Левит 8:14 - Библи

¹⁴ Тиигээд тэрэ нүгэл сагааруулгын үргэл болохо нэгэ буха асарба; Аһароон хүбүүдтэеэ нүгэлэй түлөө үргэл болохо бухын тархида гараа табиба.

Левит 8:14 Referencias Cruzadas

Исай 53:10

Тэрэниие усадхаха гэжэ Эзэн хүсөө, зоболон тохоо. Нүгэлэй түлөө ами наһаяа үргэхэдөө, Тэрэ уг удамаа харахал, Өөрын үдэрнүүдые утадхахал, Тэрэнэй аргаар Эзэнэй хүсэл бэелүүлэгдэхэ.

Эзэкээл 43:19

Цадоок санаартанай үри һадаһад, Левиин обогой санаартад, Минии нангин үргөө соо алба хэхэ эрхэтэй. Нүгэл сагааруулгын үргэл хэхэдэнь, буруу тэдээндэ үгөөрэй.

Эзэкээл 43:20

Тэрэ буруугай шуһые үргэлэй шэрээгэй дүрбэн углуугаар сүршэ. Мүн дунда хубиинь углуунуудаар, бэһэлүүрээр баһал сүршөөрэй. Иигэжэ үргэлэй шэрээе сэбэрлэхэ, арюудхаха болонош.

Эзэкээл 44:27

дотор хорёо руу ошожо, нүгэл сагааруулгын үргэл үргөөд, одоол энээнэй удаа санаартанай уялгануудые дахин дүүргэхэ эрхэтэй болохо. Энэ болбол Би, Эзэн Бурхан, айладхана мүн!

Левит 1:4

Һайшаагдахынь тула, нүгэлөө сагааруулхын тула үргэл хэгшэ хүн тэрэ бухынгаа тархи дээрэ гараа табиг.

Левит 16:21

Аһароон хоёр гараа тэрэ тэхын тархи дээрэ табяад, израильшуудай бүхы хуули буса, гэмтэ ябадалнуудыень, бүхы нүгэлыень наманшалаад, тэхын тархи дээрэ тээгээд, тэрээнээ харууһалагша хүнтэй сүл губи руу табижархиха.

Левит 16:6

Аһароон нүгэл сагааруулгын үргэлдэ тугал асараг, тиигээд өөрыгөө, өөрынгөө гал гуламта арюудхаха ёһотой.

Левит 4:15

Арадай ахамад ноёд Эзэнэй үмэнэ тэрэ буруунай тархи дээрэ гараа табиха, тиигээд Эзэнэй үмэнэ амиинь таһалха ёһотой.

Левит 8:2

– Аһароон болон тэрээнэй хүбүүдые абаад, хубсаһа хунар, тоһолхо тоһо, нүгэл сагааруулгын үргэл болохо нэгэ буха, хоёр хуса, нэгэ түрсүүг эһээлтэгүй хилээмэ асара.

Тоололго 8:12

Левидүүд альгануудаа тугалнуудай толгой дээрэ табиг. Тиигээд эдэ тугалай нэгэн нүгэл сагааруулгын үргэл, нүгөөдэнь түгэс шатаалта үргэл болон үргэгдэхэ. Энэ бол левидүүдые арюудхалгын ёһолол мүн.

Римэйхиндэ 8:3

Манай нүгэлтэ мүн шанарһаа боложо Хуулиин бүтээжэ шадаагүй юумые Бурхан бүтээбэ. Тэрэ Хүбүүгээ нүгэлтэ маанадтайл адли бэетэйгээр нүгэлнүүдэймнай түлөө тахил болгон эльгээжэ, бэеэрнь манай нүгэлнүүдые гэмнэн шүүбэрилээ.

Коринфынхидтэ 2-дохи 5:21

Бурхан маанадай түлөө ямаршье нүгэлгүй байһан Христоосто манай нүгэлнүүдые ашаа. Тиигэжэ бидэ Христоостой нэгэдэн, Бурханда зохистой болообди.

Пётрой 1-дэхи хандалга 3:18

Бидэниие Бурханда хандуулхын тула Христоос манай нүгэл шэбэлэй түлөө нэгэтэ зоболон эдлээ. Тэрэ үнэн сэдьхэлтэн хара һанаатай зоной түлөө бэеэ һүнөөлгэжэ, һүлдөөрөө амидыраа.