Лука 1:17 - Библи

¹⁷ Хүбүүншни Эзэнэй урда Элияадал адли һүр хүсөөр, һүнэһэ һүлдөөр дүүрэн ерэхэ. Тиигэжэ үбгэ эсэгэнэрые үри хүүгэдтэйнь эблэрүүлхэ, өөрынхеэрээ ябадаг хүнүүдые Бурханай эрхэ хүсэл бэелүүлхэ тээшэнь тэгүүлхэ. Иигэжэ арад зониие Эзэнтэй уулзуулхада бэлэн болгожо байха.

Шэнэ Хэлсээн

¹⁷ Хүбүүншни Дээдын Эзэнэй түрүүндэ Илиядал адли һүр хүсөөр, һүнэһэ һүлдөөр дүүрэн ерэхэ. Тиигэжэ үбгэ эсэгэнэрые үри хүүгэдтэйнь эблэрүүлхэ, өөрынхеэрээ ябадаг хүнүүдые Бурханай эрхэ хүсэл бэелүүлхэ тээшэнь тэгүүлхэ. Иигэжэ арад зониие Дээдын Эзэнтэй уулзуулхада бэлэн болгожо байха».

Лука 1:17 Referencias Cruzadas

3 Хаан түрэнүүд 17:1

Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.

3 Хаан түрэнүүд 18:18

Элияа харюусаба: – Би Израилиие зобооно бэшэб, шинии гэр бүлэ болон эсэгыншни бүлэ Эзэнэй һургаал заабаринуудые орхижо, Баалнуудые дахан мүргэжэ эхилээ.

3 Хаан түрэнүүд 21:20

Ахааб Элияа гэгшые харахадаа: – Зай, дайсамни, олобо гүш намайе? – гэбэ. Элияа тэрээндэ хэлэбэ: – Олоол бэзэб. Юуб гэхэдэ, ши Эзэндэ таагүй хэрэг үйлэдэжэ байнаш.

4 Хаан түрэнүүд 1:16

иигэжэ хэлэбэ: – Эзэн иигэжэ айладана: Израильда Бурхан үгы юм шэнги Экрооной шүтөөн Баалзэбүүлһээ үршөөл хайра гуйхаяа элшэдээ эльгээһэнэйнгээ түлөө ши хэбтэһэн орон дээрэһээ бодонгүй үхэхэш!

1 Угай бэшэг 29:18

Манай эсэгэнэрэй, Абраһаамай, Исаагай, Израилиин Эсэгэ Бурхан. Өөрынгөө арадай зүрхэ сэдьхэл, ухаан бодолой мэдэрэлые хэтын хэтэдэ үршөөн байгыт, тэдэнэй зүрхэ сэдьхэлые өөртөө шэглүүлэн ябыт.

2 Угай бэшэг 29:36

Иимэ түргөөр арад түмэнөө Эзэнэй анхаржа, баяр баясхалан зохёоһондонь Хэзэкияа болон бүхы зон баясан байгаа бэлэй.

Псалманууд 111:10

Хорото һанаата хүн хаража, атаархаха, ש Шиин шүдөө хабирха, хайлан һалаха. ת Таав Хорото зоной хүсэл бэелүүлэгдэхэгүй.

Псалманууд 78:8

Элинсэгэймнай нүгэлые маанадта бү ашыт, Өөрын энэрэл хайрые бидэндэ үзүүлыт, ушарынь угаа зобоод байналди.

Исай 29:24

Алдуу эндүү хэжэ байгаашад ойлгодог болохо, гэмэрэлдэн байгаашад заабари хүлеэн абаха».

Амоос 4:12

Тиимэһээ, Израиль, Би шамда нэгэ юумэ эдюулхэб даа! Тиимэһээ Минии шамда иимээр хандаха байһанда, Израиль, бэлдэн бай, өөрын Бурханиие угтаарай!

Матвей 11:14

Хэрбээ таанад тэдэ номуудта этигэжэ байбал, мэдэгты: Иоанн болбол ерэхэ ёһотой гэжэ уридшалан хэлэгдэһэн Элияа гээшэ.

Матвей 14:4

Юундэб гэхэдэ, Иоанн: «Ши Иродиадатай һууха ёһогүйш», – гэжэ Иродтэ хэлэһэн байгаа.

Матвей 3:3

Иоанн тухай лүндэншэ Исай иигэжэ хэлээ: «Эзэнэй ябаха замыень бэлдэгты, алхаха харгыень дардам сэхэ болгогты гэжэ хэн бэ даа сүл губида хашхарба».

Матвей 3:4

Иоанн тэмээнэй нооһон хубсаһа үмдэдэг, һур бэһэ бэһэлээд ябадаг бэлэй. Тэрэ таршаагаар, зэрлиг зүгын балаар хооллодог байгаа.

Лука 1:16

Израилиин олон зониие өөһэдынь Бурхан болохо Эзэндэ һөөргэнь бусаажа хандуулха.

Лука 1:76

Тиин ши, жаахан хүбүүмни, Дээдэ Бурханай лүндэншэ гэжэ нэрлэгдэхэш, Эзэнэй урдань ябажа, заларха замыень бэлдэхэш.

Иоанн 1:13

Тэдэ хүнэй хүсэл дуранһаа, эрын хүсэлэнһөө бүрилдөөгүй, харин Бурханһаа түрөө.

Иоанн 1:34

Би эдэ бүгэдые хараа һэм, тиин Энэ Бурханай Хүбүүн мүн гэжэ би гэршэлнэб.

Иоанн 3:28

Таанар өөһэдөө «Би Бурханай табисуурта бэшэб, би миин лэ Тэрээнһээ урда эльгээгдэһэн байнаб», – гэжэ минии хэлэһэнэй гэршэнэрта.

Хэрэгүүд 10:33

Тиигээд би тэрэ дороо хойноһоотнай эльгээгээ һэнби. Танай ерэһэнтнай ехэ һайн гээшэ. Мүнөө бидэ булта Бурханай урда зогсожо, Эзэнэй танда хэлэ гэжэ захирһан бүхэниие танһаа дуулахаяа эндэ суглараабди.

Римэйхиндэ 9:23

Бурхан алдартаа хүртөөхэ гэжэ бэлдээд байһан үршөөлтэ хүнүүдтээ баһал элбэг дэлбэг алдараа элирүүлхэеэ хүсэнэ.

Тимофейдэ 2-дохи 2:21

Хүнүүдшье баһал тиимэ. Зарим хүнүүд нүгэл хэхэеэ болижо, арюун сэбэр болоод, тусхай хүнүүд болодог. Тэдэнэй ажамидарал Бүтээгшэдэ таатай арюун гэгээн байдаг, тэдэ ямаршье һайн һайхан хэрэгүүдые хэхэдэ бэлэн байдаг.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Иоаннай 1-дэхи хандалга 2:28

Үхибүүд, мүнөө таанар Христоостой нэгэн хамта байгты. Тиигээ һаа, Тэрэнэй бусажа ерэхэдэнь, бидэ айхые мэдэхэгүйбди, эшэхэгүйбди.

Гэршэлгэ 20:4

Зарга шүүбэри хэхэ эрхэтэй хүнүүдэй һууһан хаан шэрээнүүдые харабаб, мүн Иисүүс тухай, Бурханай Үгэ тухай гэршэлһэнэйнгээ түлөө толгойгоо таһа сабшуулаашадай һүнэһэнүүдые, арьяатанда, тэрэнэй хүрэг дүрсэдэ һүгэдэн мүргөөгүйшүүлэй, духадаа гү, али гартаа тэрэ арьяатанай тамга табюулаагүйшүүлэй һүнэһэнүүдые би харабаб. Тэдэнэр дахин амидыруулагдажа, мянган жэл соо Христоостой хамта зонхилжо байгаа.

1 Хаан түрэнүүд 7:5

Самуил зондо соносхобо: – Бүхы Израилиин зон Мицпаада суглараг! Би таанадай түлөө тэндэ Эзэндэ мүргэн зальбархаб.