Левит 8:30 - Библи

³⁰ Тиигээд Моисей тоһолхо тоһонһоо болон үргэлэй шэрээ дээрэ байгша шуһанһаа абаад, Аһароон дээрэ, тэрэнэй хубсаһа, хүбүүдыень, хүбүүдэйнь хубсаһые бүгэдыень арюудхаба.

Левит 8:30 Referencias Cruzadas

Египедһээ гаралга 28:2

Һүр алдартай ба һайхан үзэмжэтэй байхынь тула һахилай хубсаһа Аһароон ахадаа оюула.

Египедһээ гаралга 29:21

Удаань шэрээ дээрэһээ шуһа ба оливын тоһо абажа, Аһароондо, хубсаһандань сүршэхэш, хүбүүдтэнь, хубсаһандань мүн лэ сүршэхэш. Тиигэжэ Аһароониие хүбүүдтэйнь, тэдэнэй хубсаһые арюудхаха болонош.

Египедһээ гаралга 30:30

Минии санаартад болохынь тулада Аһарооной, тэрэнэй хүбүүдэй магнайда түрхин арюудхахаш!

Исай 61:1

Эзэн Бурханай Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхын, зүрхэнэй шархатай зониие эдэгээхын, баряанда байгшадта эрхэ сүлөө, түрмэдэ хаагдаатай зондо түрмын үүдэнэй нээгдэхэ тушаа соносхохыемни томилһон юм.

Исай 61:3

Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Левит 10:3

Моисей Аһароондо үгүүлбэ: – Эзэн энээниие айладаһан байгаал, иигэжэ үгүүлхэдээ: Намда дүтэ хүнүүд дээрэ Өөрын нангиниие харуулхаб; бүхы арад зоной үмэнэ Алдараа харуулхаб. Аһароон абяа аниргүй байба.

Левит 7:35

Аһароон ба тэрэнэй удамынь Эзэнэй санаартан боложо, һахил хүртэһэн үдэрһөө хойшо Эзэндэ үргэһэн үргэлнүүдһээ иимэ хуби абадаг юм.

Левит 7:36

Оливын тоһо түрхижэ, һахилда хүртүүлһэн үдэрһөө хойшо тэдээндэ израильшууд хэтэ мүнхэдөө, үеһөө үе дамжан, иимэ хуби үгэдэг байха гэжэ Эзэн захирһан байна.

Левит 8:12

Тиигээд тэрэ тоһолхо тоһонһоо Аһарооной толгой дээрэнь адхан, тэрэниие тоһолон арюудхаба.

Тоололго 3:3

Нэрэ нэрээрээ нэрлүүлһэн эдэ Аһарооной хүбүүд оливын тоһо толгойдоо түрхюулжэ, санаартад болоод, майхан һүмэдэ хурал мүргэлэй алба хэдэг байгаа.

Еврейнүүдтэ 2:11

Арюудхагша ба арюудхагдаһан бүхы хүнүүд нэгэ Эсэгэтэй. Тиимэһээ Иисүүс тэдэниие аха дүүнэрни гэжэ нэрлэхэеэ эшэдэггүй.

Пётрой 1-дэхи хандалга 1:2

Иисүүс Христоосой үгэ дуулажа, шуһаарнь сэбэрлүүлхын тула таанад Эсэгэ Бурханай эрхэ мэдэлээр шэлэгдэжэ абтаһан байгаат, Тэрэнэй Арюун Һүлдын ашаар арюудхагдаат. Бурханай үршөөл хайра, амгалан тайбан та бүхэнтэй элбэг дэлбэг байхань болтогой.

Иоаннай 1-дэхи хандалга 2:27

Бурханай таанадта үгэһэн Арюун Һүлдэ сэдьхэлдэтнай байна, тиимэһээ таанарые хэн нэгэнэй һургаһанай хэрэгынь үгы. Арюун Һүлдэ үнэн зүб юумэ хэлэнэ, худал юумэ хэлэнэгүй, тиигэжэ таанарые бүхы юумэндэ һургана. Арюун Һүлдын һургаһан ёһоор таанар Христоостой нэгэн хамта байгты.

Гэршэлгэ 7:14

«Ноён аа, та мэдэнэт», – гэжэ харюусааб. Тиихэдэмни намда тэрэ иигэжэ хэлэбэ: «Эдэ хүнүүд гайтай ехэ гасалан зоболон үзэжэ ерэгшэд мүн. Эдэнэр хубсаһа хунараа Үргэлэй Хурьганай шуһанда угаажа, сагаан болгобо.