Лука 16:19 - Библи

¹⁹ Нэгэ баян хүн байгаа гэхэ. Магнал торгон хубсаһа үмдэдэг, мүн үдэр бүхэндэ ялагар тологор найр зугаа хэдэг байгаа.

Шэнэ Хэлсээн

¹⁹ Нэгэ баян хүн байгаа гэхэ. Магнал торгон хубсаһа үмдэдэг, мүн үдэр бүхэндэ ялагар тологор найр зугаа хэдэг байгаа.

Лука 16:19 Referencias Cruzadas

Эстээр 8:15

Энээнэй удаа хүхэ, сагаан үнгэтэй хаанай һайхан хубсаһа үмдэнхэй, алтан томо титим толгойдоо табинхай, шад улаан үнгэтэй миндаһан нэмэргэ нэмэрэнхэй Мордохайн хаанай ордонһоо гаража ерэхэдэ, ниислэл хотынхид баярлан, хашхаралдажа байжа угтаба.

Һургаал 14:24

Сэсэн хүнүүдэй титимынь тэдэнэй баялиг болоно. Мунхагай тэнэглэл тэнэгээрээл дүүрэдэг.

Һургаал 31:22

Өөртөөшье гоё хубсаһа уралан оёдог, маалинга болон улаан хилгааһан хубсаһатай ябадаг. נ Нүүн

Исай 3:23

Анхилдаг һайхан сүршэлгын орондо үмхэй муухай үнэртэй, гоё һайхан бүһэнүүдэй орондо аргамжатай, гоёлой хубсаһанай орондо онги-набта хубсаһатай, гоё һайхан үһэнэй орондо халзан тэдэ болохо.

Эзэкээл 16:13

Иигэжэ ши алта, мүнгөөр гоёжо, эгээл һайхан бүд торгоор оёһон, тиихэдэ угалзатуулан шэрэһэн хубсаһа үмдэдэг байгаа бэлэйш. Эрхим шанартай гурилаар бариһан хилээмэ, зүгын бала, оливын тоһо эдидэг һэнши. Хатан мэтэ угаа гоё һайхан болоо бэлэйш.

Эзэкээл 16:49

Содом дүүшни басагадтаяа хамта дээрэлхүү зантай, элбэг дэлбэг эдеэ хоолтой, амгалан тайбан байдалтай байһан аад, ядуу байдалтай, үгытэйшүүлдэ туһалдаггүй һэн.

Эзэкээл 27:7

Египедһээ асарагдаһан шэрэмэл һайхан бүдөөр далбагануудшни хэгдэжэ, холоһоо обёорхоор байгаа һэн. Элишааһаа асарагдаһан хүхэ бэхэ үнгэтэй бүд һүүдэрһөө халхабшаш болоо һэн.

Марк 15:17

Тэдэ Иисүүстэ улаан суба үмдэхүүлбэ, үүргэнээр гүрлөө гүрэжэ, толгойдонь углаба.

Марк 15:20

Тиигэжэ сэрэгшэд Иисүүсые ханатараа баһаад, удаань үнөөхи улаан субыень тайлаба. Тиигээд Өөрынь хубсаһа үмдэхүүлээд, хэрээһэндэ хадахаяа абаашаа һэн.

Лука 15:13

Нэгэ хэды хоноод, бага хүбүүниинь хубита зөөриеэ абаад, холын газарта ошожо, ехээр һэбхиржэ, зөөриеэ үрижэрхибэ.

Лука 16:1

Өөрынгөө шабинарта Иисүүс иимэ юумэ хөөрэбэ: – Нэгэ баян хүн гэрэй хэрэг эрхилэгшэтэй байгаа һэн ха. Зөөрииешни ехээр үрижэ байна гэжэ тэрэ эзэндэ эрхилэгшэ тухайнь хүнүүд дуулгаба гэхэ.

Лука 16:18

Һамганһаа һалаад, ондоо эхэнэртэй һууһан хүн түрүүшынгээ һамганда урбаба гээшэ. Мүн үбгэнһөө һалаһан эхэнэрээр һамга хэһэн хүн баһал түрүүшынгээ нүхэртэ урбаба гээшэ.

Лука 16:20

Яра түүхэйдэ барюулшанхай Лазарь гэжэ нэгэ ядуу гуйраншые баянай хаалгынь хажууда асардаг бэлэй.

Гэршэлгэ 17:4

Тэрэ эхэнэр улаабтар хүхэ ба шад улаан бүдөөр оёһон хубсаһатай, шэжэр алта, эрдэниин шулуу, һубад һубһа ялалзуулан зүүгээд байба. Гартаа алтан хундага баринхай. Тэрэ хундага соонь янхан эмын һамуу зальхай ябадалай жэрхэштэй муухай, бузар булай юумэнүүд хэгдээд байгаа.

Гэршэлгэ 18:16

иигэжэ хэлэхэ: – Нарин гэгшын улһаар, алта мүнгөөр, үнгэтэ шулуу, һубадаар толоржо байһан үнэтэй сэнтэй улаан бүд хубсаһа үмдэһэн агуу ниислэл, шамда гашуудал зоболон тудаба!

Гэршэлгэ 18:7

Өөрыгөө тэрэ хэды ехээр магтуулаа гээшэб, хэды ехэ баялиг соо умбаа гээшэб, тэды ехэ ядарал зоболон, уйдхар гашуудал тэрээндэ асарагты! Юундэб гэбэл, тэрэ ниислэл иигэжэ досоогоо һанаа: «Би хатан шэнги һайн һуунаб, би бэлбэһэн эхэнэр бэшэб, уйдхар гашуудалые үзэхэгүйб!»

Ударидагшад 8:26

Сэрэгшэдһээ эрижэ абаһан тэрэнэй алтан һиихэнүүд нэгэ мянга долоон зуун шээкэл болобо. Эдээнһээ гадуур Мидианай хаашуулай бүһэлжэ ябаһан гоёолтотой горьёнуудые, шэмэглэл зүүдхэлнүүдые, үмдэжэ ябаһан уб улаан хубсаһануудые болон тэмээнүүдэйнь хүзүүнүүдһээ алтан гэнжэнүүдыень абажа, бэлэг болгон, Гидоондо үгэбэ.