Лука 12:37 - Библи

³⁷ Эзэнэйнгээ ерэхэдэ, һэргэлэн байһан зарасанар жаргалтай! Үнэн зүрхэнһөө таанадтаа хэлэнэб: эзэниинь дэгэлээ тайлаад, зарасанараа шэрээдэ һуулгажа, өөрөө тэдэнээ хүндэлхэ.

Шэнэ Хэлсээн

³⁷ Эзэнэйнгээ ерэхэдэ, һэргэлэн байһан зарасанар жаргалтай! Үнэн зүрхэнһөө таанадтаа хэлэнэб: эзэниинь дэгэлээ тайлаад, зарасанараа шэрээдэ һуулгажа, өөрөө тэдэнээ хүндэлхэ.

Лука 12:37 Referencias Cruzadas

Исай 62:5

Залуу хүнэй эдир басагантай гэрлэдэг шэнги, шамайе Бүтээгшэ шамтай гэрлэнэ. Һамга абажа байгша хүбүүнэй хадамлажа байгша басагандаа баясадаг мэтэ Бурханшни шамдаа баясана.

Ерэмияа 32:41

Тэдээндэ һайн юумэ хэхэдээ, Би баясадаг байхаб, энэ газар дайдада тэдэниие хододоо байлгахаб.

Цэпаанияа 3:17

Эзэн Бурхантнай таанартай хамта. Тэрэ таанадые абарха баатар хүсэтэй. Тэрэ таанар тушаа баясан хүхихэ, хайра дуран соогоо аалихан, таанар тушаа баяртай зугаалан сэнгэхэ.

Матвей 24:42

Тиимэһээ һэргэлэн байгты, Эзэнэйнгээ али сагта заларжа ерэхые таанар мэдэнэгүй ха юмта.

Лука 12:36

Тиигэбэл таанад түрэ хуримһаа бусажа ерэхэ эзэнээ хүлеэжэ байһан зарасанар мэтэ бэлэн байхат. Тэдэнэр эзэнэйнгээ ерээд, үүдэ тоншохотойнь адли дороо нээгээдхидэг.

Лука 12:43

Эзэнэйнгээ бусажа ерэхэдэ, үүргэеэ һайнаар дүүргэжэ байһан зараса аза жаргалтай даа!

Лука 17:8

Үгыл даа! Тиихынгээ орондо: «Намда эдеэ хоол бэлдэ. Эдеэлжэ байхадамни, захиралтануудыемни дүүргэхэдэ бэлэн бай. Намайе эдеэлүүлһэнэй удаа өөрөө эдихэ уухаш!» – гэжэ барлагтаа хэлэхэ бэшэ гүт?

Лука 21:36

Тэрэ сагта тохёолдохо хамаг аюул дабажа гарахын тула, Хүн түрэлхитэнэй Хүбүүнэй урда зохистой байхын тула үргэлжэ зальбаржа, һэргэг хёрхо байгты!

Лука 22:27

Хүнүүд хэниие дээгүүр гэжэ тоолодог бэ, хоол барижа байһан хүниие гү, али тэрээндэ заруулжа байһан хүниие гү? Хоол барижа байһан хүниие шухала гэжэ бододог бэзэ даа! Харин Би танай дунда зарасада мэтэ байнаб.

Иоанн 12:26

Намда алба хэдэг хүн Минии хойноһоо дахаад ябаг! Минии байһан лэ газарта Минии зараса байлсаха. Намда алба хэдэг хүниие Минии Эсэгэ хүндэлхэ.

Коринфынхидтэ 1-дэхи 2:9

Яаба тиибэшье, Нангин Бэшэг соо иигэжэ бэшээтэй байдаг: «Нэгэшье хүнэй хараагүй, дуулаагүй, тиимэ юумэн болохо гэжэ нэгэшье хүнэй ойндоо оруулаагүй байһан юумые Бурхан Өөртэнь дуратай хүнүүдтэ бэлдээд байна».

Филиппынхидтэ 1:21

Минии ажамидаралай зорилго – Христоос гээшэ. Харин минии үхэл бүришье ехэ аша туһа асарха.

Филиппынхидтэ 1:23

Тэрэ хоёр зүг хоюулан намайе өөр тээшээ татана. Үхөөд, Христоостой суг байхые аргагүй ехээр хүсэнэб. Энэнь ушаргүй һайн шэлэлтэ юм.

Пётрой 2-дохи хандалга 1:11

Манай Эзэн, Абарагша Иисүүс Христоосой мүнхын хаан орондо орохо бүрин эрхэ таанадта үгтэхэл.

Пётрой 2-дохи хандалга 3:14

Тиимэһээ, хайрата аха дүүнэрни, тэрэ Үдэрые хүлеэжэ байхадаа, Бурханай урда ямаршье бузаргүй, арюун сэбэр байхые, Бурхантай энхэ тайбан оршожо байхые оролдыт даа.

Гэршэлгэ 14:13

Удаань огторгойһоо иигэжэ дуугарха абяа дуулааб: «Буулгажа бэшээд аба: энэ сагһаа эхилэн Эзэндэ үнэн сэхэ байжа наһа бараһан хүнүүд ямар жаргалтайб даа!» «Тиимэл даа, тэдэнэр хүндэ хүшэр ажалһаа одоол сүлөөржэ амархань, юундэб гэбэл, тэдэнэй бүтээһэн буянтай һайхан хэрэгүүдынь хойноһоонь ябалсана гэжэ Арюун Һүлдэ хэлэнэ».

Гэршэлгэ 16:15

Обёоржо байгты! Би хулгайшан шэнгеэр гэб гэнтэ орожо ерэхэб. Хубсаһаа бэлдээд, һэргэлэн байһан хүн жаргалтай: тэрэ хүн улад зоной дунда салдаган нюсэгөөр гаража, нэрээ гутаахагүйл.

Гэршэлгэ 3:21

Би илажа гараад, Өөрынгөө Эсэгэтэй хамта хаан шэрээдэнь һуугааб, тэрээндэл адляар, Намтай хамта Минии хаан шэрээдэ һууха эрхые Би илагшада олгохоб.

Гэршэлгэ 7:17

Юундэб гэхэдэ, хаан шэрээгэй урда зогсожо байгааша Үргэлэй Хурьган тэдэ хүнүүдэй адуулагша эзэниинь боложо, мүнхэдөө амидаралай уһанда тэдэниие залан абаашаха. Эдэ хүнүүдэй нюдэнэй нулимсые Бурхан Өөрөө аршаха».