Левит 8:15 - Библи

¹⁵ Тэрэниие үүсэлһэнэй хойно Моисей шуһанһаань хургаараа абаад, үргэлэй шэрээгэй эбэрнүүдтэ түрхеэд, үргэлэй шэрээе арюудхаба. Үлэһэн шуһыень үргэлэй шэрээгэй доогуур адхаба, иигэжэ тэрэ үргэлэй шэрээ арюудхаба.

Левит 8:15 Referencias Cruzadas

2 Угай бэшэг 29:24

Санаартад тэдэ тэхэнүүдые үүсэлжэ, бүхы Израилиин нүгэл арюудхахын тула шуһаарнь үргэлэй шэрээ сэбэрлэбэ. Юуб гэхэдэ, бүхы Израилиин түлөө хаан түгэс шатаалта үргэл болон нүгэл сагааруулгын үргэл хэхые захираа һэн шуу.

Эзэкээл 45:20

Зорюута гү, али мэдэнгүй нүгэл хэһэн хүнэй түлөө иимэл үргэл һара бүхэнэй долоодохи үдэр хэхэ хэрэгтэй. Иигэжэ нангин үргөө арюудхагдаха.

Даниил 9:24

Эсэргүүсэһэн ябадал мартагдахын, нүгэл арюудхагдахын, гэм зэм амасагдахын тула, үнэн зүб ябадалай хэтэ мүнхэдөө мандахын, үзэгдэл болон лүндэн дээрэ тамга табигдахын тула, Нангинай нангин газарай арюудхагдан тоһологдохын тула дала дахин долоон хоног үнгэрхэ ёһотой. Иимэ сагай хугасаа соо арад зонтнай, нангин хототнай нүгэлөө амасаха гээд Бурхан тодорхойлоо.

Левит 1:11

Тиигээд Эзэнэй урда, үргэлэй шэрээгэй хойто таладань асараад, амиинь таһалха ёһотой. Аһарооной санаартан үри һадаһад үргэлэй шэрээе шуһаарнь зүг бүхэнһөөнь сүршэг.

Левит 1:5

Тиигээд тэрэ Эзэнэй урда тус бухын амиинь таһалаг, санаарта Аһарооной хүбүүд шуһыень абаад, майхан һүмын үүдэндэ байһан үргэлэй шэрээгэй зүг бүхэниие сабдан сүршэхэ ёһотой.

Левит 16:20

Нангин газар, майхан һүмэ, үргэлэй шэрээ эдэ бүгэдые арюудхахын тула ёһолол бүтээгээд, Аһароон нэгэ амиды тэхэ асарха.

Левит 3:2

тархи дээрэнь гараа табяад, майхан һүмын үүдэнэй хажууда амиинь таһалаг. Аһарооной санаарта хүбүүд үргэлэй шэрээе зүг бүхэнһөөнь шуһаар сабдан сүршэхэ.

Левит 3:8

тархи дээрэнь гараа табяад, майхан һүмын дэргэдэ амиинь таһалаг. Аһарооной хүбүүд шуһаарнь үргэлэй шэрээ зүг бүхэнһөөнь сабдан сүршэг.

Левит 4:25

Тиигээд санаарта түгэс шатаалта үргэлэй шэрээгэй эбэрнүүдтэнь нүгэл сагааруулгын үргэлдэ зорюулһан амитанай шуһа хургаараа сүршөөд, бэшэ шуһыень тэрэ түгэс шатаалта үргэлэй шэрээгэй хаяа руу адхаг.

Левит 4:30

Тиигээд санаарта түгэс шатаалта үргэлэй шэрээгэй эбэрнүүдтэнь шуһыень хургаараа сүршөөд, бэшэ шуһыень үргэлэй шэрээгэй хаяа руунь адхаг.

Левит 4:7

Тиигээд санаарта Эзэнэй үмэнэ, майхан һүмэ соо байгаа санзай ууюулдаг үргэлэй шэрээгэй эбэрнүүдтэ үргэһэн малай шуһа түрхиг, бэшэ шуһыень майхан һүмын үүдэндэ байһан түгэс шатаалта үргэлэй шэрээгэй хаяа руу адхаг.

Левит 6:30

Харин нүгэл сагааруулгын үргэлэй малай шуһан майхан һүмэ руу арюудхалгын түлөө оруулагдаа һаань, иимэ үргэлэй мяха эдихэ ёһогүй, галда шатааха хэрэгтэй.

Тоололго 8:12

Левидүүд альгануудаа тугалнуудай толгой дээрэ табиг. Тиигээд эдэ тугалай нэгэн нүгэл сагааруулгын үргэл, нүгөөдэнь түгэс шатаалта үргэл болон үргэгдэхэ. Энэ бол левидүүдые арюудхалгын ёһолол мүн.

Римэйхиндэ 5:10

Хэрбээ Бурханай дайсадынь байхадамнайшье Тэрэ Өөрынгөө Хүбүүнэй үхэлөөр маанадтай эбээ нэгэдхээ юм һаа, мүнөө эбтэй эетэй байхадамнай, Тэрэ Хүбүүнэйнгээ аминай ашаар маанадые хэһээлтэһээ заабол абарха бэшэ аал.

Эфесэйхиндэ 2:16

Христоос хэрээһэн дээрэ үхэхэдөө, тэдэнэй үһөө хиһаае усадхаад, нэгэ бэе соо хоёр арадые эблүүлээд, тэдэниие һөөргэнь Бурханда асараа.

Еврейнүүдтэ 2:17

Найдабаритай ба үршөөл хайратай Ахамад Санаарта болоод, бүхы хүнүүдэй нүгэлнүүдыень хүлисүүлхын тула Бурханда алба хэжэ байхадаа, Өөрынгөө аха дүүнэртэй адли болохо ёһотой байгаа.