Лука 10:2 - Библи

² – Ургаса ехэ байна, теэд тэрэниие суглуулха хүнүүдынь үсөөн лэ. Тиимэһээ ургасаяа суглуулха хүдэлмэрилэгшэдые ябуулхыень Ургасын Эзэндэ зальбарагты.

Шэнэ Хэлсээн

² «Ургаса ехэ байна, теэд тэрэниие суглуулха хүнүүдынь үсөөн лэ. Тиимэһээ ургасаяа суглуулха хүдэлмэрилэгшэдые ябуулхыень Ургасын Эзэндэ зальбарагты.

Лука 10:2 Referencias Cruzadas

3 Хаан түрэнүүд 18:22

Элияа арад түмэндэ: – Би гансаараа Эзэнэй лүндэншэ үлэнхэйб. Баалай лүндэншэд хадаа дүрбэн зуун табин хүн юм.

Псалманууд 68:11

Би масаг барин сэдьхэлдээ уйлааб, иигэжэ баһажа-наадалуулжа байбаб.

Ерэмияа 3:15

Тиигээд Намда үнэн сэхэ удамаршадые таанадта үгэхэб. Тэдэ таанарые ойлгон, ухаатай сэсэнээр хүтэлбэрилхэ.

Захарияа 11:17

Һүрэгөө орхиһон адуулагша хараалда хүртүүжэг. Тэрэнэй гар болон баруун нюдэн дээрэнь эритэ илдэ буулгагты. Гарынь бүхэлеэрээ хатажа, баруун нюдэниинь огто харахаяа болюужаг!

Захарияа 11:5

Адуулагшадынь эзэд ба мүнгэ олзо намнаашадта адли. Эзэдынь малаа алажархёод, хэһээлтэгүй үлэнэ. Хони худалдагшадынь «Эзэндэ магтаал соло дуудая! Би баяжааб» гэлсэнэ.

Тоололго 11:17

Би дээрэһээ буужа, Шамтай хөөрэлдэхэб. Шамда шэнгэһэн Һүлдэһөө зарим тэдые абажа, тэдэ далан зон дээрэ табихаб. Зоной ашаа гансаараа шинии тээжэ ябахагүйн тула тэдэ туһалха.

Тоололго 11:29

– Ай даа, намайе гансааран Эзэнэй мэдээе дуулгагша байһай гэжэ һанана гүш? Эзэн Һүлдэеэ Өөрын арад зондо бултанда бэлэглэжэ, тэдэ бүгэдэ лүндэншэд болодог һаань! – гэжэ Моисей хэлээд,

Матвей 20:1

– Огторгойн хаан түрэ иимэрхүү юм: Нэгэ хүн үзэмэйнгөө сэсэрлигтэ ажалшадые хүлһэлхэеэ гэрһээ эртэ үглөөгүүр гаража ошобо.

Марк 13:34

Бүхы юумэеэ зарасанартаа даалгаад, холын аянда гараһан хүнтэй энэ байдал сасуулмаар юм. Тэрэ хүн зараса бүхэндөө даабари үгөөд, үүдэнэй харуулшанда һэргэг байхыень захидаг.

Марк 16:15

Тиигээд тэдэндээ иигэжэ хэлэбэ: – Бүхы газар дэлхэйгээр ябажа, хүн бүхэндэ Һайн Мэдээсэл номногты.

Марк 16:20

Тиигээд шабинарынь хаа хаанагүй ябажа, эндэ тэндэ номножо байба. Эзэн тэдэндэ хамһалсажа, хэлэһэн үгэнүүдэйнь үнэн зүб байһые гайхамшагта үйлэ хэрэгүүдээр баталдаг байгаа.

Лука 9:1

Иисүүс арбан хоёр шабияа дуудажа, бүхы ада шүдхэрнүүдые даран гаргаха, үбшэнүүдые аргалха хүсэ шадабари, эрхэ засаг тэдэндээ олгобо.

Хэрэгүүд 11:19

Стефанай наһа бараһан сагһаа хойшо хашалга мүрдэлгэнүүдһээ зугадаһан һүзэглэгшэд Финики, Кипр, Антиох ерэжэ, һургаалаа гансал еврейнүүдтэ номножо байба.

Хэрэгүүд 13:2

Нэгэтэ тэдэнэй Эзэндэ алба хэжэ, масаглажа байхада Арюун Һүлдэ тэдээндэ: – Ямар үүргэ даалган Барнааба Саул хоёрые дуудаа һэнби, тэрэ хэрэгыемни бүтээхыень тэдэ хоёрые Намда табигты, – гэжэ хэлэбэ.

Хэрэгүүд 13:4

Арюун Һүлдын нүлөөгөөр харгы замда гараһан Барнааба Саул хоёр Селевки хүрэжэ ерээд, тэндэһээ Кипр аралда тамаран ошобо.

Хэрэгүүд 20:28

Арюун Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Хэрэгүүд 22:21

Тиихэдэ Тэрэ намда: «Яба, Би шамайе эндэһээ холо бусад арадуудта эльгээхэмни», – гэжэ хэлэбэ.

Хэрэгүүд 8:4

Тэрьедэһэн хүнүүд бүхы ороноор таража, Һайн Мэдээсэл номноно.

Коринфынхидтэ 1-дэхи 12:28

Һүзэглэгшэдэй бүлгэм соо Бурхан хүн бүхэниие байрадань байлгаба: анха түрүүн, элшэнэрые, хоёрдохи һуурида Бурханай мэдээсэл элирүүлэгшэдые, гурбадахи һуурида һургагшадые, тиигээд гайхамшагта үйлэ хэрэгүүдые бүтээдэг зониие, хойноһоонь үбшэн хүнүүдые аргалан эдэгээдэг, бусад зондо туһалдаг, бусадые ударидадаг, элдэб танигдахагүй хэлэн дээрэ дуугардаг абьяастай хүнүүдые табяа.

Коринфынхидтэ 1-дэхи 15:10

Гэхэтэй сасуу би Бурханай үршөөл хайраар мүнөөнэй нүхэсэлдэ байнаб, тиин тэрэ үршөөл хайрань дэмы үнгэрөөгүй. Би өөрынгөө хүсэ шадалаар бэшэ, харин досоомни ажаллажа байһан Бурханай үршөөл хайраар бусад элшэнэрһээ үлүү ехэ хүдэлжэ байгааб.

Коринфынхидтэ 2-дохи 6:1

Бурханай буян хэшэгые дэмы бү абагты гэжэ бидэ Бурхантай хамта ажаллажа байһан ушарһаа таанадые гуйнабди.

Филиппынхидтэ 2:21

Бусад зон бүгэдөөрөө Иисүүс Христоосто һайшаагдаха юумэ бүтээхэ тухай огто бодонгүй, өөрынгөө амидаралай түлөө оролдожо ябадаг.

Филиппынхидтэ 2:25

Намда туһалхаар таанадай эльгээһэн, намтай хамта эндэ ажаллажа, тэмсэжэ байһан манай һүзэглэгшэ дүү Эпапродиитые бусаажа таанадта ябуулха хэрэгтэй гэжэ би бодобоб.

Филиппынхидтэ 2:30

Эпапродиит Христоосой түлөө ажаллажа байхадаа үхэлэй хажууда байгаа, таанадай хэхэ аргагүй юумэ намда хэжэ, тэрэ ами наһаяа хайрлаагүй.

Колоссынхидтэ 1:29

Тэрэ бүхэнэй тулада би Христоосой үгэжэ байһан, минии зосоо ажаллажа байһан агуу хүсые ашаглан оролдосотойгоор зүдхэнэб.

Колоссынхидтэ 4:12

Иисүүс Христоосой зараса, таанадай үшөө нэгэн болохо Эпапраас таанадта баһа амар мэндые хүргэнэ. Тэрэ таанадай эрхим түгэс боложо, Бурханай эрхэ хүсэлые бүрин мэдэжэ байхын тула таанадай түлөө үргэлжэ Бурханда зальбардаг юм.

Фессалоникиинхидтэ 1-дэхи 2:9

Аха дүүнэрни, яажа ажаллажа, эсэжэ сусажа байһан тухаймнай таанад һанана байхат. Таанадта ямаршье бэрхэшээл ушаруулхагүй гэжэ бидэ таанадта Бурханай Һайн Мэдээсэлые үдэр һүнигүй номнодог һэмди.

Фессалоникиинхидтэ 1-дэхи 5:12

Аха дүүнэрни, таанадай дунда ажаллажа, Бурханда һайшаагдаха ажамидаралда таанадые хүтэлжэ, һургажа байһан хүнүүдые хүндэлжэ байгты гэжэ бидэ гуйнабди.

Фессалоникиинхидтэ 2-дохи 3:1

Аха дүүнэрни, түгэсхэлдэнь иимэ юумэн хэлэхэ байнаб: Эзэнэй һургаал таанадай дунда яажа таража байнаб, тон тиигэжэл саашадаа таража, алдаршажа байхын тула таанад бидэнэй түлөө зальбаржа байгты.

Тимофейдэ 1-дэхи 4:10

Амиды Бурханда найдажа байһан хадаа бидэ тэмсэжэ, хүндэ ажал хэжэ байнабди. Ушарынь юуб гэхэдэ, амиды Бурхан бүхы хүнүүдэй, илангаяа һүзэглэгшэдэй Абарагша мүн.

Тимофейдэ 2-дохи 4:5

Харин ши ямаршье ушарта бэеэ барижа, зоболонгуудые дабажа, Һайн Мэдээсэл дэлгэрүүлхэ ажалаа бүтээжэ, Бурханай зарасын дүүргэхэ ёһотой уялга гүйсэдхэжэ байгаарай.

Филимондо 1:1

Бидэнтэй хамта хүдэлдэг эрхим хүндэтэ Филимон, Иисүүс Христоосой түлөө түрмэдэ һууһан Павел ба һүзэглэгшэ Тимофей хоёр шамда бэшэнэ. Манай Бурхан Эсэгэһээ болон Эзэн Иисүүс Христоосһоо үршөөл хайра ба амгалан тайбаниие айладханабди. Гэртэшни суглардаг һүзэглэгшэдэй бүлгэмдэ, хүндэтэ Апфии дүүдэмнай, бидэнтэй хамта алба хэдэг Архипта мэндые хүргөөрэй.

Еврейнүүдтэ 3:6

Харин Христоос тэрээндэ орходоо Бурханай гэртэ байһан Хүбүүндэл адли найдабаритай. Өөһэдынгөө этигэжэ байһан зориг ба найдабари хадагалжа байбал, бидэ Тэрэнэй гэрынь болохобди.

Гэршэлгэ 2:1

Эфесэй һүзэглэгшэдэй бүлгэмэй түлөөлэгшэдэ иигэжэ бэшээрэй: «Баруун гартаа долоон одонуудые баряад, алтан долоон дэнгүүдэй дундуур ябагша иигэжэ хэлэнэ: