуули дабталга 32:29

Ухаатай гээшэ һаа, тэдэнэр тэдээнтэй юунэй болохоёо байһыень ойлгохо бэлэйл.

Хуули дабталга 5:29

Өөһэдтэнь болон үхи хүүгэдтэнь хэтэ мүнхэдөө һайн байхын тула тэдэнэр Намайе хүндэлжэ, Минии захяа заабаринуудые бүхы наһаараа үнэнхэ зүрхэнһөө сахижа ябаа гээшэ һаань, хэды һайн байха байгааб!

Еврейнүүдтэ 3:13

Таанадай хэн нэгэнэй нүгэлөөр хорхойтуулагдан дошхорхогүйн тула, Нангин Бэшэг соо бэшээтэй «мүнөөдэр» гэдэг үгын маанадта хандажа байхада, та бэе бэеэ үдэр бүхэндэ урмашуулжа байха ёһотойт.

Еврейнүүдтэ 3:15

Нангин Бэшэг соо: «Таанад мүнөөдэр Бурханай дуу дуулахадаа, Бурханай урдаһаа үймөө татаһан үбгэ эсэгэнэртээл адли үсэд зан бү гаргагты», – гэжэ бэшээтэй.

Еврейнүүдтэ 3:7

«Үбгэ эсэгэнэртнай сүл губида ябахадаа дүшэн жэл соо Минии хэрэгүүдые хаража байһаншье һаа, Намайе тэндэ шалгаба, туршаба. Тиимэһээ Би тэрэ үеынхидтэ сухалдажа: „Тэдэнэр ходо эндүүржэ ябадаг, харгы замаарни ябадаггүй“, – гэжэ айладааб. Тиимэһээ Би уур сухалдаа „тэдэниие амаруулха гэһэн газартаа хэзээшье оруулхагүйб“ гэжэ тангариглааб. Тиимэһээ таанад мүнөөдэр Бурханай дуу дуулахадаа, Бурханай урдаһаа үймөө татаһан үбгэ эсэгэнэртээл адли үсэд зан бү гаргагты», – гэжэ Арюун Һүлдэ хэлэнэ.