Левит 9:24 - Библи

²⁴ Гэнтэ Эзэнһээ гал ялабхин бадараад, үргэлэй шэрээ дээрэ байгша түгэс шатаалта үргэл ба өөхэ шатаажархиба, энээнииень арад зон хараад, баярлаһандаа хашхаралдан, уруугаа харан унаба.

Левит 9:24 Referencias Cruzadas

Эхин 15:17

Наранай орожо, бүтүү харанхы болоходо, гэнтэ дүрэлзөөд ехэ гал аһаба. Галһаа үдхэн утаан бөөгнэрэн гаража, дүлэн сасаржа байба. Тэрэ гал дүлэн амитадай хахадлан сабшагдаһан бэеын хубинуудай хоорондуур гаража үнгэрбэ.

Эхин 17:3

Абрам газар мүргэн һүгэдэбэ. Бурхан тэрээндэ хандан, үгэеэ үргэлжэлүүлбэ:

4 Хаан түрэнүүд 19:15

Тиигээд тэрэ Эзэндэ зальбарба: – Херүүбүүд дээрэ заларагша, Түмэн Сэрэгтэ Израилиин Эзэн Бурхан! Та ори гансаараа газар дээрэхи бүхы хан түрэнүүдэй Бурхан болонот! Та огторгой, газарые бүтээгээт!

1 Угай бэшэг 21:26

Иигээд Давид тэндэ Эзэндэ үргэлэй шэрээ барижа, түгэс шатаалта болон амгалан байдалай түлөө үргэлнүүдые үргэбэ. Тэрэ Эзэндэ зальбарба, Эзэн энэ гуйлтыень дуулаад, түгэс шатаалта үргэлэй шэрээдэ огторгойһоо гал эльгээбэ.

2 Угай бэшэг 6:2

Танай хэтэ мүнхэдөө заларан оршохо үндэр үргөө би баряаб.

Эзраа 3:11

«Магтагты!», «Эзэн Бурханаа алдаршуулагты!», «Энэрхы хадаа Тэрэ Израилиие хододоо үмэгшэлхэ!» гэхэшэлэн олон магтаал дуунуудые дуулабад. Эзэнэй һүмын һууриин табигдаһантай дашарамдуулан бүхы зон Эзэндээ соло магтан хашхаралдаба.

Псалманууд 80:1

[Дуунай бүлэгэй хүтэлбэрилэгшэдэ: гиттит гэжэ хүбшэргэйтэ зэр зэмсэгэй дууряалга доро. Асаапай зохёоһон.]

Египедһээ гаралга 3:2

Тэндэ аһажа байһан үүргэнын һөөг сооһоо Эзэнэй Эльгээмэл тэрээндэ үзэгдэбэ. Гайхал ехэ, үүргэнын һөөг бургааһан гал дүлөөр соробхилжо байһан аад, шатажа дууһаха хэбэргүй байба.

Левит 10:2

Эзэнһээ гал соробхилон, тэдэниие дүргөөжэрхибэ, тэдэнь Эзэнэй үмэнэ үхэшэбэ.

Левит 6:13

Үргэлэй шэрээ дээрэ гал унтарангүй, хододоо носожо байха ёһотой.

Тоололго 14:5

Моисей Аһароон хоёр бүхы израильшуудай урда нюураараа газар дэрлэн унаба.

Тоололго 16:22

Моисей Аһароон хоёр нюураараа газар дэрлэн унажа зальбараад, Эзэндэ иигэжэ хэлэбэ: – Өө, хүлисыт, Бурхан, амиды голтой алишье амитанай Бурхан! Ори ганса хүнэй нүгэл хэхэдэнь, бүхы арад зондо Та уураа бү гаргыт!

Тоололго 23:21

Яковта тэрьедэлгэ харагданагүйл! Израильда гай тодхор болохогүйл! Тэдээнтэй хамтал Эзэн Бурхан! Тэдээнтэй хамтал Хаан гээд зар тунхагтай!

Матвей 26:39

Тиигээд тээ хажуу тээшээ ошожо, уруугаа харан газар дээрэ хэбтээд: – Эсэгэмни! Хэрбээ арга бии һаа, энэ аягаһаа амсуулангүй, иимэ ехэ зоболон намһаа зайлуулыт даа. Гэбэшье Минии дура хүсэлөөр бэшэ, харин Танай эрхэ хүсэлөөр болог лэ, – гэжэ зальбарба.

Гэршэлгэ 4:9

Хаан шэрээ дээрэ Һуугаашада – хэтэ мүнхэдөө Амидарагшада алдар соло, нэрэ түрэ, баяр баясхалангаа тэдэ амитадай хүргэхэдэнь,

Гэршэлгэ 5:8

Номые Тэрэнэй абахадань, дүрбэн амитад, хорин дүрбэн ахамадууд Үргэлэй Хурьганай урда һүгэдэн, доро дохибо. Тэдэнэр тус бүридөө нэгэ нэгэ ятагануудые, хүжэ санзай дүүрэтэр хэһэн алтан аягануудые гартаа баряад байгаа. Эдэ бүгэдэнь Бурханай зоной бүтээдэг мүргэл зальбаралынь мүн бэлэй.

Гэршэлгэ 7:11

Хаан шэрээе, ахамадуудые, дүрбэн амитадые тойроод, бүхы Эльгээмэлнүүд зогсожо байба. Тэдэнэр хаан шэрээгэй урда уруугаа хаража бултадаа унаад, Бурханда мүргэбэд.

Ударидагшад 13:23

Теэд һамганиинь үбгэндөө иигэжэ хэлэбэ: – Хэрбэеэ Эзэн бидэниие алаха гэбэл, Тэрэ бидэнэй гарһаа түгэс шатаалта ба хилээмэн үргэлнүүдые абахагүй, бидэндэ эдэ бүгэдые харуулха, хэлэхэ үгы байгаал!

Ударидагшад 6:21

Эзэнэй Эльгээмэлэй гартаа баригша һүлдэ тулгуурайнгаа үзүүрээр мяханда болон шаангида хүрэхэдэнь, тэрэ шулуунһаа гал гараад, Гидооной асарһан мяхые болон шаангиие тэрэ гал үрэбхиһэн юумэдэл үгы хэжэрхибэ. Эзэнэй Эльгээмэлшье тэрэ дары үгы болошобо.