Лука 12:4 - Библи

⁴ Хани нүхэд аа, хүнэй бэе һүнөөгөөд, ондоо юумэ хэжэ шадахагүй хүнүүдһээ бү айгты.

Шэнэ Хэлсээн

⁴ Хани нүхэд аа, хүнэй бэе һүнөөгөөд, ондоо юумэ хэжэ шадахагүй хүнүүдһээ бү айгты.

Лука 12:4 Referencias Cruzadas

Һургаал 29:25

Хүнһөө айха гээшэ занга юм. Харин Эзэндэ этигэдэг хүн аюулда орохогүй.

Дуунай дуун 5:1

Минии хубита, дүүхэймни! Сэсэрлигтээ би орооб. Һайхан үнэртэй дабирхай суглуулжа, зүгын үүрһээ балынь һорожо, үзэмэй дараһан архи шэмэжэ, һү уунам. Манай хайрата амарагууд! Хайрын зоогһоо амасагты! Хайрын архиһаа уугты! Ханажа садатараа эдеэлэгты!

Дуунай дуун 5:16

Үгэ хүүрынь илдамхан. Тэрэ шэгээрээ аятайхан. Иерусалим хотын басагад! Хайрата амарагни иимэл даа, хамагай һайхан андал даа!

Исай 41:8

Харин ши, Минии богоол Израиль! Минии шэлэһэн Яков! Минии нүхэр Абраһаамай үри һадаһад!

Ерэмияа 1:17

Ши одоо бэеэ зэһээд, Минии захирһан бүхы юумэ тэдээндэ ошожо дуулга. Тэдээнһээ бү ай, үгы һааш, Би шамайе тэдэнэй урда бүри ехээр айлгахаб!

Ерэмияа 1:8

Хэнһээшье бү ай, аршалхын тула Би шамтай хамта байнаб. Энэ болбол Би, Эзэн, айладхажа байна мүн! – гэбэ.

Эзэкээл 2:6

Харин ши, хүнэй үри Эзэкээл, тэдэнһээ, үгэнүүдһээньшье бү ай. Тэдэнэй хадхан харшалаашье хадань, доромжолоошье һаань, хорото могойнуудай дунда байһандал шамда болоошье һаань, тэдэ зүрилдөөтэ зонһоо бү ай, үгэ хүүрһээнь бү һүрдэ.

Матвей 10:28

Хүнэй бэе һүнөөгөөд, һүнэһыень һүнөөхэ хүсэ шадалгүй хүнүүдһээ бү айгты, зүгөөр хүнэй һүнэһыеньшье, бэеыеньшье гал тамада хаяжа һүнөөхэ аргатай Бурханһаал айжа һүрдэжэ ябагты.

Иоанн 15:13

Хани нүхэдэйнгөө түлөө ами наһаяа үгэхэһөө үлүү ехэ дуран дэлхэй дээрэ байхагүй.

Хэрэгүүд 20:24

Харин би ами наһаяа оройдоошье хайрланагүйб. Бурханай үршөөл хайра тухай Һайн Мэдээсэл айладхажа бай гэжэ Эзэнэй намда даалгаһан үүргэ гүйсэдхэн, ябаха ёһотой замаараа ябажа түгэсхэбэлни һайн гээшэ.

Хэрэгүүд 4:13

Зоригтой дорюун Пётр Иоанн хоёрые эрдэм номгүй юрын хүнүүд байна гэжэ ойлгоходоо, Зүблэлэй гэшүүд түрүүшээр ехээр гайхалсажа, һүүлээрнь Иисүүстэй ябаһан хүнүүд байна гэжэ ажаглан тэмдэглэбэд.

Филиппынхидтэ 1:28

Дайсадһаа хэзээдэшье бү айгты, хододоо зоригтой зүрхэтэй байгты, тиигээ һаа, тэдэнэй хосорхые, харин өөһэдынгөө абарагдахые харуулхат. Бурхан таанадта тэрэ абаралга үршөөхэ.

Яковай хандалга 2:23

«Абраһаам Бурханда этигэбэ, тиигэхэдэнь Бурхан тэрэниие үнэн сэдьхэлтэн гэжэ тоолобо», – гээд Нангин Бэшэг соо хэлэгдэһэн юумэн бэелбэ даа. Тиигэжэ Абраһаам Бурханай нүхэр гэжэ нэрлэгдэбэ.

Пётрой 1-дэхи хандалга 3:14

Зүб юумэ хэжэ байһанайнгаа түлөө зоболон гаталжа байбалтнай, Бурхан ашыетнай харюулхал! Хэнһээшье бү айгты, һанаагаа бү зобогты.

Гэршэлгэ 2:10

Зобохо тулихаяа байнабди гэжэ бү айгаарайгты. Туршажа үзэхэеэ заримыетнай шолмос түрмэдэ хааха, арбаад хоног соо тамалуулхат. Теэд үхэн үхэтэрөө үнэн сэхэ байгаарайгты, Би танда мүнхын амидарал үршөөхэб!