Лука 16:17 - Библи

¹⁷ Газар тэнгэри хоёр амархан һүнэхэ, харин Хуулиин багаханшье зүйл хосорхогүй.

Шэнэ Хэлсээн

¹⁷ Газар тэнгэри хоёр амархан һүнэхэ, харин Хуулиин гансаханшье зүйл хосорхогүй.

Лука 16:17 Referencias Cruzadas

Исай 40:8

Зүб даа, үбһэ ногоон хатана, сэсэг хагдарна, харин манай Бурханай үгэ хэтэ мүнхэдөө оршон байха!»

Исай 51:6

Огторгой руу харагты, газарые шэртэгты! Огторгой утаа уняар мэтэ үгы болохо, газар хубсаһан мэтэ хуушарха, ажаһуугшадынь аляаһад мэтэ хосорхо. Харин Минии абарал хэтэ мүнхэдөө үргэлжэлхэ, Минии илалта хододоо оршохо.

Матвей 5:18

Газар тэнгэри хоёрой байгаал сагта, Хуулиин багаханшье зүйл, бишыханшье үзэгынь үгы болохогүй гэжэ таанадта баталан хэлэнэб. Досоонь бэшээтэй бүхы юумэнүүд заабол бэелхэ зэргэтэй юм.

Лука 21:33

Огторгой тэнгэри, газар дэлхэйшье һүнэн һалаха, харин Минии хэлэһэн үгэнүүд мүнхэ оршохо.

Римэйхиндэ 3:31

Тиихэдээ бидэ һүзэгөөрөө Хуули хүсэгүй болгоно гүбди? Үгыл даа, бидэ Хуули бүришье хүсэн түгэлдэр болгонобди.

Пётрой 1-дэхи хандалга 1:25

Гэхэтэй хамта Эзэнэй Үгэ хэтэ мүнхэдөө оршохо», – гэжэ Нангин Бэшэг соо хэлэгдэнэ. Энэ Эзэнэй Үгэ таанадта номногдоһон Һайн Мэдээсэл мүн.

Пётрой 2-дохи хандалга 3:10

Гэхэтэй сасуу Эзэнэй Үдэр хулгайшандал адли һанамсаргүй байхада ерэхэ. Тэрэ Үдэр огторгой шангаар дуугаран үгы болохо, огторгойдо байһан нара, һара, одо мүшэд шатажа һүнэхэ, газар дэлхэй болон дээрэнь оршоһон бүхы юумэнүүд галда шатан усадхагдаха.

Гэршэлгэ 20:11

Тиигээд би сагаан үнгэтэй асари томо хаан шэрээе, тэрэ шэрээ дээрэ Һуугшые харабаб. Шэрээдэ Һуугшын байһан ушарһаа газар тэнгэри хоёр тэрьелэн далда орошобо: тэрэ хоёрой һууха һуури байгаагүй.

Гэршэлгэ 21:1

Тиигээд би шэнэ тэнгэри, шэнэ газар хоёрые харабаб. Түрүүшын тэнгэри, түрүүшын газар хоёр хэтэ заяанда үгы болоо, далайшье хосороо.

Гэршэлгэ 21:4

Бурхан тэдэ хүнүүдэй нюдэнһөө гараһан дуһал нулимса бүхэниие аршаха. Үхэлгэ хосоролгошье саашадаа байхагүй, уйдхар гашуудал, орилолдоон бархиралдаан, үбдэлгэ хабдалгашье саашадаа байхагүй, ушарынь гэбэл, урданай бүхы юумэн урдажа ошоо».