Лука 10:28 - Библи

²⁸ – Ши зүб харюусабаш. Эдэ заабаринуудые дүүргэжэ ябаа һаа, ши мүнхэ амидаралтай байхаш, – гэжэ Иисүүс тэрээндэ хэлэбэ.

Шэнэ Хэлсээн

²⁸ «Ши зүб харюусабаш. Эдэ заабаринуудые дүүргэжэ ябаа һаа, ши мүнхэ амидаралтай байхаш», – гэжэ Иисус тэрээндэ хэлэбэ.

Лука 10:28 Referencias Cruzadas

Нэхэмьяа 9:29

Танай Хуулида бусаха тухай Та тэдээндэ заагаат, харин тэдэнэр дээрэлхүү боложо, захяануудыетнай дуулабагүй. Тогтоолнуудыетнай сахибал, хүн амиды ябаха байгаа, харин тэдэ тогтоолнуудайтнай урдаһаа нүгэл хэбэ. Тэдэнэр али болохоор Танһаа буруу харана, үсэрхэнэ, дуулаха шагнаха дурагүйнүүд!

Һургаал 19:16

Зарлиг хуули сахидаг хүн сэдьхэлээ хамгаална. Харин өөрын зам тухай һанаа зободоггүй хүн үхэхэ болоно.

Эзэкээл 20:11

Хуули ёһонуудаа, зарлигуудаа тэдээндэ дамжуулхадам, тэдэ яагаад ажаһуубал зүб гээшэб гэжэ мэдэдэг болобо.

Эзэкээл 20:13

Харин Израилиин улад зон элһэн сүл губида Намда һөөргэдэбэ. Хуули ёһонуудыем, зарлигуудыем тэдэ сахибагүй. Субботын үдэрыем ехээр бузарлаба. Тиихэдэнь Би байһан газартань, элһэн губида, тэрэ дары Израилиин арад түмэниие үгы хэхэеэ һанабаб.

Эзэкээл 20:21

Теэд үхи хүүгэдынь мүн лэ Минии урдаһаа һөөргэдэбэ. Минии хуули ёһо, захиралтануудыем дүүргэхэеэ татагалзаба, субботын үдэрые сахингүй байба. Эдэ бүгэдые хэжэ байгаа гээшэ һаа, тэдэ амиды мэндэ байха һааб даа. Зай, тиигээд Би уурлан сухалдажа, тэдэниие элһэн сүл губида хюдаха гэжэ һанаа һэм.

Левит 18:5

Минии тогтоол болон хуулинуудаар ябагты. Тэдэниие сахижа ябаһан хүн амиды ябаха. Би Эзэнби.

Матвей 19:17

– Юундэ Намайе эрхим гэбэш? Гансал Бурхан эрхим гээшэ. Хэрбээ мүнхын амидаралда хүртэхэеэ һанабал, Тэрэнэй захяа заабаринуудые сахижа бай, – гэжэ Иисүүс тэрэ хүндэ харюусаба.

Марк 12:34

Хуули заадаг багшын иигэжэ бодомжотойгоор харюусахада, Иисүүс тэрээндэ: – Та Бурханай хаан түрэһөө холо бэшэ байнат, – гэбэ. Тиигэхэһээнь хойшо Иисүүсһээ юумэ һурахаяа хэншье зүрхэлбэгүй.

Лука 7:43

– Ехэ үритэй байжа хүлисүүлһэн хүниинь ааб даа гэжэ һананаб, – гэжэ Симон харюусаба. – Зүб хэлэнэш, – гэжэ Иисүүс хэлэбэ.

Римэйхиндэ 10:4

Ушарынь хэлэбэл, һүзэглэһэн хүн бүхэнэй үнэн сэдьхэлтэй болохын тула Христоос Хуулиин зорилго бэелүүлнэ.

Римэйхиндэ 3:19

Хүн түрэлхитэнэй өөрыгөө сагааруулхаяа болихын тула, бүхы газар дэлхэйнхидые Бурханай зарга шүүбэридэ оруулхын тула Хуули соо хэлэгдэһэн бүхы юумэнүүд Хуулиин мэдэлдэ байһан хүнүүдтэ хандуулаатай гэжэ бидэ мэдэнэбди.

Римэйхиндэ 7:10

тиигээд би хосорооб. Тиигэжэ амидарал асарха ёһотой байһан захяа заабари намда үхэл асараа.

Галадуудта 3:12

Хуули гээшэмнай һүгэдэлгэ бэшэ, тиимэһээ тэндэ: «Хуулиин зүйл бүхэнииел сахижа ябаһан хүн амиды ябаха», – гэжэ хэлэгдэнэ.

Хуули дабталга 6:24

Тэрэ эдэ бүхы хуули ёһонуудые сахин дүүргэхыемнай захяа. Эзэниие, өөрынгөө Бурханиие, хүндэлхэ ёһотойбди. Тиигэбэл, һайн һайхан ажамидархабди, мүнөөдөөл адли, амиды мэндэ байхабди.