Лука 11:42 - Библи

⁴² Фарисейнүүд, таанад гашуудал үзэхэт! Ургуулһан хангалта ургамалай, мүн огородойнгоо эдеэнэй арбанайнь нэгэл хубиие Бурханда үргэдэгта, харин тэрээнтэй зэргэ хүнүүдые хууранат, Бурханда дурагүй байнат. Тиихэдэ таанад бусад зондо үнэн зүбөөр хандаха, мүн арбанайнгаа нэгэ хубиие Бурхандаа үгэжэ байха ёһотойт.

Шэнэ Хэлсээн

⁴² Фарисейнүүд, таанад гашуудал үзэхэт! Ургуулһан хангалта ургамалай, мүн огородойнгоо эдеэнэй арбанайнь нэгэл хубиие Бурханда үргэдэгта, харин тэрээнтэй зэргэ хүнүүдые хууранат, Бурханда дурагүй байнат. Тиихэдэ таанад бусад зондо үнэн зүбөөр хандаха, мүн арбанайнгаа нэгэ хубиие Бурхандаа үгэжэл байха ёһотойт.

Лука 11:42 Referencias Cruzadas

Нэхэмьяа 10:37

Манай Бурханай гэрэй хадагаламжада, санаартадта, хилээмэнэй, алим жэмэсүүдэй, үзэмэй дараһан архиин, ургамалай тоһоной дээжэнүүдые бидэ үргэжэ байхабди, харин ургасын арбанай нэгэ хубиие – левидүүдтэ (тэдэ левидүүд газар элдүүрилдэг манай бүхы хотонууд бүриһөө арбанайнь нэгые суглуулна).

Һургаал 21:3

Үнэн сэхэ ба шударга үйлэ Эзэндэ үргэһэн үргэлһөө үлүүгээр сэгнэгдэдэг.

Экклезиаст 7:18

Нэгэ хуули сахяад, нүгөөдыень орхингүй байхада һайн гэбэшье, Бурханһаа түбэгшөөдэг хүн хоёр хэтэрүүһээ зайлаха.

Михей 6:8

Үгы. Һайн хэрэг гээшэ юун бэ гэжэ Эзэн бидэндэ, зондо, иигэжэ айладхана: «Үнэн шударга байха, саг үргэлжэ дура хайраяа элирхэйлжэ байха, Бурханайнгаа үгэ дуулажал ябаха».

Малаахи 1:6

Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта.

Малаахи 2:17

Таанар өөрын үгөөр Эзэниие ядараагаат. «Муу юумэ үйлэдэһэн хүн бүхэн Эзэнэй мэлмыдэ һайн, Тэрэ тэдэниие өөгшөөдэг» гэжэ гү, али «Үнэн шударга ёһын Бурхан хаана байнаб?» гэжэ хэлэжэ байхадаа, Эзэнэй уур хүргэнэт.

Малаахи 3:8

Хүнүүд Бурханиие мэхэлхэ ёһогүй. Гэбэшье таанад Намайе мэхэлжэ байнат. «Яахадаа Таниие мэхэлһэн болонобибди?» гэнэт. Таанад бүхы зөөриингөө арбанай нэгэ хубиие үгэхэ, мүн Намда онсо үргэл хэхэ ёһотой байгаат.

Матвей 23:13

Хуули заадаг багшанар, фарисейнүүд, таанад гашуудал зоболон үзэхэт! Хоёр нюурта таанад! Огторгойн хаан орониие хүнүүдһээ хаажа, өөһэдөөшье тэндэ ороногүйт, орохо дуратайшуулыешье тиишэнь табинагүйт.

Матвей 23:23

Хуули заадаг багшанар, фарисейнүүд, таанад гашуудал үзэхэт! Хоёр нюуртан! Таанар Бурханда ургасынгаа – халуун үбһэ, укроп, тмин гэхэ мэтын ургамалнуудай – арбанай нэгэ хуби үгэнэт, харин Хуулиин эгээл шухала зүйлнүүд болохо зарга шүүбэри, үршөөл хайра, этигэл найдабари тоонгүй орхибот. Эдэ зүйлнүүдые таанад баримталха ёһотой байгаат, мүн арбанайнгаа нэгэ хубиие Бурхандаа үгэжэл байха ёһотойт.

Матвей 23:27

Хуули заадаг багшанар, фарисейнүүд, таанад гашуудал үзэхэт! Хоёр нюуртан! Таанар сагаан будагаар шэрдэһэн агы нүхэн хуурсагуудта адлит: газаа талаһаа гоё һайханаар харагдаашье һаа, досоогоо үхэһэн хүнэй яһануудаар, элдэб бузарнуудаар дүүрэшэһэн байдаг.

Лука 18:12

Долоон хоногтоо хоёр дахин масагладагби, олзынгоо арбанай нэгэ хубиие Тандаа үргэдэгби».

Иоанн 5:42

Би таанарые һайса мэдэнэб: таанар Бурханда дуратай бэшэт!

Иоаннай 1-дэхи хандалга 4:20

«Би Бурханда дуратайб» гэдэг аад, өөрынгөө аха дүүдэ дурагүй хүн худалша гээшэ. Аха дүүгээ хаража байгаад, тэрээндээ дурагүй хүн Бурханиие хараагүй аад, Бурханда дурлахагүй бшуу.

1 Хаан түрэнүүд 15:22

Самуил: – Эзэнэй үгэ дуулахань Эзэндэ түгэс шатаалта үргэл, мүн үргэлнүүдые хэжэ баярлуулхаһаа дээрэ бэшэ гү? Ойлго, үгэ дуулаха гээшэ үргэл үргэхэһөө дээрэ. Айладхаһаарнь байха гээшэ хусын өөхэнһөө үлүү.